RUTH 4:11 - KA BAIBL

¹¹ Te uta u paidbah baroh uba ha kata ka khyrdop, bad kita ki tymmen basan, ki la ïa-ong, “Ngi long sakhi keiñ. To U Trai un pynlong ïa kata ka kynthei kaba wan shapoh ka ïing jong me, kum ka Rakhel bad kum ka Leah, kita ar ngut keiñ kiba la tei ïa ka ïing Israel: to men man khraw bor ha Ephratah, bad to long uba donnam ha Bethlehem.

Khasi CL Bible (BSI)

¹¹ Ki nongïalam bad kita kiwei ki ong, “Ho-oid, ngi long ki sakhi. To U Trai un pynlong ïa ka tnga jong phi kum ka Rakhel bad ka Leah, kiba la kha bun ngut ki khun ïa u Jakob. To phin long uba riewspah ha ka kur Ephrath bad uba pawnam ha Bethlehem.

RUTH 4:11 Mawu Ofanana

JENESIS 29:32

Bad ka Leah ka la punkhun bad ka la kha ïa u khun, bad ka la khot kyrteng “u Reuben” ïa u: naba ka la ong, “Shisha U Trai u la khmih ïa ka jingsngewshitom jong nga; namar kata, mynta u tnga jong nga un ieit ïa nga.”

MATHAÏOS 2:6

“ ‘Pha ruh ka Bethlehem, ka ri Judia, pham long i barit tam hapdeng ki syiem Judia: naba na pha un mih U Nongsynshar, u ban sharai ïa ki briew jong nga ki Israel.’ ”

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

SALM 132:6

Ha khmih, ngi la ïohsngew shaphang jong ka ha Ephrathah: ngi la shem ïa ka ha ka lyngkha ka Jaar.

RUTH 1:2

Te ka kyrteng uta u briew ka long “u Elimelekh”, bad ka kyrteng ka tnga jong u “ka Naomi”, bad ki kyrteng ki khun shynrang jong u, “u Mahlon”, bad “u Shilion”, ki nong Ephrath keiñ na Bethlehem Judah. Kine te, ki la wan poi sha ri Moab bad ki la sah hangta.

DEUTERONOMI 25:9

hadien kata, ka tnga u hynmen jong u kan wan ha u ha khmat kita ki tymmen basan, bad kan loit noh ïa ka juti jong u na ka sla'jat jong u, bad kan bynthiew ha ka khmat jong u; bad kan ïathuh kan ong ruh, ‘Kumta keiñ yn leh ïa uta u briew u ban ym tei ïa ka ïing u hynmen jong u.’

JENESIS 24:60

Bad ki la ïakyrkhu ïa ka Rebekka, bad ki la ong ha ka, “Pha long ka para jong ngi, to long ma pha ka kmie ïa ki hajar hajar bynriew, bad to ai ba u symbai jong pha un ïoh bat ïa ka khyrdop jong kita kiba shun ïa ki.”

PROBERB 14:1

Ka briew ka bastad baroh ka tei ïa la ka ïing: hynrei, ka babieit ka lied noh ïa ka da la ki jong ki kti.

JENESIS 23:10

Bad u Ephron u da shong hapdeng kita ki khun shynrang u Heth: bad uta u Ephron u khun u Heth u la ïathuh ha u Abraham ha kaba ki ïohsngew ki khun u Heth, ha khmat jong ki baroh keiñ, kat kiba la wan bsut ha ka khyrdop ka nongbah jong u, u da ong,

JENESIS 29:25

Hynrei, ka la jia, ba la step, ha khmih, ka la long ka Leah: u te u la kylli ha u Laban, “Hato kaei kane ba me la leh ïa nga? Ngam shym la shakri ïa me na ka bynta ka Rakhel mo? Te balei ba me la leh phon ïa nga?”

PROBERB 31:23

Ïa u tnga jong ka la ithuh ha ki khyrdop, haba u shong hapdeng ki tymmen basan jong ka ri.

JENESIS 29:16

Te u Laban u la don ar ngut ki khun kynthei: ka kyrteng kaba kham san ka la long “ka Leah” bad ka kyrteng kaba hadien “ka Rakhel”.

JENESIS 35:23

ki khun shynrang jong ka Leah: u Reuben, u khun nyngkong u Jakob, bad u Simeon, bad u Lebi, bad u Judah, bad u Issakhar, bad u Sabulon.

JENESIS 35:24

Ki khun shynrang ki jong ka Rakhel: u Joseph, bad u Benjamin.

DEUTERONOMI 25:7

Te lada uta u briew um mon ban shim ïa ka tnga u hynmen jong u, te ai ba ka tnga u hynmen jong u kan leit kiew sha ka khyrdop sha ki tymmen basan, bad kan ong, ‘U para u tnga jong nga um treh ban pynmih ïa ka kyrteng u hynmen jong u ha Israel, un ym pyndep ïa kaba dei ka kam u hynmen.’

1 SYIEM 21:8

Kumta, ka la thoh shithi ha ka kyrteng u Ahab, bad ka la pyndait laha ïa ki da ka muhor jong u, bad ka la phah ïa kita ki shithi ha ki rangbah bad ha ki myntri kiba ha ka shnong jong u, kiba la shong bad u Naboth.

1 KHRONIKL 2:51

u Salma u kpa u Bethlehem, u Hareph u kpa u Beth-gader.

JEREMAÏAH 32:10

Te nga la soi ïa ka kot, bad nga la pyndait laha ïa ka, bad nga la khot ki sakhi, bad nga la thew ha u ïa ki sbai ha ka tarajur.