PROBERB 6:16 - KA BAIBL

¹⁶ Don hynriew tylli kiei kiei kiba U Trai u isih; shisha, hynñiew kiba long ka jingijli ïa u:

Khasi CL Bible (BSI)

^16-19 Don hynñiew tylli kiei kiei kiba U Trai u isih bad um lah shah: Ka khmat kaba i-meng, u thylliej uba lamler, ki kti kiba pynïap ïa ki briew kiba lui lui, ka jingmut kaba pyrkhat ïa ki jingthmu basniew, ki kjat kiba kloi ban leh sniew, u sakhi uba ïathuh lamler kawei hadien kawei pat, bad u briew uba pynmih jingïakajia hapdeng ki paralok.

PROBERB 6:16 Mawu Ofanana

2 SYIEM 21:16

Bad u Manasseh u la pynmih ruh shikatdei ka snam balui lui, haduh ba u la pynshlei ïa ka Jerusalem nadong shadong; nalor kata ka pop jong u da kaba u la pynlong ïa ka Judah ban leh pop, ha kaba leh ïa kata ka basniew ha khmat U Trai.

Ka Kitab U Job 5:19

Ha ki hynriew tylli ki jingjynjar un pynim ïa me; shisha, ha ka hynñiew ka jingsniew kan ym ktah ïa me.

SALM 11:5

U Trai u tynjuh ïa u bahok: hynrei, ïa u bymman bad uta uba ieit ïa ka jingleh-jubor, ka mynsiem jong U, ka isih.

SALM 5:7

Hynrei, nga te, ha ka jingbun ka jingleh isynei jong me ngan wan sha ka ïing jong me: ha ka jingsheptieng jong me ngan mane sha ka templ bakhuid jong me.

PROBERB 11:1

Ka tarajur kaba shukor ka long ka jingijli ïa U Trai: hynrei, ka jingthew ka bahok ka long ka jingsngewbha jong u.

PROBERB 11:20

Kita kiba mutlop ha la ka dohnud ki long ka jingijli ïa U Trai: hynrei, jar kiba janai ha la ka lynti ki long ka jingsngewbha jong u.

PROBERB 12:22

Ki rmiang shyntur kiba lamler ki long ka jingijli ha U Trai: hynrei, kita kiba leh hok ki long ka jingsngewbha jong u.

PROBERB 17:15

Uba pynksan ïa u bymman, bad uta uba pynrem ïa u bahok, baroh ar ngut kumjuh, ki long ka jingijli ha U Trai.

PROBERB 20:10

Ki mawser kiba ïapher, bad ki jingthew kiba ïapher, baroh ar kumjuh ki long ka jingijli ha U Trai.

PROBERB 20:23

Ki mawser kiba ïapher ki long ka jingijli ïa U Trai; bad ka tarajur kaba shukor ka bymbha.

PROBERB 21:4

Ka jingkhmih meng, bad ka dohnud kaba sarong, wat ka sharak jong u bymman, ka long pop.

PROBERB 3:32

Naba uba mutlop u long ka jingijli ïa U Trai: hynrei, ka jingrieh jong u ka don bad uba beit.

PROBERB 30:18

Don lai tylli kiei kiei kiba phylla eh ïa nga, shisha, saw tylli kiba ngam ithuh:

PROBERB 30:21

Namar lai tylli kiei kiei ka khyndew ka kyiuh, bad namar saw tylli, kiba kam lah shah:

PROBERB 30:24

Don saw tylli kiei kiei kiba rit ha ka khyndew, hynrei, ki long ki bastad shikatdei:

PROBERB 30:29

Don lai tylli kiei kiei kiba ishyeng ha la ka jingïaid, shisha, saw tylli kiba ishyeng ha kaba ïaid:

PROBERB 6:15

Namar kata, ka jingjynjar jong u kan wan kyndit; ha kaba kyndit yn pynlwet ïa u, bad kata bymdon jingshna shuh.

PROBERB 6:17

ki khmat kiba sarong, u thylliej uba lamler, bad ki kti kiba pynmih noh ïa ka snam balui lui;

PROBERB 8:13

Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

JEREMAÏAH 26:15

Tang ba phin tip skhem ba lada phin pynïap ïa nga, phin pynhap ïa ka snam balui lui halor lade, bad halor kane ka shnong, bad halor kiba shong ha ka: naba da shisha, U Trai u la phah ïa nga ha phi ban kren ïa kine ki ktien baroh ha ki shkor jong phi.”

