RUTH 1:1 - KA BAIBL

¹ Te ha kita ki sngi, mynba ki nongbishar ki dang bishar, la don ka 'nemsniew ha kata ka ri. Bad uwei u briew uba na Bethlehem Judah, u la leit shong sha ka ri Moab, ma u bad ka tnga jong u, bad ki khun shynrang jong u, ar ngut.

Khasi CL Bible (BSI)

^1-2 Slem bah mynshuwa, ha ki sngi shuwa ba ki Israel kin ïoh syiem, la don ka 'nemsniew ha ka ri. Kumta u briew uba kyrteng u Elimelekh, uba na ka kur Ephrath bad uba shong ha Bethlehem kaba ha Judah, u leit bad ka Naomi ka tnga jong u lem bad ki ar ngut ki khun shynrang jong ki, u Mahlon bad u Khilion, ban sah shipor ha ka ri Moab. Katba ki dang sah hangta,

RUTH 1:1 Mawu Ofanana

JENESIS 12:10

Te ka la don ka 'nemsniew ha kata ka ri: kumta, u Abram u la leit hiar sha ka ri Ijipt ban shong nongwei hangta katto katne; naba ka jur eh ka 'nemsniew ha kata ka ri.

JENESIS 26:1

Bad ka la don ka 'nemsniew ha kata ka ri nalor kata ka 'nemsniew kaba la don mynshuwa ha ki sngi jong u Abraham. Bad u Isaak u la leit sha u Abimelekh u syiem ki Philistia sha Gerar.

JENESIS 43:1

Bad kata ka 'nemsniew ka la nang kham jur ha kata ka ri.

2 SAMUEL 21:1

Te la don ha ki sngi u Dabid ka 'nemsniew lai snem lynter; bad u Dabid u la wad ïa ka khmat U Trai. Bad U Trai u la ong, “Ka long namar u Saul, bad namar ka ïing kaba bit snam jong u, namar ba u la pynïap ïa ki Gibeon.”

1 SYIEM 18:2

Bad u Elijah u la leit pyni ïa lade ha u Ahab. Te ka 'nemsniew ka la jur eh ha Samaria.

1 KHRONIKL 2:51

u Salma u kpa u Bethlehem, u Hareph u kpa u Beth-gader.

1 KHRONIKL 2:54

Ki khun shynrang u Salma: u Bethlehem, bad ki Netophath, u Atroth-beth-Joab, bad shiteng ki Manahath, ki Sor.

SALM 105:16

Bad u la hukum ïa ka 'nemsniew ha ka ri; u la pynduh ïa ka jingkyrshan u kpu baroh.

SALM 107:34

bad ka 'dewmluh ïa ka khyndew basei soh, namar ka jingleh bymman kita kiba shong ha ka.

JEREMAÏAH 14:1

Ka Ktien U Trai kaba la wan ha u Jeremaïah shaphang kata ka 'nemsniew.

ESEKIEL 14:13

“Ko khun u briew, haba ka ri ka leh pop ïa nga da kaba leh ïa ka jingryngkang, bad ba nga kner la ka kti halor jong ka, bad ba nga kdiah noh ïa u diengduh u kpu jong ka, bad ba nga phah ka 'nemsniew halor jong ka, bad ba nga ot noh na ka bad briew bad mrad;

ESEKIEL 14:21

Namar kumne u ong U Trai U Blei: “Sa katno lei lei haba nga phah ïa ki saw tylli ki jingpynshitom bajur jong nga halor ka Jerusalem, ïa ka waitlam, bad ïa ka 'nemsniew, bad ïa ki mrad barunar, bad ïa ka khlam, ban ot noh na ka bad briew bad mrad?

LEBITIKOS 26:19

Bad ngan pynkheiñ noh ïa ka jingsarong ka bor jong phi: bad ngan pynlong ïa ka sahit bneng jong phi kum u nar, bad ïa ka khyndew jong phi kum ka rnong:

AMOS 4:6

“Te nga la ai ha phi ka jingtyrkhong bniat ha ki nongbah jong phi baroh, bad ka jingkyrduh kpu ha phi ha ki jaka jong phi baroh: pynban, phim shym phai sha nga,” ong U Trai.

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

DEUTERONOMI 28:38

Ïa ki symbai shibun men kit shabar sha ka lyngkha, hynrei, men ïalum tang khyndiat hapoh; naba ki puit kin bam duh ïa ki.

NONGBISHAR 12:8

Hadien jong u te u Ibsan na Bethlehem u la bishar ïa ki Israel.

NONGBISHAR 17:7

Te la don uwei u samla na Bethlehem Judah, na ka ïing Judah, uba long u Lebi, bad u la shong hangta.

NONGBISHAR 17:8

Bad uta u briew u la leit mih noh na kata ka shnong, na Bethlehem Judah keiñ, ban leit shong kat shaba u shem: te katba u ïaid u la wan poi sha ka ri lum Ephraim sha ka ïing u Mikah.