PROBERB 24:9 - KA BAIBL

⁹ Ka jingmut u babieit ka long pop: bad u nongrkhiebeiñ u long ka jingijli ïa ki briew.

Khasi CL Bible (BSI)

⁹ Kano kano ka jingthmu ba u bieit u pyrkhat ka long pop. Ki briew ki isih ïa u briew u bym don ei ei hynrei uba rkhiebeiñ ïa kiwei.

PROBERB 24:9 Mawu Ofanana

JENESIS 6:5

Te U Trai u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi.

JENESIS 8:21

Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

SALM 119:113

Nga isih ïa kita kiba arsap; hynrei, ïa ka hukum jong me nga ieit.

PROBERB 21:24

Uba sarong bad uba sngewmeng, “U nongrkhiebeiñ” long ka kyrteng jong u, u trei ha ka jingsngewkhraw ka jingsarong.

PROBERB 22:10

To shop noh shabar ïa u nongrkhiebeiñ, te ka jingïapyneh kan mih shabar; ka jingïamai bad kaba jahburom kin duh noh ruh.

PROBERB 23:7

naba kumba u pyrkhat hapoh lade, kumta u long: “To bam to dih,” u ong ha me; hynrei, ka dohnud jong u kam long bad me.

PROBERB 24:8

Uba pyrkhat khnang ban leh sniew, ki briew kin khot ïa uta “u barunar.”

PROBERB 29:8

Ki briew kiba rkhiebeiñ ki wiang ding ïa ka shnong: hynrei, ki briew ki bastad ki pynphai noh ïa ka jingbitar.

PROBERB 9:7

Uta uba sneng ïa u nongkrenbeiñ u ïoh ka jinglehrain ha lade: uta uba sneng pynrem ïa u bymman u ïoh kaba kynthoh ha lade.

ISAÏAH 55:7

to u bymman un iehnoh ïa la ka lynti, bad u riewbymhok ïa la ki jingmut: to un phai ruh sha U Trai, te un sngewsynei ïa u; bad sha U Blei jong ngi, namar un map phar.

JEREMAÏAH 4:14

A Jerusalem, to sait ïa la ka dohnud na ka jingbymman, ba yn pynim ïa pha. Slem katno ki jingmut basniew jong pha kin shong hapoh jong pha?

MATHAÏOS 15:19

Naba na ka dohnud ki mih noh ki jingmut bymman, kaba pynïap, kaba klim, kaba ïakai kynthei, kaba tuh, kaba sakhi lamler, kaba krenbeiñ.

MATHAÏOS 5:28

hynrei, nga ong ha phi, ba uno uno ruh uba da khmih ïa ka briew ïa ka ban kwah ïa ka, u la lah klim lypa ïa ka kumta ha la ka dohnud.

MATHAÏOS 9:4

Te U Jisu ba u da tip ïa ki jingmut jong ki, u la ong, “Na ka balei ba phi ïamut bymman ha ki dohnud jong phi?

KI KAM 8:22

Namar kata, to kylla-ka-bamut noh na kane ka bymman jong me, bad to duwai ha U Blei, lehse yn dang map ïa me ïa kane ka buit ka dohnud jong me.

2 KORINTH 10:5

da kaba pynkyllon noh keiñ ïa ki jingmut thala, bad ïa ka jingleh khraw baroh kaba kyntiew ïa lade ïa ka ban ïaleh ïa kata ka jingtip shaphang U Blei, bad da kaba pyndem ïa ka jingpyrkhat baroh ha ka jingkohnguh ïa U Khrist,