1 Juaõ 5:1 - Karajá Novo Testamento

¹ Jesuisi inatyhymy Kristu rare, Deuxu deòdỹỹna rare, inyõ rityhynykeki, tii inatyhymy Deuxusỹ mahãduwo‑ki ratximyhỹre. Inyõ Deuxu luukeki, tule iriòre luukre.

1 Juaõ 5:1 Mawu Ofanana

Mateu 16:16

Simaõ Pedro heka rarybere: —Kai Kristu atxiteri Deuxu deòdỹỹna heka tate. Kai heka Deuxu Riòre tate.

Luka 7:5

Ka hãbu heka waijoi luu nihikỹ rare ihyymy ta dohodỹỹna hetoõ riwinyre waijoi‑ò.

Joaõ 1:3

Tii ibutuhukỹlemy riwinyre. Tiiõhyykeki tahe, aõ releõtyhy.

Joaõ 15:23

Inyõ waluuõkeki, tule Waha luuõtyhy.

Joaõ 3:3

Tahe Jesuisi rirawyònyre: —Inatyhytyhymy adee ararybekre: —Inyõ ixityre reakõkeki, tiu Deuxu Òlònasỹmy robiõtyhy.

Joaõ 6:69

Jiarỹboho ka aratyhynymahãrenyre. Araeryrenyre ka, kai Deuxu‑ribi hãbu òbitityhymy atximahãte.

Joaõ 8:42

Tahe Jesuisi rerawyònyre: —Deuxu boo inatyhymy rare‑wana inihe kaiboho waluurenyre. Jiarỹ dori Deuxu‑ribi anade. Ixidee wimy aõkõ anade tii diwateònyde.

Aõhebo Rotỹỹnyre 8:36

Rydi rariamyhỹre idi rehemynyrenyre beõ‑ò. Tahe tii Filipi‑ò rarybere: —Kowa bera rare. Biwaratisebenykekõ aõbo, adee awikeki.

Aõhebo Rotỹỹnyre 8:37

Tahe Filipi dirawyònyde: —Awire wadee. Inatyhymy arayky‑ki tetyhynyte‑wana, aratisebenykre. Tahe rarybere: —Retyhynyre, inatyhymy Jesuisi Kristu Deuxu Riòre raremy. Tahe tewe irira riixãwidinykemy riteònyre. Tahe itewe‑ribi ròhònyra, bera‑ò riberenyre. Tahe riratisebenyre.

Txiau Ryberiti 1:18

Tii iny ixityre riwinymyhỹre ritỹmyranymyhỹre tatyhyna rybe‑di. Tai ibutumy iwidỹỹna‑ribi inyboho juhuurenyre, awirenyre.

1 Pedro 1:3

Ibutumy àlàna Deuxu Inynyrỹ tyby‑ò rikiwahinyrenyke. Tii dori sõwemy ruxetòena inydeereny diwahinyde. Tai inyboho ixityre reamyhỹrenyre ratybienyrenykemy Deuxu sỹ mahãdu wo‑ki. Inyboho wijile iraròsònareny dire, Kristu rubu‑ribi rexixareki.

1 Juaõ 2:10

Inyõ taityhydỹỹdu seriòre luukeki, kia sohojile loosònawo‑ki ratxireri. Aõ aõkõ tii riatydỹỹnyra.

1 Juaõ 2:29

Deuxu òbitityhyhyy ratximyhỹre. Kia teerytenyte. Inyõ òbitimy rarekeki, Deuxu riòremy rareke. Kia tule teerytenyte.

1 Juaõ 3:14

Inyõ ityhydỹỹdu seriòre luukeki, tii rubumy rỹire wese mahãdu‑ribi ròhònyre. Kia reerymyhỹrenyre. Tahe umytuedõna‑ki rahara. Inyõ luuõkeki, tii rubumy rỹirawese mahãdu‑ki ihỹmyhỹke.

1 Juaõ 3:17

Inyõ ityhydỹỹdu seriòre aõhokỹmy rotỹỹnykeki, rama rahukeki, tuu robike aõ ijõdikeki, tahe iny riwiòhenanyõkeki, tii Deuxu luuna‑di aõkõ ratximyhỹre.

1 Juaõ 3:9

Inyõ Deuxusỹ riòrekeki tii òraruna‑txi reseõlemy ratximyhỹre Deuxu dori iwo ritymyranyre. Tii reseõhyky rareke. Deuxusỹ dori rare.

1 Juaõ 4:2

Kiamy Deuxumy rybedu mahãdu inatyhymy bierykre, inyõ rarybekeki: Jesuisi Kristu hãbu wesemy nade, tii inatyhy Deuxu mahaduõ ihỹre.

1 Juaõ 4:20

Inyõ rarybekeki: —Jiarỹ Deuxuluure. Tai tahe tii ityhydỹỹdu seriòre luuõkeki, tii ruidu rare. Inyõ taityhydỹỹduseriòre luuõkeki, timykibo Deuxu luumy rarekemy iximy rõhõtinyke Deuxu dori tiu tuu robiõhyymyhỹre, taseriòremy tahe robihyky ihỹre.

1 Juaõ 4:7

Waluuna mahãdu, wiluumy rakatximyhỹreny. Luuna dori Deuxu‑ribi nade. Inyõ luukeki, Deuxu‑ribi tibie rare. Iny Deuxu rieryre.

1 Juaõ 5:18

Inyõ Deuxu‑ribi tybiekeki, òrarunahyy‑ki rareõtyhy. Kia inyboho reeryrenyre. Deuxu Riòre ryrubunymyhỹre. Diabo iribi ròtaõtyhy.

1 Juaõ 5:4

Deuxusỹ mahãdu bede aõmydỹỹnana bina bina ruru ritamyhỹre iny Deuxu rityhynyreriki, kia bede bina bina ruru ritareri.

1 Juaõ 5:5

Mo tahe kia ijesu tarasadure. Inyõ Jesuisi Deuxu Riòre raremy rityhynykeki, tii bedebina bina ijesu tarasadu rare.