Ma:tiu 19:4 - Kasua

^4-5 Au selapita: Yesuyewi selese, “Puwano fa:nemi ma:ta: ti ikila emi Koteyewi senawana kesalewala elipe timiyakeye. Timinise Koteyewi selese, ‘Senayewi ene e ama ene e atawa iya:pela: kesale tise, ene kesalewalapulu elipe palese elipe toma semetei sitalakeye.’ Aluse Koteyewi selapita: Kote pukawemi momateyawa kiyawa papola? Henekeye, kiyawa papokeye.

Ma:tiu 19:4 Mawu Ofanana

Ma:tiu 12:3

Aputa: Yesuyewi selese, “Puwano fa:nemi Tepitiwala eyewi ene sena ilipe hanosewana sosolo menipita:, Tepitiwa Kote koane musuluyetiye Kotepela: falawa tiye tiwa tiyapola: menakeye. Aputa: Kotepela: falawa tiye tiwa Tepitiyawala, ene sena ilipe hanoseyawana ma:pekise ala:pekeye. Alake pilisiti senayewi iwamo semeteiyewi nasewa eta: ala:pemakeye. Alawamona Tepiti ewa pilisiti senama tela kamoke falawa ala:pewa menakeye. Aluse Kote pukawemi momateyalakeye. Momateyawa kiyawa aketiye mouwa matanepa? Alamakeye. Kiyawa mamataneselakeye.

Ma:tiu 21:42

Aputa: ima Yesuyewi selese, “Solo we Kote pukawemi momateyawa kiyawa eta: akeyamana? Kote pukawemi momateyawa wekeye. ‘Koane tisene senala:yawa i isu olokeyatela esa: matanese sotukepiyakeye. Alawamona, sena nowamoke tiye inapola: ola:pe isu honosane kelalakeye. Kela epa Koteyewi Ene aluse timiyanakeye. Aluse timiyanapita: niyewi potose, “Amowa napolapo,” au selesekeye.’ Aluse, Kote pukawemi momateyalakeye.

Ma:tiu 21:6

Alake a:ko: hanapola: Yesuyewi seya semetei kamunuse ta: tiyapola: timiyakeye.

Ma:tiu 22:31

Aputa: sena kuluwa mene teisa:pa:na: amo mouwa Neyawa kima selakeye.

Make 12:10

Aputa: Yesuyewi sena kesale sopoma selese, “Kote pukawemi solo weyamowa momateyawa kiyawa eta: akeyamana? Kote pukawemi momateyawa wekeye. ‘Koane tisene senayewi i isu sotukepiyawa wa:ke tiyapola: inapola: koane honosane kelalakeye.

Make 12:26

Aputa: sena kesale kuluwa mene teisa:pa:na: amowa mouwa Moseseyewi momateyawa wekeye. I tepeteni honosane emi tei wa:la enene ikila emiwa, Koteyewi Mosesema selese, ‘Epalahame Kotewa Nekeye. Aisa:ke Kotewala Nekeye. Yakope Kotewala Nekeye.’ Au selapita: Moseseyewi momateyawa kiyewi akelese mouwa kiwa mamatane selakeye.

Make 2:25

Au selapita: potapola:, Yesuyewi ili hele matanawa waloma:na:pela:, Tepitiwa Kote pukawemi momateyawa ima selese, “Puwano fa:nemi pilisiti sena sosolo e unuwa Apiata, ewa elakemiwa ikila emiwa, Tepitiwala e sena ilipe hanosewana meinakeye. Menise ikila emiwa, Tepiti ene Kote koawemi musuluyetiye potakamake, Kotepela: falawa tiye tiwa Apiatayewi kinapita: Tepitiyewi na:sela:, e sena ilipe hanosemawana, falawa tiye tiwa mikeye. Miwa Kotepela: falawa tiye tiwa sena kesale iyewi ma:pekise ala:pe tuwapokeye. Pilisiti sena ilipe ma:na: nasewa eta: ala:pemakeye. Alawamona, Tepiti e pilisiti senama tela amoke falawa ala:pewa menakeye.

Luki 10:26

Aputa: Yesuyawala mene ta:potose, “Kote ele tuwatese momatelesekiwa ko:lu sepapola? Apula: keyawa ko:lu akeyala?”

Luki 6:3

Aputa:, Yesuyewi ima mene selese, “Kiyawa Tepeti e mana nokamo sita:ne ikila emiwa iwa meina sitalapitekiwa kiyawa eta: akeyamana?