RUTH 2:6 - KA BAIBL

⁶ Te uta u shakri uba halor kita ki nongot u la ïathuh bad u la ong, “Ka long kata ka samla kaba na Moab kaba la wan ryngkat bad ka Naomi na ka ri Moab:

Khasi CL Bible (BSI)

⁶ Uta u briew u jubab, “Ka dei ka theisamla nongwei kaba la wan phai na Moab bad ka Naomi.

RUTH 2:6 Mawu Ofanana

JENESIS 15:2

Bad u Abram u la ong, “A Trai Jehobah jong nga, hato kaei men ai ha nga, haba nga nang long uba khlem khun, bad u trai ka ïing jong nga u long une u Elieser u nong Damaskos?”

JENESIS 24:2

Bad u Abraham u la ong ha la u shakri uba kham shuwa eh ka rta ha ka ïing jong u, bad uba synshar halor kiei kiei baroh katba u don, “To buh, nga kyrpad ïa me, ïa la ka kti hapoh ka ksang lbong jong nga:

JENESIS 39:4

Bad u Joseph u la shem ïa ka jingsngewbha ha khmat jong u, bad u la nang shakri ïa u: bad u la buh ïa u halor ka ïing jong u, bad u la aiti ïa kiei kiei baroh katba u la don hapoh ka kti jong u.

MATHAÏOS 20:8

Ynda la janmiet te, uta u trai brisoh u la ong ha u rangbah jong u, ‘Khot ïa kita ki nongtrei bad to ai ha ki, ïa ka bainong jong ki, da sdang naduh ki bakhatduh haduh ki bashuwa.’

MATHAÏOS 24:45

“Naba kumta, uno uba long u shakri bangeit bad bastad, ïa uba u kynrad jong u, u la buh halor ki ba-ha-ïing jong u ïa ka ban ai ha ki, ïa ka jingbam ha ka por kaba biang?

RUTH 1:16

Ka Ruth te ka la ong, “Wat kyrpad ïa nga ba ngan khlad noh na pha, ïa ka ban phai noh na kaba bud ïa pha: naba sha kaba phan leit ma pha, hangta nga ruh ngan leit; bad ha kaba phan shong basa ma pha, hangta nga ruh ngan shong basa: ki briew jong pha kin long ki briew jong nga, bad U Blei jong pha un long U Blei jong nga:

RUTH 1:19

Kumta, ki la leit baroh ar ngut tad ynda ki la wan poi sha Bethlehem. Te haba ki la poi sha Bethlehem, kata ka shnong baroh keiñ ka la khie namar jong ki, bad ki la ïakylli, “Kane ka Naomi?”

RUTH 1:22

Kumta, ka Naomi ka la wan phai pat bad ka Ruth ka nong Moab, ka pyrsa kurim jong ka, kaba la wan noh na ka ri Moab, ryngkat bad ka: te ki la wan sha Bethlehem ha kaba sdang ka aïom ot Kew Barli.

RUTH 2:5

Ynda kumta, u Boas u la kylli ïa uta u shakri jong u uba halor kita ki nongot, “Kane ka samla ka jongno?”

RUTH 2:7

bad ka la ong, ‘Nga kyrpad ba ngan ïoh tam Kew bad lum nadien ki nongot hapdeng kita ki song;’ kumta ka la wan bad ka la sah ruh naduh mynstep haduh mynta, hynrei, tang ba ka la shong khyndiat ha ïing.”