Aõhebo Rotỹỹnyre 10:28 - Karajá Novo Testamento

²⁸ Ta Pedro tamyreny rarybere: —Judeu mahãdu iny witxira mahãdu‑wana wibutudỹỹõmy, iòhòmy wiribi riraõmy. Kia teerytenyte. Deuxu dori riwaerynadỹỹnyre kia wese arõhõtinykre. Iny wiwese wiwesele raremy arõhõtinykemy.

Aõhebo Rotỹỹnyre 10:28 Mawu Ofanana

Joaõ 4:9

Tahe hãwyy rarybere: —Kai judeu mahãdu tate, jikarỹ samaria mahãdu rare. Anoherekibo wadeke texitòenyteri bemomomy. (Judeu mahãdu Samaria mahãdu‑wana wiymy reaõhyymyhỹre. Widi òludu wesemy rare.)

Joaõ 18:28

Idi tahe Kaifa heto‑ribi Jesuisi ridyrenyre ywisidỹỹna‑ò bede dinodu heto‑ò rudiulere. Tiiboho rirònyõhyyre brebuna‑di rexisunyrenyheny. Rirònyrenykeki, tahe Pascoa worana bedehesi rỹsỹnaõ rirỹsỹõtyhy. Tiiboho dori rõhõtinyre rirònykeki, brebuna raremy.

Joaõ 4:27

Tahe Jesuisi erydỹỹna mahãdu rehemynyre. Hãwyy‑wana rarybereriki tahe ribedeòtiidỹỹnyrenyre. Tahe inyõ tamy rỹỹraxiõhyyre. Aõmybo tamy rỹỹraxire, ada aõherekibo tamy rarybereriki.

Luka 18:11

Fariseu tahe rỹimy rexitòenykemy ixidee. My wahe: —Deuxu, jiarỹ aõhãbubina aõkõ rare. Tai tahe umy reàlàmy wahãre. Jiarỹ aõwasidu aõkõ, aõòrarudu aõkõ, aõòtadu aõkõ. Iwese kowa nieru arisidu wese aõkõ jiarỹ rare. Txiòtòetuuke tai.

Marku 7:2

Jesuisi erydỹỹna mahãdu tebò risuhòõmy riroxireri. Fariseu mahãdu, Bede ywina erydỹỹ mahãdu‑wana Jesuisi‑ò ritỹỹraxinyrenyre: —Aõherekibo aerydỹỹna tebò risuhòõmy riroximyhỹrenyre. Aõherekibo ihetxiu bede ywidỹỹnana rityhynyõreri. Lahi rybe‑di erydỹỹdu mahãdu judeu mahãdu‑wana ihetxiu iwidỹỹnana riwinymyhỹrenyre. Tii heka tebò tiu suròduõmy riroxiõmyhỹre. Tiiboho aõna aõna wydyna heto‑ribi dòòsemahãdeu, tiu heka rõhõõdile riroxiõmyhỹre. Sõwemy iwidỹỹnareny rityhynymyhỹre. Bemona butxi, womati bese‑wana risuhòrenyre.

Aõhebo Rotỹỹnyre 10:29

Tahe tai waòrysymy teteònyteu, aõtaximy anademy wanohõti rỹire. Tai tahe adeereny arỹỹraxikre. Aõherekibo waòrysymy aõtaxina teteònyte.