RUTH 3:7 - KA BAIBL

⁷ Bad haba u Boas u la bam u la dih ruh, bad ka dohnud jong u ka la kmen, u la leit thiah noh harud kata ka kynton Kew: ka ruh ka la wan jar jar, bad ka la khyndied ïa ki sla'jat jong u, bad ka la thiah.

Khasi CL Bible (BSI)

⁷ Haba u Boas u la dep bam dep dih, u la don ha ka jingsngewtynnat bha. U leit sha ka kynton barli bad u thiah hangta. Ka Ruth ka leit jar jar, ka khyllied ïa ki jaiñ tap bad ka thiah ha ki kjat jong u.

RUTH 3:7 Mawu Ofanana

JENESIS 43:34

U ruh u la phah hi ïa ki pliang jingbam na khmat jong u sha ki: hynrei, ka pliang jingbam jong u Benjamin ka la tam san shah ïa kano kano na ki jong ki baroh. Kumta, ki la ïadih, bad ki la ïakhawai sngewbha bad u.

2 SAMUEL 13:28

Te u Absalom u la hukum ïa la ki shakri, u da ong, “To khmih thuh te, haba ka dohnud u Amnon ka la kmen da ka Waiñ; bad haba ngan ong ïa phi, ‘To shoh ïa u Amnon’, hangta te to pynïap ïa u, wat sheptieng: balei, ngam shym hukum ïa phi? leh rangbah keiñ, bad to long kiba shlur ruh.”

1 SYIEM 21:7

Te ka Jesebel ka tnga jong u ka la ong ha u, “Mem synshar ma me mynta ïa ka hima ki Israel? to khie, bad to bam jingbam, bad pynsngewbha ïa la ka dohnud: ngan ai ïa me ïa ka brisoh Waiñ u Naboth u nong Jesril.”

ESTHER 1:10

Ha ka sngi ka bahynñiew, haba ka dohnud u syiem ka la kmen da ka Waiñ, u la hukum ïa u Mehuman, u Bistha, u Harbona, u Bigtha, bad ïa u Abagtha, u Sether, bad ïa u Karkas, ki hynñiew ngut ki ïunukh kiba la ju shakri ha khmat u Ahasueros syiem,

SALM 104:15

bad ïa ka Waiñ kaba pynkmen ïa ka dohnud u briew, bad ka umphniang ïa ka ban pyntyngshaiñ ïa ka khmat jong u, bad ïa u kpu uba pynkhlaiñ ïa ka dohnud u briew.

EKLESIASTIS 10:19

Ïa ka jingkhawai la thaw ban rkhie, bad ka Waiñ ka pynkmen ïa ka jingim: bad u sbai u tip ïa kiei kiei baroh.

EKLESIASTIS 2:24

Ym don ei ei kaba kham bha ïa u briew ban ïa kaba un bam un dih, bad ban pynleh kmen ïa la ka mynsiem ha la ka jingtrei. Kane ruh de nga la ïohi, ba ka long na ka kti U Blei.

EKLESIASTIS 8:15

Ynda kumta, nga la ïaroh ïa ka jingkmen, namar u briew um don ei ei kaba kham bha hapoh ka sngi, ban ïa ka ban bam, bad ban dih, bad ban leh kmen: namar kata kan ïaisah bad u ha ka kam jong u baroh ki sngi ka rta ïa kaba U Blei u la ai ïa u hapoh ka sngi.

EKLESIASTIS 9:7

To khie me, bam la u kpu da kaba kmen, bad dih la ka Waiñ da ka dohnud basngewkmen; namar U Blei u la pdiang lypa ïa ki kam jong me.

1 KORINTH 10:31

Namar kata, lada phi bam ne lada phi dih, ne lada phi leh ei ei ruh, to leh phi ïa kiei kiei baroh ïa ka ban pyndonburom ïa U Blei.

EPHESOS 5:18

Bad to wat long phi kiba buaid da ka Waiñ, ha kaba don ka jingkhynwin, hynrei, to long kiba la dap da U Mynsiem;

NONGBISHAR 16:25

Te haba ki dohnud jong ki, ki la sngewbha, ki la ong, “To khot ïa u Samson ban long ka jingbiria ïa ngi.” Bad ki la khot ïa u Samson na ka ïing byndi; bad u la leh biria ha khmat jong ki: te ki la buh ïa u hapdeng ki rishot.

NONGBISHAR 19:22

Katba ki la dang pynsngewbha ïa la ki dohnud, ha khmih, ki briew jong kata ka shnong, kiba na ki khun u Belial, ki la ker tawiar ïa kata ka ïing, ki da pduh ïa ka jingkhang; ki la kren te ha uta u trai ïing, uta u tymmen keiñ, ki da ong, “To pynmih noh ïa uta u briew uba la wan ha ïing jong me, ba ngin ïoh ithuh ïa u.”

NONGBISHAR 19:6

Kumta, ki la ïashong bad ki la ïabam ïadih lang baroh ar ngut: te u kpa kata ka samla u la ong ha uta u briew, “Nga kyrpad ïa me, to sngewbha bad to sah baroh shi miet, to pynsngewbha ruh ïa la ka dohnud.”

NONGBISHAR 19:9

Te haba uta u briew u la ïeng ban leit noh, ma u bad ka tnga kliar jong u, bad la u shakri, u kthaw kurim jong u, u kpa kata ka samla, u la ong ha u, “Ha khmih, mynta ka sngi ka la noh eh ïan, nga kyrpad ïa phi, to sah baroh shi miet: ha khmih, ka sngi kan sa sep, to thiah noh hangne, ba kan sngewbha ka dohnud jong me, te lashai phin sa leit mih dang step, ba phi lah ban poi sha la ïing.”

RUTH 3:6

Te ka la leit hiar sha kata ka kyntem, bad ka la leh keiñ katba kum kita kiei kiei baroh ïa kiba la hukum ka kiaw kurim jong ka ïa ka.

RUTH 3:8

Te ha kaba shiteng synñia, uta u briew u la sngewkyndit, bad u la kylla: te, ha khmih, ka kynthei ka thiah ha ki sla'jat jong u.