Aõhebo Rotỹỹnyre 24:22 - Karajá Novo Testamento

²² Feli bede dinodu rierymy ratxireri aõmybo ityhydỹỹdu mahãdu rityhynyre. Tai rarybere judeu mahãdu‑ò: —Lisiu, aõma, soldado dinodu tyhy rehemynyreu, bede rikierydỹỹnanykre.

Aõhebo Rotỹỹnyre 24:22 Mawu Ofanana

Mateu 2:7

Tahe Herodi heka biura mahãdu ributunyre ibutumy iny‑ribi wasimy. Tamy rỹỹraxire: —Tiutxubo taina ròhònyre? Tahe rirawyònyre.

Aõhebo Rotỹỹnyre 18:20

Tii mahãdu tahe Paulo rexitòenyre tai aõutxumy tai ratxunykemy. Tahe rarikõkemy ratxireri.

Aõhebo Rotỹỹnyre 19:40

Roma hãwã dinodu òsana aõmybo inymyreny kanarybekre. Wiji inyboho aõhebo rotỹỹnyrenyrerimy. Aõ kỹnyhe iò‑ki ka wiji jei jei rỹireri wahe. Roma hãwã dinodu tarybe kidiwahinykre‑wana wahe, timyhe warybeõna.

Aõhebo Rotỹỹnyre 24:10

Tahe bede dinodu Paulo‑ò riteòsinyre rỹikemy, rarybekemy. Paulo tahe tamy rarybere: —Wanyrỹ bede dinodu tyhy, sõwe beòra aõmydỹỹnana‑di ywisidỹỹna‑di atximahãte. Jiarỹ kia reeryre. Tai reysawãhãre adee ararybekremy. Waò inatxi reuròtxumy heka Jerusalẽ‑ò adehemynyde. Iny‑ò bitỹỹraxinykeki, wylemy ka bieryke inatyhy raremy. Jiarỹ Deuxu dohodỹỹna heto‑ò rehemynyre Deuxu reàlàkemy.

Aõhebo Rotỹỹnyre 24:14

Sohoji aõmydỹỹnanamy tahe akoreny arelyykre, inatyhy rare. Retyhynywãhãre heka aõbo Jesuisi rierynanymyhỹremy. Tiiboho watyhydỹỹna rininirenyre dohodỹỹna mahãdu iwitxira. Kia hãbu rityhynymyhỹre wesele jiarỹ tule Deuxu inytyby retyhynymyhỹre. Ibutumy bede ywina tyyriti‑ki riritinymy rỹimyhỹremy retyhynywãhãre.

Aõhebo Rotỹỹnyre 24:24

Iribi nade Feli tahãwyy‑wana Drusila. Ihãwyy heka judeu mahãduõ rare. Riteònyre Paulo‑ò tamy kanakremy, tamy kanarybekremy. Paulo rarybere tamy: —Jesuisi Kristu kia tyhydỹỹnamy. Tii òbiti‑di iny rõhõtinykemy tule ywisidỹỹna txumy Deuxu kanakremy ritỹnynyre.

Aõhebo Rotỹỹnyre 24:6

Aõkõre, iny Deuxu dohodỹỹna heto ribinadỹỹnyre, brebuna rỹirerimy ihỹre Paulo òraru‑ki. Remyrenyre tahe, ywisidỹỹmy watxiwãhãre iny bede ywinareny rarybere wesemy. Tahe aõkõre, Lisiu soldado dinodu tyhy ritare iny‑ribi wotõmona‑di.

Aõhebo Rotỹỹnyre 25:26

Aõbo tamy ariritinykre. Aõ heka waritidỹỹkõnare. Aõ dori riwinykõre. Tai redyreri adee iòlò Agripa. Tamy juhu boholakre. Iribi tahe wadee manarybekre aõbo ariritinykremy.

Aõhebo Rotỹỹnyre 26:3

Tule kai dori ibutu judeu bede ywina teeryte. Ibutu lahi rybe teeryte. Bodoholakre inihe wadee, ywina‑di.

Aõhebo Rotỹỹnyre 9:2

Tamy rexitòenyre: —Arybe tyyriti ariwykremy watxireri Damasu hãwã dohodỹỹna heto wedu‑ò. Tai tahe kowa‑ki ityhydỹỹduõ‑txi areakeki, aõtxile hãbu hãwyy aõbo, aridykemy Jerusalẽ hãwã‑ò, ariròtenykemy.