Yone 4:1 - Kasua

^1-3 Sena kesale amowa Yesuyewi hawemi eta: toliyetimakeye. Alawamona Ene sena ilipe hanoseyewi hawemi tolusulakeye. Sena nokamoke potapola: selese, “Yesu kulu hanosene sena kesalewa mutawa Yesu Ene sena ilipe hanoseyewi hawemi toliyetiya:pa: au seyakeye. Alake Yesu kulu hanosene sena kesale amowa mutawa tekeye. Aputa: Yoneyewi hano toliyeti sena kesale amowa mutamakeye. Yesu sena kesale hano toliyeti amokiwa Yoneyewi sena kesale hano toliyetiya:pa: helete tiye hanakeye.” Aluse selapita: Felesi senayewi topukeye. Alake Yesuyewi matanese, “Neyewi nano timinisewa senayewi selapita: Felesi senama mikeye.” Aluse matanese Yesu Yutia peleya: iya:pela: Kalili peleya:wemi wa:ke meneye tiye ha:na:na:pela:

Yone 4:1 Mawu Ofanana

Luki 1:76

Apula:, ni sa:le, sikapewemiwa iyawa kewa Kote Falamo e sepatosene sena unua taposakeye. Ko:yawemiye, kewa Yesu puwano putupela: ewamo mina:na: isu seli timita: ha:na:na:keye.

Luki 19:31

Alawamona, sena nowamoke ka:ma ta:potose, ‘Ka:tawa ko:luma:na: fakela:?’ e selesaleke, ka:tewi selesekiwa ‘Sena Sosoyawa tima:na: elakeye’ ” e sela:pa: e seya.

Luki 19:34

Aputa: a:tewi selese, “Sena Sosoyawa tima:na: nowa elakeye.”

Luki 2:11

Napuwa, Tepiti koamesa: Petilihemewemi, senase supeliwapokeye. Sala amokiwa sena kesale kiwa sopoke mene siliyaposakeye. Ewa Sosolo Yesu Keleso.

Luki 7:13

Aputa: potapola:, Yesuyewi kesale sopa:la amo hauwekilise selese, “Kewa ya:lapa,” e seya.

Yone 3:22

Aputa:, Yesu E sena ilipe hanosewanapulu Yutia peleya:wemi hapakeye. Emi hanose sita:la: iyewi sena kesalewa hawemi tolusulakeye.

Yone 3:26

Konoma:pela:la: selapitekiwa Yone sena ilipe hanosene sopowa Yone enewemi inapola: selese, “Walosene sena, hano Yotane satepela: kewa enene fatemi sena minawa matanepa? Ewa inaposa isu sosowa seila:pa:na:pela: keye solo kinisekeye.” Au selapita: Yoneyewi, “Henekeye. Ewa neyewi matanekeye.” Au selapita: iyewi selese, “Sena amoke sena kesalewa noka hawemi toliyetiyakeye. Alake sena kesale sopoyawa kewa iya:pela: Ewamo Enewemi hanakeye.”

Apasolo 10:36

Aputa: kiyawa solo napolo weyamowa Koteyewi Isolaiya sena kesale nima se tiye mi amowa matana kakeye. Eyawa solo napolo amo selesekiwa weyamu seyakeye. Yesu Keleso Ewa sena kesale sopolo weyamo Sosowa semetei ekeye. Alanase, Eyewi ela: niwa Kotewalapuluwa hopola temita: apolosekeye.

1 Kolini 1:17

Alake sena hawemi tolusumita: Kelesoyewi newa eta: minamakeye. E solo napowa se tiye mita: newa hamona seyakeye. Peleya: we mane timinisene mataneti solo amowa se tiye mimakeye. Keleso i kelipapoiya solo ofola amowa mokopo ketea tema:pekitise, Kelesoyewi newa solo napowa walomita: ilikepilakeye.

1 Kolini 15:47

Sena puwano Atamewa Koteyewi peleya: tiyapola: timiyakeye. Timiyanase ewa peleya: senakeye. Alawamona sena sikape minawa hepene falemi tese minakeye.

1 Kolini 2:8

Yesu ta:peyawa, peleya: we sena piseiki sopoke eta: matanemakeye. Matana e selesaleke nini Piseiki ho:liyawa i kelipapoya mapamapekeye.

2 Kolini 4:5

Mouwa emi ela:, niyewi nini unuwa me wapilise se tiye makinakeye. “Yesu Keleso Ewa Piseikipela: elakeye,” aluse niyewi se tiye kinisekeye. Se tiye kinise tima:na: tisene senayewi timinisene epapuluse niyewi kiwamopela: timinikeye. Niyewi Yesu Kelesowemi matanepela: kima se tiye kinakeye.

Yemese 2:1

Ne ma:ela:o ne atela:lo, nini Piseiki Yesu Kelesowa E penaiyawa sosolo ho:liyawalapulu hepene falemi elakeye. Alanase, kiyawa Ema himu semetei matanepela: sita:la:, sena nowa nano ketea sosolo sita:newa puwano apolose, sena nowa nano misitiyawa fa:tapo walose, aupa.

Mupapo Hokatea 19:16

Sena amoke tapola senato kala emiwana, E onatuwemiwana, E unuwa weyamu momateyakeye. “Sena piseiki sopoke ili piseiwa Nekeye. Sena ununa sopoke sitalaka ili Sosowa Nekeye,” aluse momateyakeye.