RUTH 4:1 - KA BAIBL

¹ Ynda kumta, u Boas u la leit kiew sha ka khyrdop, bad u la shong hangta: te ha khmih, uta u kur bajan ba u Boas u la kren shaphang jong u, u la ïaid nangta; te u la ong ha u, “Ko uba kumta kumta! ale shane, shong hangne.” U te u la leit shata, bad u la shong.

Khasi CL Bible (BSI)

¹ U Boas u leit sha ka jaka ïakynduh lang ha ka khyrdop shnong bad u shong hangta. Nangta u kur uba ïajan eh jong u Elimelekh, u briew uba u Boas u la ïathuh, u la wan ïaid nangta, bad u Boas u khot ïa u, “Ko paralok, wan ban shong hangne.” Kumta u la leit ban shong hangta.

RUTH 4:1 Mawu Ofanana

JENESIS 19:1

Bad kita ki ar ngut ki angel ki la ïawan poi sha Sodom la janmiet; bad u Lot u da shong ha ka khyrdop ka Sodom: bad haba u Lot u la ïohi ïa ki, u la ïeng ban leit tan ïa ki; bad u la dem khrup ïa la ka khmat haduh ka khyndew;

JENESIS 23:10

Bad u Ephron u da shong hapdeng kita ki khun shynrang u Heth: bad uta u Ephron u khun u Heth u la ïathuh ha u Abraham ha kaba ki ïohsngew ki khun u Heth, ha khmat jong ki baroh keiñ, kat kiba la wan bsut ha ka khyrdop ka nongbah jong u, u da ong,

JENESIS 34:20

Ynda kumta, u Hamor bad u Shekhem u khun jong u, ki la ïaleit sha ka khyrdop ka nongbah jong ki, bad ki la ïakren bad ki briew ka nongbah jong ki, ki da ong,

2 SAMUEL 15:2

Bad u Absalom u la ju khie dang step, bad u la ju ïeng harud ka lynti ka khyrdop: te ka la long kumta, ba haba uno uno u briew uba don ka kajia u wan sha u syiem ban ïoh bishar, hangta u Absalom u la ju khot ïa u, bad u ong, “Me uba na kano ka shnong?” Uta te u la ju ïathuh, “U shakri jong me uba na kawei na ki jaid Israel.”

2 KHRONIKL 18:9

Te u syiem ki Israel bad u Jehoshaphat u syiem ka Judah ki la ïashong mar ha la ka khet, kiba la kup ïa la ki jaiñ syiem, bad ki la shong ha madan ha khmat ka khyrdop ka Samaria; bad ki nongïathuhlypa baroh ki ïathuhlypa ha khmat jong ki.

Ka Kitab U Job 29:7

mynba nga ju leit mih sha ka khyrdop sha shnong, mynba nga la khreh la kaba shong ha ka lynti shnong,

Ka Kitab U Job 31:21

lada nga la rah ïa la ka kti pyrshah ïa u khunswet, namar ba nga la ïohi ïa la ka jingïarap ha ka khyrdop:

SALM 69:12

Kita kiba shong ha ka khyrdop ki ïakren shaphang jong nga; nga la long ka jingrwai kiba buaid.

PROBERB 31:23

Ïa u tnga jong ka la ithuh ha ki khyrdop, haba u shong hapdeng ki tymmen basan jong ka ri.

ISAÏAH 55:1

“Kaw, jar uba sliang, to wan sha ki um; bad uta u bymdon sbai, wan, to thied bad bam; wan keiñ, to thied ka Waiñ bad ka dud khlem sbai bad khlem dor.

JEREMAÏAH 32:10

Te nga la soi ïa ka kot, bad nga la pyndait laha ïa ka, bad nga la khot ki sakhi, bad nga la thew ha u ïa ki sbai ha ka tarajur.

AMOS 5:15

To shun ïa ka basniew, bad ieit ïa ka babha, bad to pynïeng ïa ka jingbishar ha ka khyrdop: lehse U Trai, U Blei ki paid, un leh isynei ïa kiba sah jong u Joseph.

SEKHARAÏAH 2:6

“Kaw, kaw, to phet noh na ka ri shatei,” ong U Trai: “naba nga la pynphriang kylleng ïa phi kum ki saw lyer ka bneng,” ong U Trai.

DEUTERONOMI 16:18

“Men thung ha lade ïa ki nongbishar, bad ïa ki rangbah hapoh ki khyrdop jong me baroh, ïa kiba U Trai uba U Blei jong me u ai ha me, ha ki jaid jong me baroh: bad kin ïabishar ïa ki briew da ka jingbishar bahok.

DEUTERONOMI 17:5

Ynda kumta, men wallam noh ïa uta u briew, lane ïa kata ka briew, kiba la leh ïa kata ka bymman, sha ki khyrdop jong me, ïa uta u briew, lane ïa kata ka briew keiñ, bad men lynthem ïa ki da ki maw, ha ban da ki ïap.

DEUTERONOMI 21:19

ynda kumta, u kpa jong u bad ka kmie jong u kin ïashim ïa u, bad kin ïawallam ïa u ruh sha ki tymmen basan ka nongbah jong u, bad ha ka khyrdop ka jaka jong u;

DEUTERONOMI 25:7

Te lada uta u briew um mon ban shim ïa ka tnga u hynmen jong u, te ai ba ka tnga u hynmen jong u kan leit kiew sha ka khyrdop sha ki tymmen basan, bad kan ong, ‘U para u tnga jong nga um treh ban pynmih ïa ka kyrteng u hynmen jong u ha Israel, un ym pyndep ïa kaba dei ka kam u hynmen.’

JOSHUA 20:4

Bad haba uta uba phet ïap ha kano kano na kita ki nongbah, un ïeng ha khmat ka khyrdop ka shnong, bad un ïathuh ïa la ka kam ha ki shkor ki tymmen basan jong kata ka shnong; te kin shim ïa u shapoh shnong ha ki, bad kin ai jaka ïa u, ba un ïoh shong hapdeng jong ki.

RUTH 3:12

Te ka long kaba shisha keiñ ba nga long u kur uba hajan: la kumta ruh don uwei pat u kur uba kham jan ban ïa nga.

RUTH 3:18

Ynda kumta, ka ruh ka la ong, “To da ap, ko khun, tad ynda phan ïoh tip kumno kane ka kam kan long: namar uta u briew un ym shongthait tad ynda u la pyndep ïa kane ka kam ha kane ka sngi.”