RUTH 1:16 - KA BAIBL

¹⁶ Ka Ruth te ka la ong, “Wat kyrpad ïa nga ba ngan khlad noh na pha, ïa ka ban phai noh na kaba bud ïa pha: naba sha kaba phan leit ma pha, hangta nga ruh ngan leit; bad ha kaba phan shong basa ma pha, hangta nga ruh ngan shong basa: ki briew jong pha kin long ki briew jong nga, bad U Blei jong pha un long U Blei jong nga:

Khasi CL Bible (BSI)

¹⁶ Hynrei ka Ruth ka jubab, “Wat ong ïa nga ban iehnoh ïa phi! Shah ba ngan leit bad phi. Kat shaba phi leit, ngan leit; kat haba phi shong phi sah, hangta ngan shong ngan sah. Ki briew jong phi kin long ki briew jong nga, bad U Blei jong phi un long U Blei jong nga.

RUTH 1:16 Mawu Ofanana

2 SAMUEL 15:21

U Ittai te u la ïathuh ha u syiem, bad u la ong, “Katba im U Trai, bad katba im u syiem kynrad jong nga, shisha shisha ha kata ka jaka kaba u don u syiem kynrad jong nga, la ha kaba ïap lane ha kaba im, hangta hi keiñ u shakri jong me un don ruh.”

SALM 45:10

To sngew, ko khun, bad to pyrkhat, bad to dem ïa la ka shkor; to klet noh ruh ïa la ki jong ki briew, bad ïa ka ïing u kpa jong pha;

PROBERB 17:17

U lok u ieit ha ki por baroh, bad ïa u para la kha khnang hamar ka jingjynjar.

ISAÏAH 14:1

Namar U Trai un isynei ïa u Jakob, bad un dang jied ïa ki Israel, bad un buh ïa ki ha ka ri jong ki hi: bad u nongwei un pynïasoh ïa lade bad ki, bad kin ïasnoh ha ka ïing u Jakob.

DANIEL 2:47

U syiem u la ïathuh ha u Daniel, bad u la ong, “Da kaba shisha, U Blei jong phi u long U Blei ki blei, bad U Trai ki syiem, bad u nongpynpaw ïa ki jingbuhrieh, naba me la lah ban pynpaw ïa kane ka jingbuhrieh.”

DANIEL 3:29

Namar kata, nga buh ïa ka hukum, ba kino kino ki kynja bynriew, ki jaid bynriew, bad ki ktien, ki ban kren ei ei ka bymdei ïa U Blei jong u Shadrak, u Meshak, bad u Abednego, yn ot lyngkhot lyngkhai ïa ki, bad yn pynlong synrum ïa ki ïing jong ki: namar ym don uwei pat U Blei uba lah ban pyllait kum ha kane ka rukom.”

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

HOSIA 13:4

“Pynban, nga, nga long U Trai U Blei jong me na ka ri Ijipt: te men ym ithuh ïa uwei pat u blei lait na nga, nalor jong nga ruh ym don nongpynim shuh.

SEKHARAÏAH 8:23

Kumne u ong U Trai ki paid: “Ha kito ki sngi, kan jia ba shiphew ngut ki briew na ki ktien baroh ki jaid bynriew, kin ïabat, kin ïabat keiñ na ka rmiang ka jaiñ jong uta uba long u Jiw, ki da ong, ‘Ngin ïaleit ryngkat bad phi, naba ngi la ïohsngew ba U Blei u don lem bad phi.’ ”

MATHAÏOS 8:19

Te haba uwei u nongthoh u la wan, u la ong ha U, “Ko Nonghikai, ngan bud ïa me kat shaba me leit.”

ÏOANNIS 13:37

U Petros u ong ha U, “Ko Trai, balei ngam lah bud ïa me mynta? ngan aiti noh ïa la ka jingim na ka bynta jong me.”

KI KAM 21:13

Hynrei, u Paul u la ïathuh, “Phin lei da kaba ïam bad da kaba pynpait ïa ka dohnud jong nga? Namar nga, nga la kloi ym tang ban shah khum, hynrei, ban ïap ruh ha Jerusalem na ka bynta ka kyrteng U Trai Jisu.”

1 THESSALONI 1:9

Namar ma ki hi, ki ïa-pynbna shaphang jong ngi kaba kumno ka jingpdiang jong phi ïa ngi, bad kumno phi la phai sha U Blei na ki bleithaw, ban shakri ïa U Blei ba-im bad bashisha,

JOSHUA 24:18

bad U Trai u la beh noh na khmat jong ngi ïa ki briew baroh, ïa ki Amor keiñ kiba shong ha kata ka ri: namar kata, ngi ruh ngin shakri ïa U Trai; namar u long U Blei jong ngi.”

JINGPYNPAW 14:4

Kine ki long kita ïa kiba ym shym la pynbit-tngit bad ki kynthei, namar ki long ki rangsotti. Kine ki long kita kiba bud ïa uta U Khun langbrot kat shaba u leit. Ïa kine la siewspah noh napdeng ki briew, kum u soh nyngkong ha U Blei bad ha uta U Khun langbrot.

RUTH 1:15

Ka te ka la ong, “Ha khmih, kata ka para tnga jong pha ka la leit phai noh sha la ki briew, bad sha uta u blei jong ka: to phai noh ma pha ruh nadien kata ka para tnga jong pha.”

RUTH 1:17

ha kaba phan ïap ma pha, hangta hi nga ruh ngan ïap, hangta ruh yn tep ïa nga: to U Trai un leh kumta ïa nga, bad tam ruh, lada ei ei sa tang ka jingïap ka ban pynkhlad ïa nga na pha.”

RUTH 2:6

Te uta u shakri uba halor kita ki nongot u la ïathuh bad u la ong, “Ka long kata ka samla kaba na Moab kaba la wan ryngkat bad ka Naomi na ka ri Moab:

RUTH 4:15

Te un long ha pha u nongpynthymmai ïa ka jingim, bad u nongsumar ïa ka jinglong tymmen jong pha: namar kane ka pyrsa kurim jong pha, kaba ieit ïa pha, kaba long ruh kham bha ïa pha ban ïa hynñiew ngut ki khun shynrang, ka la kha khun ïa u.”