RUTH 1:12 - KA BAIBL

¹² To phai noh phi, ko khun, khie leit wan noh; naba ïa kaba ngan ïoh kurim pat nga la tymmen. Lada ngan ong, ‘Nga dang don ka jingkyrmen, lada ngan ïoh tnga ha kane hi ka miet, bad ngan kha ki khun shynrang ruh;

Khasi CL Bible (BSI)

¹² Khie leit phai noh sha ïing, naba nga la tymmen ban shongkurim biang. Wat lada nga pyrkhat ba dang don jingkyrmen, bad kumta ban shongkurim ha kane ka miet bad ïoh khun shynrang,

RUTH 1:12 Mawu Ofanana

JENESIS 17:17

Ynda kumta, u Abraham u la nguh ngon haduh khyndew, bad u la rkhie, bad u la ong ha la ka dohnud, “Shisha yn sa kha ïa u khun ïa u briew uba la shispah snem ka rta? bad ka Sara shisha kan ïoh kha khun, haba ka long kaba khyndaiphew snem ka rta?”

JENESIS 38:11

Te u Judah u la ong ha ka Tamar ka pyrsa kurim jong u, “To sah riewkynthei noh ha ïing u kpa jong pha, haduh ba un da la san u Shelah u khun jong nga:” naba u la ong, “ba ïoh u ruh un ïap noh kum ki hynmen jong u.” Kumta ka Tamar ka la leit bad ka la shong sah ha ïing u kpa jong ka.

1 TIMOTHI 5:9

Wat ai ban kheiñ ïano ïano kum ka riewkynthei, kaba duna hynriewphew snem ka rta, kaba la long ka tnga jong uwei u briew,

RUTH 1:11

Ka Naomi te ka la ong, “To phai noh phi ko khun: ïa ka ban lei phin leit lem bad nga? ma nga, nga dang don shuh ki khun shynrang ha ka kpoh, ïa ka ban long ki tnga jong phi?

RUTH 1:13

phi phin da ap ïa kita haduh ba kin da san? phi phin da ap namar kata khlem da shongkurim?’ Em, ko khun; naba nga khuslai sat na ka bynta jong phi, namar ba ka kti U Trai ka la mih pyrshah ïa nga.”