RUTH 4:6 - KA BAIBL

⁶ Te uta u kur bajan u la ong, “Nga ngam lah ban siewspah ïa ka ha lade, ïoh ba ngan pynsniew ïa la ka jong ka bynta: to shim ma me ha lade ïa ka hok jong nga ban siewspah; naba nga ngam lah ban siewspah ïa ka.”

Khasi CL Bible (BSI)

⁶ Uta u briew u jubab, “Lada ka long kumta, ngan iehnoh ïa ka hok jong nga ban thied ïa ka lyngkha, namar kan mut ba ki khun ki kti jong nga kin ym ïohkynti ïa ka. Thied noh ma phi; nga te ngam treh.”

RUTH 4:6 Mawu Ofanana

JENESIS 38:8

Bad u Judah u la ong ha u Onan, “To khie leit sha ka tnga u hynmen jong me, bad to bia ïa ka, bad to pynmih symbai ïa la u hynmen.”

LEBITIKOS 25:25

“ ‘Lada u para jong me un kylla duk, bad ba un leit die noh ïa kaei kaei ba u don, bad lada wan u kur jong u ïa ka ban pyllait ïa kata, ynda kumta, un ïoh pyllait pat ïa kaba u para jong u, u la die noh.

DEUTERONOMI 25:7

Te lada uta u briew um mon ban shim ïa ka tnga u hynmen jong u, te ai ba ka tnga u hynmen jong u kan leit kiew sha ka khyrdop sha ki tymmen basan, bad kan ong, ‘U para u tnga jong nga um treh ban pynmih ïa ka kyrteng u hynmen jong u ha Israel, un ym pyndep ïa kaba dei ka kam u hynmen.’

DEUTERONOMI 25:8

Ynda kumta, kita ki tymmen basan ka shnong jong u, kin khot ïa u bad kin kren ha u: te lada u kren skhem, bad u ong, ‘Ngam mon ban shim ïa ka;’

DEUTERONOMI 25:9

hadien kata, ka tnga u hynmen jong u kan wan ha u ha khmat kita ki tymmen basan, bad kan loit noh ïa ka juti jong u na ka sla'jat jong u, bad kan bynthiew ha ka khmat jong u; bad kan ïathuh kan ong ruh, ‘Kumta keiñ yn leh ïa uta u briew u ban ym tei ïa ka ïing u hynmen jong u.’

RUTH 2:20

Ka Naomi te ka la ïathuh ha la ka pyrsa kurim, “To un long ba la kyrkhu na U Trai, u bym shym la wai noh ïa la ka jingleh isynei ïa ki ba-im bad ïa ki baïap ruh.” Ka Naomi ka la ong ruh ha ka, “Uta u briew u long u kur bajan ïa ngi, uba don hok ïa ka ban siewspah na ka bynta jong ngi.”

RUTH 3:13

To sah kane ka miet, mynstep te, lada uta un pyndep ha pha ïa kata ka hok kaba dei ïa u kur, ñiuma, ai ba un pyndep ha pha ïa kata ka hok kaba dei ïa u kur: hynrei, lada un ym pyndep ha pha ïa kata ka hok kaba dei ïa u kur, te kumta, ngan pyndep ma nga ha pha ïa kata ka hok kaba dei ïa u kur, katba u im U Trai: to thiah noh haduh mynstep.”

RUTH 3:9

Te u la kylli, “Mano?” Ka te ka la ïathuh, “Nga ka Ruth ka shakri jong me: namar kata, to tap ïa la ka jaiñ halor ka shakri jong me; naba me long u kur jong nga uba hajan.”