Amôs 1:3 - Sră Goh 2018

³ Yàng Jehôwa đơs be do: “Bơh tồi glài Damas dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh bol khai neh pơrjòt Galaat mơ gai lòs pơrjòt kòi.

Amôs 1:3 Mawu Ofanana

I Ală Bơtau 19:17

Cau lơi klàs bơh đào Hajael dê gen Jehu rơp tơnchơt; cau lơi klàs bơh đào Jehu dê gen Elise tơnchơt.

II Ală Bơtau 13:3

Bơta gơjrañ dờng Yàng Jehôwa dê gơhào khuh tòmdră mơ Israel, tài bơh hơ̆ Kơnràñ jào bol khai pơnjat sùm tòm tê Hajael bơtau Aram, mơ Benhadat kòn klau Hajael.

II Ală Bơtau 13:7

Behơ̆, Jôaca ơm wơl mơ mpồl ling ò rlau pram jơt nă cau hào ơseh, jơt nơm rơndeh, mơ jơt rbô nă cau ling lòt jơng lơm; bơh bơtau Aram neh tơnroh bol khai, mơ lơh di bol khai be thul tòm ƀlàng pơrjòt kòi.

II Ală Bơtau 16:9

Bơtau Asiri iat jơnau Ahas dê, lòt tus brồ lơh Damas mơ tòmpìt ai gơ, kup làng bol cèng tus hơ Kir, mơ khai tơnchơt Rejin.

II Ală Bơtau 8:12

Hajael lùp lah: “Ñchi bơh tài cau tòm añ ñìm taih?” Elise ho lah: “Tài bơh añ git bơta iơh mơ mê rơp lơh di cau Israel. Mê rơp chu ală ƀòn dờng kơ̆ cê bol khai dê, tơnchơt ală cau pơnu mơ đào, jă tơnlề kòn dềt, mơ reh kơndul cau ùr bun bol khai dê.”

Sră Jop 19:3

Neh jơt dơ̆ rau oh mi lah pơrhơng añ, Oh mi ò git ƀàssìl lơh iơh di añ taih?

Sră Jop 5:19

Kơnràñ rơp dong tă ồng bơh prau bơta bòl glar; Tòm dơ̆ poh, bơta iơh rơp ò tup di ồng.

Jơnau Pơnđik 6:16

Gơs prau bơta Yàng Jehôwa gơjrañ, mơ poh bơta Kơnràñ ngkòr ngkàc.

Cau Bơto 11:2

Tòmpà tĕ gơ poh nă hala phàm nă in; bơh mê ò git bơta rung rài lơi rơp gơlik tus hơđang ù.

Esai 28:27

Kòi mi ò jă rlai mơ rơndeh kơnrồ, kòi pràng ò di pơrjòt mơ kong rơndeh kơnrồ; mơya kòi mi pal pù mơ gai, ai kòi pràng pal pòng mơ mơng.

Esai 41:15

Do, Añ rơp lơh mê in gơlik gơs phan pòng kòi, pa mơ sơmplàñ gơs oă sề. Mê rơp gì ală mơnơm mơ tơnlề gơ, lơh ală dòr gơlik gơs kung be nsiap kòi.

Esai 7:16

Bơh lài mơ tŭ kòn dềt hơ̆ git sang bơta iơh mơ sac bơta niam, gen lơgar bàr nă bơtau mơ mê rngòt rơp kong sang lòi ngềt ngơt.

Esai 7:8

Bơh bồ Aram dê la Damas, mơ bồ Damas dê la Rejin. (Tòm prau jơt pram nam tai, Epraim rơp kong alah, ò geh kòp la dô nơm làng bol tai.)

Esai 8:4

lài mơ tŭ kòn dềt git đơs: ‘Ơ bèp añ jê!’ hala ‘Ơ mè añ jê!’ gen bơta pas gơs Damas dê mơ phan phà kup Samari di rơp kong tă cèng bơh cau bơtau Asiri.”

Amôs 1:11

Yàng Jehôwa đơs be do: “Bơh tồi glài Edôm dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh khai neh ting jat oh mi he mơ đào, sang lòi jơh ală bơta kòñ nđàc, khai prap lòi bơta gơjrañ sùm sùm, mơ prap gàr bơta gơjrañ kơuềng khai dê ò jơh.

Amôs 1:13

Yàng Jehôwa đơs be do: “Bơh tồi glài Ammôn dê, oă rlau mơ pe poan dơ̆. Añ rơp ò jùt sang bơta lơh glài Añ jê. Tài bơh khai neh reh kơndul ală cau ùr bun tòm Galaat, nàng pò ơnàng nhàr ù tiah khai dê.

Amôs 1:6

Yàng Jehôwa đơs be do: “Bơh tồi glài Gaja dê, oă rlau mơ pe, poan dơ̆ Añ rơp ò jùt sang bơta lơh glài Añ jê. Tài bơh bol khai neh kup cèng lơh dĭ jơh ală mpồl làng bol, mơ tac bol khai cau Edôm in.

Amôs 1:9

Yàng Jehôwa đơs be do: “Bơh tồi glài Tirơ dê, oă rlau mơ pe, poan dơ̆, Añ rơp ò jùt sang bơta lơh glài Añ jê. Tài bơh bol khai neh jào phi jơh mpồl làng bol cau Edôm in, mơ ò gam kah bơh bơta ho bal lơh gơs oh mi.

Amôs 2:1

Yàng Jehôwa đơs be do: “Bơh tồi glài Môap dê, oă rlau mơ pe, poan dơ̆, Añ rơp ò jùt sang bơta lơh glài gơ dê. Tài bơh khai neh chu ală ntìng ƀồc bơtau Edôm dê gơlik gơs cùr.

Amôs 2:4

Yàng Jehôwa đơs be do: “Bơh tồi glài Juda dê, oă rlau mơ pe, poan dơ̆. Añ rơp ò jùt sang bơta lơh glài gơ dê. Tài bơh bol khai neh sang lòi bơta boh lam Yàng Jehôwa dê, mơ ò prap gàr ală bơta sồr lam Kơnràñ dê; tài bơh bol khai gơkòl tề lam tìs nrah bơh ală bơta ma blac, jat ală gùng mơ ală ồng pàng bol khai dê neh lòt.

Amôs 2:6

Yàng Jehôwa đơs be do: “Bơh tồi glài Israel dê, oă rlau mơ pe, poan dơ̆. Añ ò jùt sang bơta lơh glài bơh gơ, tài bơh bol khai tac cau song ring nàng ai priă, tac cau rƀah nàng ai dô yô gơltau jă.

Sacari 9:1

Jơnau đơs Yàng Jehôwa dê tòmdră mơ lơgar Hadrak mơ gơ rơp ơm hơđang Damas. Bơh Yàng Jehôwa gơwèt hơ ƀòn dờng Aram dê, kung lơh behơ̆ mơ jơh ală jơi bơtiàn Israel dê;

Sacari 9:2

kung ơm hơđang Hamat, ơm di nhàr gơ dê, mơ ơm hơđang Tirơ mơ Sidôn, bulah bol khai jak chài ngan.