RUTH 2:12 - KA BAIBL

¹² To U Trai un pynbiang kum ka kam jong pha, bad to ai ba ka bainong jong pha kan long kaba janai na U Trai, U Blei ki Israel, uba pha la wan ban rieh hapoh ki thapniang jong u.”

Khasi CL Bible (BSI)

¹² To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”

RUTH 2:12 Mawu Ofanana

SALM 17:8

To sumar ïa nga kum ïa i briew khmat, to buhrieh ïa nga hapoh ka jingkah ki thapniang jong me,

SALM 19:11

Ruh putet ha ki la maham ïa u shakri jong me: ha kaba sumar ïa ki ka don ka nong ka bakhraw.

SALM 36:7

Katno ka bakordor ka jingleh isynei jong me, A Blei! Te ki khun bynriew kin rieh hapoh ka jingkah ki thapniang jong me.

SALM 57:1

To isynei ïa nga, A U Blei, to isynei ïa nga; namar ka mynsiem jong nga ka rieh ha me: shisha keiñ, ha ka jingkah ki thapniang jong me ngan rieh, tad ynda ki la ïaid jah noh kine ki jingjynjar.

SALM 58:11

Ba kumta ki briew kin ong, “Shisha ka don ka nong ïa u bahok: shisha don U Blei uba bishar ha ka khyndew.”

SALM 61:4

Ngan shong ha Ka Tabernakl jong me junom: ngan rieh ïa lade hapoh ka jingkah ki thapniang jong me. Selah.

SALM 63:7

Namar me la long ka jingïarap jong nga, bad ha ka jingkah ki thapniang jong me ngan leh kmen.

SALM 91:4

Un tap ïa me da la ki sner, bad hapoh ki thapniang jong u men ïoh rieh ïa lade: ka jingshisha jong u ka long ka stieh bad ka 'tiehbah.

PROBERB 11:18

U bymman u ïoh ïa ka bainong kaba shukor: hynrei, uta uba bet ïa ka hok u ïoh ka nong kaba skhem.

PROBERB 23:18

naba da shisha ka don ka nong; bad ïa ka jingkyrmen jong me yn ym ot noh.

JEREMAÏAH 31:16

Kumne u ong U Trai: “To khang noh la ka ktien na kaba ïam, bad la ki khmat na ki ummat: namar ïa ka kam jong pha yn sa ai nong,” ong U Trai; “bad kin sa wan pat na ka ri jong u nongshun.

MATHAÏOS 23:37

“A! Jerusalem, Jerusalem! pha kaba pynïap noh ïa ki nongïathuhlypa, bad kaba lynthem maw ïa kita ïa kiba la phah ha pha! katno sien ba nga la kwah ban kdup ïa ki khun jong pha, kumba ka syiar ka kdup ïa ki khun jong ka hapoh ki thapniang jong ka, phi te phim mon.

MATHAÏOS 5:12

To ïakmen, to ïashadkmen ruh: namar ka bakhraw ka bainong jong phi ha ki bneng: naba kumta ki la ïa-pynshitom ïa ki nongïathuhlypa kiba la mynshuwa jong phi.”

MATHAÏOS 6:1

“To sumar ban ym leh ïa ka babha jong phi ha khmat ki briew, khnang ba kin khmih ïa phi: lymda kumta, phim don nong ha U Kpa jong phi uba ha bneng.

LOUKAS 6:35

Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman.

KOLOSSAI 2:18

To wat shah ïano ïano ruh ban knieh ïa ka jingïathong jong phi da ka jinglehrit bad kaba mane ïa ki angel katba mon, da kaba ïeng ha kita kiei kiei ruh ïa kiba u la ïohi, ba la pynmeng kai da kata ka jingmut ka doh jong u,

2 TIMOTHI 1:18

(To U Trai un ai ha u ban shem ka jingisynei na U Trai ha kata ka sngi); bad ha kiba katno kiei kiei u la shakri ha Ephesos, me tip bha eh.

2 TIMOTHI 4:8

Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.

HEBRU 11:26

u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong.

HEBRU 11:6

hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

HEBRU 6:10

namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh.

RUTH 1:16

Ka Ruth te ka la ong, “Wat kyrpad ïa nga ba ngan khlad noh na pha, ïa ka ban phai noh na kaba bud ïa pha: naba sha kaba phan leit ma pha, hangta nga ruh ngan leit; bad ha kaba phan shong basa ma pha, hangta nga ruh ngan shong basa: ki briew jong pha kin long ki briew jong nga, bad U Blei jong pha un long U Blei jong nga:

RUTH 2:11

Te u Boas u la ïathuh ha ka bad u la ong, “La ïathuh ha nga biang biang ruh ïa kiei kiei baroh kiba pha la leh ha ka kiaw kurim jong pha naduh kaba la ïap u tnga jong pha: bad ba pha la iehnoh noh ïa la u kpa bad ïa la ka kmie, bad ïa ka ri ha kaba la kha ïa pha, bad ba pha la wan sha ki briew ïa kiba pham ju ithuh mynshuwa.

RUTH 2:13

Ynda kumta, ka la ïathuh, “To ai ba ngan shem kaba sngewbha ha khmat jong me, ko kynrad; namar ba me la pyntngen ïa nga, bad ba me la kren sbun ha ka shakri jong me, la ngam long kum kawei na ki shakri kynthei jong me.”

RUTH 4:15

Te un long ha pha u nongpynthymmai ïa ka jingim, bad u nongsumar ïa ka jinglong tymmen jong pha: namar kane ka pyrsa kurim jong pha, kaba ieit ïa pha, kaba long ruh kham bha ïa pha ban ïa hynñiew ngut ki khun shynrang, ka la kha khun ïa u.”

1 SAMUEL 24:19

Namar lada u briew un da shem ïa la u nongshun, un pyllait noh ïa u ha kaba suk? namar kata, to U Trai un ai ïa me da ka babha na ka bynta kata kaba me la leh ïa nga ha kane ka sngi.

1 SAMUEL 24:20

Te mynta, ha khmih, nga tip skhem ba men long syiem shisha, bad ba yn pynskhem ïa ka hima Israel ha ka kti jong me.