PROBERB 21:2 - KA BAIBL

² Ka lynti baroh u briew ka long kaba dei ha khmat jong u hi: hynrei, U Trai uba thew ïa ki dohnud.

Khasi CL Bible (BSI)

² Phi lah ban tharai ba baroh kat kaba phi leh ka long kaba dei, hynrei kynmaw ba U Trai u bishar ïa ki jingthmu jong phi.

PROBERB 21:2 Mawu Ofanana

Ka Kitab U Job 31:6

(To ai ba yn thew ïa nga ha ka tarajur ka bahok, ba U Blei un ïoh tip ïa ka jingjanai jong nga):

SALM 36:2

Naba u pynshngain ïa lade ha la ki jong ki khmat, ba yn ym shem ïa ka jingbymhok jong u bad ban isih ïa ka.

PROBERB 12:15

Ka lynti jong u babieit ka long kaba beit ha ki khmat jong u hi: hynrei, uta u bastad un sngap ïa ka jingpyni.

PROBERB 16:2

Ki lynti baroh ki jong u briew, ki long ki bakhuid ha khmat jong u hi: hynrei, U Trai u thew ïa ki mynsiem.

PROBERB 16:25

Don ka lynti kaba imat beit ïa u briew, hynrei, ka bakut jong ka, long ki lynti ka jingïap.

PROBERB 17:3

U khiew pynphrang u long ïa ka rupa, bad ka lawar ding ïa ka ksiar: hynrei, U Trai uba tynjuh ïa ka dohnud.

PROBERB 20:6

Bun ki briew ki ban pynbna ïa la ka jong ka jong ka jinglehsbun: hynrei, uei u ban shem ïa uba lah ban shaniah?

PROBERB 24:12

Lada me ong, “Ha khmih, ngim shym tip ïa kane:” hato uta uba thew ïa ki dohnud um pyrkhat ïa ka? bad uta uba ri ïa ka mynsiem jong me, um tip ïa ka? Bad un ai ne em ha uwei uwei baroh katba kum ka kam jong u?

PROBERB 30:12

Don ka pateng bynriew ka bakhuid ha la ka jong ka jingñiew, te pynban ym shym la sait ïa ki na ka jingtngit jong ki.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

DANIEL 5:27

Tekel, la thew ïa me ha ki tarajur, bad la shem ba me duna.

LOUKAS 16:15

Te u la ong ïa ki, “Phi long kita kiba pynksan ïa lade ha khmat ki briew, hynrei, U Blei u ithuh ïa ki dohnud jong phi, naba kata ïa kaba la ñiewkor ha ki briew, ka long kaba ijli ha khmat U Blei.

GALATIA 6:3

Namar lada uno uno ruh u mut ba u long ei ei, pleng haba um long ei ei ruh em, u shukor ïa lade keiñ.

JAKOB 1:22

Te to long phi ki nongleh ïa ka ktien, bad ym tang ki nongsngew, da kaba shukor noh ïa lade hi.

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.

1 SAMUEL 16:7

Hynrei, U Trai u la ong ha u Samuel, “Wat khmih ïa ka khmat jong u, lymne ïa ka jingjrong ka rynïeng jong u, namar nga la kyntait ïa u: naba U Blei um ju khmih kumba khmih u briew; naba u briew u ïohi tang ïa ka dur kaba shabar, hynrei, U Trai u ïohi ïa ka dohnud.”