RUTH 4:12 - KA BAIBL

¹² To ka ïing jong me kan long kum ka ïing u Phares, ïa uba la kha ka Tamar ha u Judah, na uta u symbai ba U Trai un sa ai ha me na kane ka samla.”

Khasi CL Bible (BSI)

¹² To ki khun ki kti kiba U Trai un ai ïa phi da kane ka theisamla kin pynlong ïa ka longïing jong phi kum ka longïing u Peres, u khun jong u Judah bad ka Tamar.”

RUTH 4:12 Mawu Ofanana

JENESIS 38:29

Hynrei, ka la jia, ynda u la ring pat shapoh ïa la ka kti, ba ha khmih, u para jong u, u la mih noh: bad ka la ong, “Kumno ba me la pynlong ïa kane ka jingpra da ka bor? To ai ba kane ka jingpra kan long halor jong me:” namar kata, la khot kyrteng “u Phares” ïa u.

JENESIS 46:12

Bad ki khun shynrang u Judah: u Er, bad u Onan, bad u Shelah, bad u Phares, bad u Serah: hynrei, ki la ïap u Er bad u Onan ha ka ri Kanaan. Bad ki khun shynrang u Phares ki la long u Hesron bad u Hamul.

1 KHRONIKL 2:4

Bad ka Tamar ka pyrsa kurim jong u ka la kha ha u ïa u Peres bad u Serah. Baroh ki khun shynrang u Judah ki la long san ngut.

MALAKHI 2:15

Hato ruh u la pynlong ïa kawei ne em, la ka mynsiem ka dang tam ha u? Namar balei te ïa kawei? u la wad ïa u symbai bariewblei keiñ. Namar kata, to sumar ïa la ka mynsiem, bad wat ai ïano ïano ba un shetkylla ïa ka tnga samla jong u.

MATHAÏOS 1:3

bad u Juda u la pynkha ïa u Phares bad ïa u Sera na ka Tamar; bad u Phares u la pynkha ïa u Esrom; bad u Esrom u la pynkha ïa u Aram;

RUTH 4:18

Kine ki jingkha pateng u Phares: u Phares u la pynkha ïa u Hesron;

1 SAMUEL 2:20

Te u Eli u la kyrkhu ïa u Elkanah bad ïa ka tnga jong u, bad u la ong, “To U Trai un ai symbai ha me na kane ka briew namar kata ka jingai kylliang kaba la ai kylliang ha U Trai.” Te ki la leit wan noh sha la ïing.