Ma:tiu 4:11 - Kasua

¹¹ Aluse Yesuyewi selapita: Setenewa hapakeye. Hanapita: hepene sena inapola: Yesuwa seselese pota: sita:nekeye.

Ma:tiu 4:11 Mawu Ofanana

Ma:tiu 26:53

Senayewi Newa ikomoma:na: ikila emi Ni Atama hopita: Ni Atayewi hepene sena taosene muta eta: akema:na: telama amuna amoke Newa sesemita: hamonapesakeye, aluse Ni Atayewi hepene sena amowa hamonama:na:wa kiyawa tikili tepa?

Ma:tiu 4:6

“Kewa Kote E Sa:laleke, Kine kemi peleya: kolemi autetima. Autetiyapita:, Koteyewi hepene senama ‘Ewa sesema,’ aputa: Ke onatuwa etewayawa makapesakeye hepene senayewi tiya:yawa kewa talo tiyapola: elaposakeye.” Aluse Kote pukawemi momateyalakeye.

Make 1:13

Hanapola: ikila talo pinipe amowa (40) Yesu mowa peleya: enewemi, Seteneyewi Ewa tikitiya inapita: papokeye. Apula: mowa a:pewalapulu sita:nekeye. Inapita: kemi, hepene senayewi Ewa seselese potapola: sita:nekeye.

Luki 22:43

Aluse kulukulula:sela: enewemi hepene sena semetei nowa inapola: Ewa penaiyawa tiye mikeye.

Luki 22:53

Ikila sopoke Newa Kote koane suwemi kiwalapulu elakemiwa kiyawa Newa eta: ine salimakeye. Alawamona, napu opo weyamowa kili nenakeye. Apula: yopolotela penaiya weyamowa kili nenakeye.”

Luki 4:13

Aputa: ikila Yesuma nano ketea kalikalila ta:peya sopoke kotetipela:, Setene ewa hanapola: ikila fo napo hetetiyapita: wa:ke ta:pelema:na: yesilakeye.

Yone 14:30

Aputa: kima selese ikilawa iya:pa:na: mapatotakeye. Peleya: weyemi piseiki Setene mina:na:wa mapatopita: elakeye. Seteneyewi ene penaiyayewi Newa eta: sulu tiye toliyetisemakeye. Eyewi Nema epapume selapita: Neyewi eta: ta: tisemakeye.

1 Timoti 3:16

Kote heneye solo mupapowa hene heneye sosokeye. Kote sowa niyewi ta: ti mupapowa wekeye. Yesu Kelesoyewi sena toma tiyapola: inapita: niyewi sena kesaleyawa papokeye. Apula: Ene Ewa hekeya sopolo enewa Ho Napoyewi nima waiyakeye. Apula: hepene senayawala Ewa papokeye. Apula: peleya: sopoke emi sena kesale sopoke Ewa matanemita: sena nokamoke se tiye mikeye. Se tiye kinapita: topu sena kesaleyawa Ema himu semetei esa: matanakeye. Ewa hepene falemi tese siliyapita: ho:liya ela: E unuwa sosolo tela elakeye.

Hipulu 1:14

Apula: hepene sena iwa ipa:? Iwa hokeye. Iwa Kote tima:na: tisene senakeye. Apula: Kotewalapulu kokolo kao sita:pesa:na: sena kesale amowa sesemita: Koteyewi iwa hamonasekeye.

Hipulu 1:6

Aputa: Koteyewi E Sa:le semetei kamona peleya: weyemi hamona seyakeye. Hamone e seya ikila emiwa Koteyewi hepene senama selese, “Hepene sena sopoke kiwala, Ni Sa:wa wapilipa:.”