Alatxia-ò 5:25 - Karajá Novo Testamento

²⁵ Inyboho Deuxu Tyytybytyhy‑di rokoirekeki Deuxu Tyytybytyhyry‑ki rakariarenykre

Alatxia-ò 5:25 Mawu Ofanana

Joaõ 6:63

Deuxu Tyytybytyhyle umytuedeõna riwahinymyhỹre. Umydetyhy umytuedeõna‑di aõkõ rare. Urile adee rarybemahãre Deuxu Tyytybytyhymy rybena rare, adeereny umytuedeõna rare.

Roma‑ò 8:2

Deuxu‑ò Tyytybytyhy dori warurutymyra‑di riwarurudỹỹnytyhyre. Rubu‑ribi dori Jesuisi Kristu riwatare ixinamy ararekemy.

1 Oritxi-ò 15:45

Kiamy heka ritidỹỹna‑ki roire. Iny umy riuhemyhỹreki, tule tyytyby umy riuhemyhỹremy rỹire: Juhuu inyiru Deuxu riwinyre Adaõ heka rare.

2 Oritxi-ò 3:6

Irybe tỹmyra dohodỹỹdumy heka inyboho roire. Ihetxiu bede ywina wesemy aõko heka ròritidỹỹre Deuxu Tyytybytyhy ihỹre. Ihetxiu bede ywina heka rubu diwyde. Deuxu Tyytybytyhy iruna riwahinyre. Ihetxiu heka manatyre‑ki ròritidỹỹre. Deuxu loosòna tule ròhònyre, riwahinyreu wahe. Moisesi òsỹny‑ribi sõwemy loosòna ròhònyre. Idi tahe riixãwididỹỹnyre. Tahe judeu mahãdu reteheõhyymyhỹre iòsỹny‑ò, iòsỹny loosònadireki. Deuxu Tyytybytyhy heka iratyre awimy rare, iny‑ò dori Deuxu irutyhy riwahinyre. Tahe bede ywina nade loosòna wiwihikỹ‑di bede ywina tỹmyra tahe iratyre awi rare.

Alatxia-ò 5:16

Tai jiarỹ rarybere, Deuxu Tyytybytyhy deewimy boibekemy deòbiredỹỹna iwidỹỹõmy boibeke.

Filipi-ò 3:3

Inyboho dori notyky resydu mahãdu òbiti rare. Deuxu Tyytybytyhy deewimy nodu roire. Jesuisi Kristu dee winale inydeereny awire. Inyboho dori aõwiwihikỹwidỹỹ‑ò rikityhynyrenyõke.

1 Pedro 4:6

Tai tahe inyõ ituekre mahãdu‑ò Rybewihikỹmy rarybemyhỹre iumy dori rihitxidỹỹnykre ibutu hãbu wesemy. Tahe ityytyby Deuxumy irumy rarekre.

Apocalipse 11:11

Kia txu inataõ txuweere‑di, iumyreny iruna kòdòòsekre tamy Deuxu‑ribi. Tiiboho lamamy rotamanykre. Iny rarokonykre heka ruberu nihikỹmy rỹikre heka.