AMOS 1:11

Kumne u ong U Trai: “Namar lai tylli ki jingryngkang ka Edom, shisha, namar saw tylli, ngan ym pynphai noh ïa ka jingpynshitom na ka; namar ba u la beh ïa la u para da ka waitlam, bad u la pynduh noh ïa ka jingisynei baroh, bad ka jingbitar jong u ka tar ha la ka sngi, bad u la bat ïa la ka jingbitar shla ha la ka rta:

AMOS 1:3

Kumne u ong U Trai: “Namar lai tylli ki jingryngkang ka Damaskos, shisha, namar saw tylli, ngan ym pynphai noh ïa ka jingpynshitom na ka; namar ki la shoh ïa ka Gilead da ki tiar shoh kba kiba da u nar:

AMOS 1:6

Kumne u ong U Trai: “Namar lai tylli ki jingryngkang ka Gasa, shisha, namar saw tylli, ngan ym pynphai noh ïa ka jingpynshitom na ka; namar ki la ring mraw ïa u paidbah baroh, ban aiti noh ïa ki ha u Edom:

AMOS 1:9

Kumne u ong U Trai: “Namar lai tylli ki jingryngkang ka Tyros, shisha, namar saw tylli, ngan ym pynphai noh ïa ka jingpynshitom na ka; namar ki la aiti noh ïa u paidbah baroh ha u Edom, bad kim shym kynmaw ïa ka jingïateh jutang shipara:

AMOS 2:1

Kumne u ong U Trai: “Namar lai tylli ki jingryngkang u Moab, shisha, namar saw tylli, ngan ym pynphai noh ïa ka jingpynshitom na u; namar u la thang haduh ban da long shun ïa ki shyieng u syiem ka Edom:

AMOS 2:4

Kumne u ong U Trai: “Namar lai tylli ki jingryngkang ki Judah, shisha, namar saw tylli, ngan ym pynphai noh ïa ka jingpynshitom na ki; namar ki la kyntait noh ïa ka hukum U Trai, bad kim shym sumar ïa ki aiñ jong u, bad ki jinglamler jong ki, ki la pynsakma ïa ki, ha kiba ki kpa jong ki, ki la ju ïaid:

AMOS 2:6

Kumne u ong U Trai: “Namar lai tylli ki jingryngkang ki Israel, shisha, namar saw tylli, ngan ym pynphai noh ïa ka jingpynshitom na ki; namar ki la die noh ïa u bahok namar ka rupa, bad ïa u baduk namar shi jur ki khulom:

SEKHARAÏAH 8:17

bad mano mano ruh na phi wat ai ba un tharai sniew ha la ka dohnud ïa la u paramarjan; bad wat ieit ïa kaba smai lamler; naba kine baroh ki long kiei kiei kiba nga isih,’ ” ong U Trai.

DEUTERONOMI 23:18

Men ym wallam ïa ka bainong jong ka nuti, lane ïa ka dor u ksew, sha ïing U Trai uba U Blei jong me ha kano kano ka jingkular niam: naba kine baroh ar, ki long kiba ijli ha khmat U Trai uba U Blei jong me.

DEUTERONOMI 24:4

uta u tnga u banyngkong jong ka, uba la phah noh ïa ka, um lah keiñ ban shim pat ïa ka ban long ka tnga jong u, hadien ba ka la tngit; naba kata ka long kaba ijli ha khmat U Trai: te men ym pynlong pop ïa kata ka ri, ïa kaba U Trai uba U Blei jong me u ai ha me kum ka jingïoh pateng.

DEUTERONOMI 25:16

Naba baroh kiba leh ïa kiei kiei ruh kat kita, baroh keiñ kiba leh bymhok, ki long kiba ijli ha U Trai uba U Blei jong me.

JINGPYNPAW 21:27

Bad da lei lei kan ym ïoh leit bsut sha ka kaei kaei ruh ka bymkhuid, lane uta uba leh ïa ka jingijli bad ka jinglamler: hynrei, tang kita keiñ ïa kiba la thoh ha kata ka kitab ka jingim jong uta U Khun langbrot.