Ma:tiu 11:10 - Kasua

¹⁰ Puwano fa:nemi Kote pukawemi Kote solo se tiye kinisene sepatosene sena nowamoke momateyawa wekeye. Heleye tima:na: senama Koteyewi selese, ‘Kewa a hanapose sena nowamoke puwano se tiye miya:na:pela: Neyewi hamonama:na:keye. Sena amokiwa Kewa isu ha:na:na:wa seila:taposakeye.’ Aluse Koteyewi selapita:, Kote se tiye kinisene sepatosene senayewi ta:tapola: momateyakeye. Aputa: Koteyewi sena puwano hamonama:na:wa Yonewa momateyakeye.

Ma:tiu 11:10 Mawu Ofanana

Ma:tiu 11:11

Neyewi solo we heneye selakeye. Yone hano toliyetisene ewa peleya: weyamo sena kesale sopowa eye helepekeye. Alawamona, sena nowa ununama kolotea Kote Piseikipela: ela: hepene ene amoke Yonewa eye helepekeye.

Ma:tiu 11:3

Hamonapita: iwa hanapola: Yesuma ta:tese, “Koteyewi sena hamonapita: mina:na: e seyawa Kewama? Sena nowama? Sena nowa inapele esa: niwa yesi sitalapa?”

Ma:tiu 3:3

Ala senawa puwano fa:nemi sepatosene sena Aisaiayewi momate tiye, “Sena moawemi elaposakeye. Ela: eyewi unuwapo selese, ‘Piseiki mina:na:wa isuwa seila:ta:pa:. Isuwa koakenananeke heka:ta:pa:.’ ” Aluse, moawemi senayewi selaposakeye. Aluse Aisaiayewi momateyawa Yone amowa momateyakeye.

Make 1:2

Puwano fa:nemi Koteyewi selapita: sepatosene sena Aisaiayewi ta:tapola: momateyalakeye. Momateyawa wekeye. “We, ta:ta:pa:. Kewa a hanapose sena nowamoke puwano se tiye miya:na:pela: Neyewi hamonama:na:keye. Sena amokiwa kewa isu ha:na:na:wa seila:taposakeye. Isuwa sosolo hekelesene aluse sena kesaleyewi himu matanawa seila:taposakeye. Iyewi Kewa matanemita: se tiye kinaposakeye.

Luki 1:76

Apula:, ni sa:le, sikapewemiwa iyawa kewa Kote Falamo e sepatosene sena unua taposakeye. Ko:yawemiye, kewa Yesu puwano putupela: ewamo mina:na: isu seli timita: ha:na:na:keye.

Yone 1:23

Aputa: eyewi selese, “Moawemi unuwapo selese sena amowa nekeye. Piseiki mina:na:wa isu kiwemi koakenananeke heka:ta:pa: au sema:na:wa sena amowa nekeye. Newa Aisaiayewi momateyalakeye,” au seyakeye.