PROBERB 13:2 - KA BAIBL

² U briew un bam ïa ka babha na u soh ka shyntur jong u: hynrei, ka mynsiem u nongshetkylla kan bam ïa ka jingleh-jubor.

Khasi CL Bible (BSI)

² Ki briew kiba bha kin ïoh bainong na ka bynta kaei kaba ki ong, hynrei kito kiba shukor ki thrang tang ban leh jubor.

PROBERB 13:2 Mawu Ofanana

SALM 140:11

Ïa u nongkren sniew yn ym pynskhem ha ka khyndew: ka jingsniew kan beh ïa uta u briew uba leh jubor ïa ka ban pynkyllon ïa u.

SALM 75:8

Naba ha ka kti U Trai ka don ka khuri, bad ka Waiñ ka thnam; ka dap da ka jingpynkhleh, bad u theh noh ïa kata: da shisha ïa ka ryngkhai jong ka, ki bymman baroh jong ka khyndew kin khñiot ïa ka, bad kin dih ïa ka.

PROBERB 1:18

bad kine ki shu thap ïa la ka jong ka snam, ki shu ap tuh ïa la ki jong ki mynsiem.

PROBERB 1:31

namar kata, kin ïoh bam ïa u soh la ka jong ka lynti, bad yn pynkdang ïa ki da la ki jong ki buit.

PROBERB 10:11

Ka shyntur u bahok ka long ka pukri ka jingim; hynrei, ka jingleh-jubor ka tap ïa ka shyntur jong u bymman.

PROBERB 11:23

Ka jingkwah jong u bahok ka long ka babha suda: hynrei, ka jingkhmih lynti jong u bymman ka long ka jingbitar.

PROBERB 12:14

Ïa u briew yn pynhun da ka jingbha da u soh ka shyntur jong u: bad ïa ki jingleh ki kti u briew yn ai ha u.

PROBERB 18:20

Ïa ka kpoh u briew yn pyndap da u soh ka shyntur jong u; bad da ka jingmih ki rmiang shyntur jong u yn pynkdang ïa u.

PROBERB 18:21

Ka jingïap bad ka jingim ki long ha ka bor u thylliej; bad kita kiba ieit ïa u kin bam ïa u soh jong u.

PROBERB 4:17

Namar ki bam ïa u kpu ka jingbymman, bad ki dih ïa ka Waiñ ka jingleh-jubor.

HOSIA 10:13

“Phi la lur ïa ka jingbymman, phi la ot ka jingbymhok; phi la bam ïa u soh ka jinglamler: namar me la shaniah ha la ka lynti, ha u paidbah ki riewshlur jong me.

HABAKKUK 2:17

Naba ka jingleh-jubor ba la leh ïa u Lebanon kan tap ïa me, bad ka jingpynïap ïa ki mrad, kaba la pynsheptieng ïa ki; namar ka snam ki briew, bad namar ka jingleh-jubor ïa ka ri, ïa ka nongbah bad ïa kita baroh kiba shong ha ka.

HABAKKUK 2:8

Namar ba me la lute shibun ki jaid bynriew, kita kiba sah baroh na kita ki kynja bynriew kin lute ïa me; namar ka snam ki briew, bad namar ka jingleh-jubor ba la leh ha ka ri, ha ka nongbah bad ha kita baroh kiba shong ha ka.

JINGPYNPAW 16:6

naba ki la ïa-pynmih noh ïa ka snam ki riewkhuid bad ki nongïathuhlypa, te me la ai ha ki ka snam ban dih: namar ki la kop hi kumta.”