PROBERB 24:12 - KA BAIBL

¹² Lada me ong, “Ha khmih, ngim shym tip ïa kane:” hato uta uba thew ïa ki dohnud um pyrkhat ïa ka? bad uta uba ri ïa ka mynsiem jong me, um tip ïa ka? Bad un ai ne em ha uwei uwei baroh katba kum ka kam jong u?

Khasi CL Bible (BSI)

¹² Phi lah ban ong ba kam dei ka kam jong phi, hynrei U Blei u tip bad u bishar ïa ki jingthmu jong phi. U ïai ap khmih ïa phi; u tip. Un ainong ïa phi kat kum kaei kaba phi leh.

PROBERB 24:12 Mawu Ofanana

Ka Kitab U Job 34:11

Naba un ai ha u briew ïa la ka kam, bad un pynlong ba u briew baroh un shem katba kum ki lynti jong u.

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.

Ka Shithi U Paul Sha Ki Nong Rom 2:6

U ban ai nong ha uwei pa uwei u briew katba kum ki jingleh jong u;

PROBERB 21:2

Ka lynti baroh u briew ka long kaba dei ha khmat jong u hi: hynrei, U Trai uba thew ïa ki dohnud.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

EKLESIASTIS 5:8

Lada men ïohi ïa ka jingbanbeiñ ïa u baduk, bad ïa ka jingpynduh ïa ka jingbishar bad ïa ka hok ha ka ilaka, wat sngewkyndit shaphang kata: namar uta uwei uba kham ha khlieh ban ïa uba ha khlieh u khmih; bad don uba kham ha khlieh ban ïa ki.

SALM 121:8

U Trai un sumar ïa ka jingmih shabar jong me, bad ïa ka jingwan shapoh jong me, naduh mynta bad haduh bymjukut.

SALM 121:3

Un ym shah ba kan khih ka kjat jong me: uta uba sumar ïa me un ym samthiah.

1 SAMUEL 16:7

Hynrei, U Trai u la ong ha u Samuel, “Wat khmih ïa ka khmat jong u, lymne ïa ka jingjrong ka rynïeng jong u, namar nga la kyntait ïa u: naba U Blei um ju khmih kumba khmih u briew; naba u briew u ïohi tang ïa ka dur kaba shabar, hynrei, U Trai u ïohi ïa ka dohnud.”

SALM 62:12

ka jong me ruh, A Trai, ka jingisynei ka long: naba men ai ha u briew baroh katba kum ki jingleh jong u.

SALM 17:3

Me la tynjuh ïa ka dohnud jong nga; me la wan-i ïa nga mynmiet; me la tynjuh ïit ïa nga, te mem shem ei ei; nga la thmu khnang ba ka shyntur jong nga kan ym palat.

JINGPYNPAW 22:12

“Ha khmih nga wan kloi; bad ka nong jong nga ka don lem bad nga, ban ai nong ha uwei pa uwei baroh kat kumba long ka jingleh jong u.

JINGPYNPAW 2:18

“Bad ha uta u angel jong ka balang kaba ha Thiateira to thoh: Ïa kine kiei kiei ruh u ong U Khun U Blei, uba don la ki khmat kum ka thylliej ka ding, bad ki kjat jong u kiba kum ka rnong baphyrnai:

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

2 KORINTH 5:10

namar ka dei ban pynïeng ïa ngi baroh ha khmat ka jingshong bishar U Khrist, ba uwei pa uwei un ïoh pdiang ha lade ïa kita kiei kiei ruh ba la leh ha ka met jong u, katba kum kita ba u la leh, la bha la sniew.

1 KORINTH 4:5

Kumta te, phi wat bishar ei ei ruh ha bym pat poi ka Ïa, tad ynda U Trai un wan, u ban pynshai ïa kiei kiei ba la buhrieh jong ka jingdum, bad u ban pynpaw ruh ïa ki jingthmu jong ki dohnud: ynda kumta, uwei pa uwei un ïoh la ka jingïaroh na U Blei.

Ka Shithi U Paul Sha Ki Nong Rom 2:16

ha kaba akher ka sngi, ynda U Blei un bishar kut ïa kiei kiei kiba rieh ki jong ki briew da U Jisu Khrist, katba kum ka gospel jong nga.

KI KAM 17:28

namar, “ ‘ha u ngi im, bad ngi khih, bad ngi long de;’ “kumba kiba na ki nongthaw jingrwai jong phi hi ruh ki la ong, “ ‘Namar ngi long ruh ki khun ki ksiew jong u.’

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

DANIEL 5:23

hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

JEREMAÏAH 32:19

u bakhraw ha ka jingpyrkhat, bad u badonbor ha ka kam; uba ki khmat jong u ki peit ha ki lynti baroh jong ki khun bynriew; ban ai ha uwei uwei baroh katba kum ki lynti jong u, bad katba kum u soh ki jingleh jong u:

PROBERB 5:21

Namar ki lynti u briew ki don ha pyrshah ki khmat U Trai, bad u pynmadan ïa ki lynti ïaid jong u baroh.

SALM 66:9

uba pynsah ha ka jingim ïa ka mynsiem jong ngi, bad u bymshah ban pynkhih ïa ki kjat jong ngi.

SALM 44:21

hato, U Blei un ym wad noh ïa kata? naba u tip ïa ki jingbuhrieh ka dohnud.

SALM 7:9

A to ai ba ka jingleh bymman jong ki bymman kan kut noh, hynrei, to pynskhem ma me ïa u bahok: naba U Blei u bahok u tynjuh ïit ïa ki dohnud bad ïa ki khyllai.

1 SAMUEL 25:29

La u briew u la ïeng ïa ka ban beh ïa me ruh, bad ban wad ïa ka mynsiem jong me, pynban, ka mynsiem u kynrad jong nga kan long ba la tehsong ha ka jingteh ka jingim bad U Trai U Blei jong me; bad ïa ki mynsiem ki nongshun jong me un shat noh, kum na ka pdeng ka jingshat maw.

1 SAMUEL 2:6

U Trai uba pynïap, bad uba pynim: u pynhiar ma u sha ka jingtep, u pynmih ruh ma u.

1 SAMUEL 2:3

Wat da kren sarong eh shuh; wat ai ban mih ka jingmeng na ka shyntur jong phi: namar U Trai u long U Blei ka jingtip, bad u ju thew ïa ki jingleh.

SALM 94:9

Uta uba la thung ïa ka shkor, un ym ïohsngew? Uta uba la thaw dur ïa ka khmat, un ym ïohi?

PROBERB 12:14

Ïa u briew yn pynhun da ka jingbha da u soh ka shyntur jong u: bad ïa ki jingleh ki kti u briew yn ai ha u.

PROBERB 5:22

Ki jingleh bymhok jong u hi kin pynngat ïa u bymman, bad yn bat ïa u da ki tyllai ka pop jong u.

PROBERB 16:2

Ki lynti baroh ki jong u briew, ki long ki bakhuid ha khmat jong u hi: hynrei, U Trai u thew ïa ki mynsiem.

SNGEWSYNEI 3:36

ban pynbakla ïa u briew ha la ka kam, U Trai um sngewbha.