PROBERB 15:7 - KA BAIBL

⁷ Ki rmiang shyntur jong u bastad ki pynphriang ïa ka jingtip: hynrei, ka dohnud u babieit kam leh kumta.

Khasi CL Bible (BSI)

⁷ Ïa ka jingtip la pynphriang da ki briew kiba stad, ym da kiba bieit.

PROBERB 15:7 Mawu Ofanana

SALM 119:13

Da la ki rmiang shyntur nga la pynbna ïa ki jingbishar ka shyntur jong me baroh.

SALM 37:30

Ka shyntur u bahok ka kren ïa ka jingstad, bad u thylliej jong u, u kren ïa ka jingbishar.

SALM 45:2

Me kham bhabriew ïa ki khun bynriew: ïa ka jingaiei la theh sha ki rmiang shyntur jong me: namar kata, U Blei u la kyrkhu ïa me ha la ka rta.

PROBERB 15:2

U thylliej jong u bastad u kren beit ïa ka jingtip: hynrei, ka shyntur jong ki babieit ka theh noh ïa ka jingbieit.

PROBERB 15:6

Ha ka ïing jong u bahok ka don shibun ka jingkynshew: hynrei, ka khajna jong u bymman long ka jingjynjar.

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

PROBERB 16:23

Ka dohnud u bastad ka hikai ïa ka shyntur jong u, bad ka pynlang ïa ka jinghikai ha ki rmiang shyntur jong u.

PROBERB 5:2

ba men ïoh ri khop ïa ka jingsian, bad ba ki rmiang shyntur jong me kin bat ïa ka jingtip.

EKLESIASTIS 10:2

Ka dohnud u riewstad ka don sha ka kti kamon jong u; hynrei, ka dohnud u babieit sha kadiang jong u.

JINGRWAI SOLOMON 4:11

Ki rmiang shyntur jong pha, ko ka nongteh kurim jong nga, ki jaw kum ka rewngap: ka ngap bad ka dud ki don hapoh u thylliej jong pha; bad ka jingiw ki jaiñkup jong pha ka long kum ka jingiw u Lebanon.

MATHAÏOS 10:27

Ïa kaba nga ong ha phi ha ka ba-dum, to ïathuh ha ka bashai: bad ïa kaba phi ïohsngew da ka shkor, to phin ïalap nalor ïing.

MATHAÏOS 12:34

A phi ki khun ki ksiew ki bseiñ! Phi ki bymman, kumno phi lah ban kren ka babha? naba na ka jingshlei ka dohnud ba ka kren ka shyntur.

MARKOS 16:15

U la ong ruh ha ki, “To leit sha ka pyrthei baroh, bad to ïalap ïa ka gospel ha ki bynriew baroh;

EPHESOS 4:29

Wat ai ba kano kano ka ktien sih kan mih na ka shyntur jong phi, hynrei, tang kata kaba bit ïa ka ban tei ïa kaba donkam, ba kan ai ka jingaiei ïa kita kiba ïohsngew.

2 TIMOTHI 2:2

Bad kita kiei kiei ruh ïa kiba me la ïohsngew na nga hapdeng bun ki sakhi, ïa kita keiñ, to men aiti ha ki briew ïa kiba lah ban shaniah, kiba lah ban hikai ïa kiwei ruh.

JAKOB 3:6

Te uta u thylliej u long ka ding: kata ka pyrthei ka jingbymhok long u thylliej hapdeng ki dkhot jong ngi, uba pyntngit ïa ka met baroh kawei, bad uba wiang noh ïa ka shalyntem ka jingpynlong, bad la wiang noh ïa u hi da ka jong ka dujok.