PROBERB 3:18 - KA BAIBL

¹⁸ Ka long u dieng ka jingim ïa kita kiba shim bat ïa ka: bad suk uwei uwei baroh uba bat ri ïa ka.

Khasi CL Bible (BSI)

¹⁸ Kito kiba stad ki suk mynsiem; ka jingstad kan ai ha ki ïa ka jingim.

PROBERB 3:18 Mawu Ofanana

JENESIS 2:9

Bad U Trai uba U Blei u la pynlong ba kin mih na kata ka khyndew ki dieng baroh kiba itynnad ban khmih, bad kiba bit eh ïa ka ban bam; bad hapdeng kata ka kper ïa u dieng ka jingim, bad ïa u dieng ka jingtip ïa ka babha bad ïa ka basniew.

JENESIS 3:22

U Trai uba U Blei u la ong ruh, “Ha khmih, uta u briew u la wan long kum uwei na ngi hi, kat ban tip ïa ka babha bad ïa ka basniew: te mynta, ba ïoh un kner ïa la ka kti, bad shim ruh na u dieng ka jingim, bad bam, bad im junom ruh de:”

PROBERB 11:30

U soh jong u bahok u long u dieng ka jingim; bad uta u bastad u pynngat ïa ki mynsiem.

PROBERB 13:12

Ka jingkyrmen ba la pyntud ka pynpang ïa ka dohnud: hynrei, haba ka jingkwah ka la poi ka long u dieng ka jingim.

PROBERB 15:4

U thylliej uba khiah u long u dieng ka jingim: hynrei, ka jingmutlop ha u ka long kaba pynjot mynsiem.

PROBERB 4:13

To bat skhem ïa ka jinghikai; wat pyllait ïa ka: to sumar khop ïa ka; naba ka long ka jingim jong me.

PROBERB 8:32

“Namar kata te, ko khun, to sngew ïa nga: naba suk kita kiba sumar ïa ki lynti jong nga.

PROBERB 8:34

Suk uta u briew uba sngew ïa nga, uba ap ha la ka sngi ha ki khyrdop jong nga, uba ap khmih ha ki shawkad ki jingkhang jong nga.

EKLESIASTIS 7:12

Namar ka jingstad ka long ka jingïada, kumba ka spah ka long ka jingïada: hynrei, ka jingkordor ka jingtip ka long, ba ka jingstad ka ri ïa ka jingim jong uta uba don kata.

JINGPYNPAW 2:7

Jar uba don ka shkor, to un sngew ïa kaei ba U Mynsiem u ong ha kita ki balang. Ha uta uba jop, ngan ai ha u ban bam na u dieng jong ka jingim, uba long ha ka paradais U Blei.’ ”

JINGPYNPAW 22:2

Bad ha baroh ar liang jong kata ka wah la don u dieng ka jingim, uba sei noh ïa ki khat-ar ki jingsei soh, ha la u bnai u da sei noh ïa kata ka jingsei soh jong ka: bad ki sla jong uta u dieng ki long ïa ka ban pynkhiah ïa ki kynja bynriew.