Amôs 1:10 - Sră Goh 2018

¹⁰ Añ rơp sồr ồs tus hơđang ală dơrñang ƀòn Tirơ, ồs hơ̆ rơp chu pơrguc jơh ală gơlang kơ̆ cê gơ dê.”

Amôs 1:10 Mawu Ofanana

Jeremi 47:4

Tài bơh ală ngai hơ̆ neh tus nàng tơnroh jơh làng bol Philistin Mơ tă tơlik bơh Tirơ mơ Sidôn Ală cau dong kòl ală cau gam wơl. Bơh Yàng Jehôwa tơnroh làng bol Philistin, Hơ̆ la ală cau gam wơl tòm bồt pơlào Kaptôr.

Ejekiel 26:12

Bol khai rơp tòmpìt sơmbrơt phan mơna mê dê, phà kơñau ală phan kă bro mê dê; bol khai rơp pòng tơrlah ală dơrñang mê dê mơ phà tơnroh ală hìu niam mơnĕ mê dê, mơ tuh sang ală lŭ, chi, mơ thul ơmul mê dê tòm dàlềng.

Ejekiel 26:4

Bol khai rơp tơnroh ală dơrñang ƀòn Tirơ, mơ sòr tơrlah ală theng gơ dê; Añ rơp kwà jơh thul, lơh gơ in gơlik gơs dô nơm pơnai lŭ mpòl.

Ejekiel 28:18

Mê neh lơh ƀơ̆ ƀơl ală tiah sàng goh mê dê, bơh bơta tồi glài mê dê gơbơtơl sơlo oă, tòm bơta kă bro ò song mê dê. Behơ̆, Añ neh cèng ồs lik bơh digùl mê, mơ gơ sa pơrguc mê, mơ Añ neh lơh mê in gơlik gơs bùh hơđang ù di đap jơh ală cau ơm sền gŏ.

Jôel 3:4

Ơ Tirơ mơ Sidôn, mơ jơh ală kơnhwàl lơgar Philistin dê, ñchi bơta bol mê tơm wơl Añ in taih? Bol mê kòñ sal wơl di Añ bơh ală broă Añ neh lơh ơ? Dilah bol mê sal wơl di Añ, Añ rơp sơrbac sơrbang mơ mhar tuh wơl hơđang bồ bol mê ală bơta bol mê neh lơh.

Amôs 1:4

Behơ̆ Añ rơp sồr ồs tus hơđang hìu Hajael, mơ gơ rơp sa loan ală ƀòn dờng kơ̆ cê Benhadat dê.

Amôs 1:7

Añ rơp sồr ồs tus hơđang ală dơrñang ƀòn Gaja dê, gơ rơp sa loan jơh ală gơlang kơ̆ cê gơ dê.

Sacari 9:4

Mơya, tŭ do Yàng Jehôwa rơp tă tơlik phan mơna gơ dê, mơ sơrbì sang bơta pas gơs gơ dê tòm dàlềng, mơ gơ rơp kong ồs sa pơrguc.