Amôs 1:8 - Sră Goh 2018

⁸ Añ rơp tơnroh ală cau ơm tòm Asdot mơ cau at gai gơnoar at bồ tòm Askalôn. Añ rơp tơrwơl tê tòmdră mơ Ekrôn, jơl tus di tŭ cau Philistin gam tơngkah wơl rơp gơkòl roh rui,” Yàng Jehôwa đơs behơ̆.

Amôs 1:8 Mawu Ofanana

II Yal Yau 26:6

Khai lik lòt tòmlơh tòmdră mơ cau Philistin mơ lơh tơrlah dơrñang Gat, Japne mơ Asdôt. Lồc behơ̆ khai bơt wơl ală ƀòn dờng rềp di Asdôt mơ tòm ală tiah ndai digùl cau Philistin.

Đơs Crih 81:14

Gen Añ rơp mhar lơh ală cau sò tơm bol khai dê kong alah, Pơrlac tê Añ nàng tòmlơh mơ ală cau sòdră di bol khai.

Esai 1:25

Añ rơp tơrwơl tê tòmdră mơ ai, Añ rơp tŏ tiar mơ lơh ai in gơs goh bơh di jơh ală bơta kung be è lòs, mơ tă sang jơh ală bơta ƀơ̆ ƀơl ai dê.

Esai 20:1

Tòm nam mơ Sargôn, bơtau Asiri, sồr cau kwang dờng at bồ ling tus Asdôk, tòmlơh mơ tòmpìt ai gơ,

Jeremi 47:1

Do la jơnau bơh Yàng Jehôwa đơs mơ cau gơnoar hwơr Jeremi bơh cau Philistin, lài mơ tŭ Pharaôn òhềt brồ lơh Gaja.

Ejekiel 25:16

gen tàng Jehôwa Yàng Tom Trồ đơs be do: ‘Añ rơp pò tê tòmdră mơ làng bol Philistin, Añ rơp tơnchơt ală cau Keret mơ tơnroh jơh ală cau gam wơl ơm rò gah dàlềng.

Jôel 3:4

Ơ Tirơ mơ Sidôn, mơ jơh ală kơnhwàl lơgar Philistin dê, ñchi bơta bol mê tơm wơl Añ in taih? Bol mê kòñ sal wơl di Añ bơh ală broă Añ neh lơh ơ? Dilah bol mê sal wơl di Añ, Añ rơp sơrbac sơrbang mơ mhar tuh wơl hơđang bồ bol mê ală bơta bol mê neh lơh.

Amôs 1:7

Añ rơp sồr ồs tus hơđang ală dơrñang ƀòn Gaja dê, gơ rơp sa loan jơh ală gơlang kơ̆ cê gơ dê.

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Apdia 1:18

Hìu Jakôp rơp la ồs, mơ hìu Jôsep rơp la lơmpiat ồs; hìu Esau rơp la rhe, mơ bol khai rơp chu pơrguc gơ. Rơp ò gam cau lơi kis tòm hìu Esau dê.” Yàng Jehôwa neh đơs behơ̆.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Sacari 9:5

Askalôn rơp gŏ bơta hơ̆ mơ rngòt; Gaja kung behơ̆ sơl rơp kong jê sồt bòl glar ngan, Ekrôn kung behơ̆, bơta kơp kòñ gơ dê neh roh rui jơh. Bơtau rơp kong tơnroh bơh di Gaja; Askalôn rơp ò gơs cau ơm.

Sacari 9:6

Làng bol gơtòmbơcă rơp ơm tòm Asdôt, mơ Añ rơp pơndut bơta pơnhừ să ală cau Philistin dê.

I Samuel 6:17

Do la ală rùp kòp pluh as mơ màh mơ cau Philistin pơyoa Yàng Jehôwa in lơh gơs phan ơn bơh tồi glài: ală ƀòn Asdot, Gaja, Askalôn, Gat mơ Ekrôn, kòp ƀòn dô nơm.