PROBERB 10:13 - KA BAIBL

¹³ Ha ki rmiang shyntur jong uba don ka jingsngewthuh ju shem ka jingstad: hynrei, u dieng sympat u don ïa ka ingdong jong uba suda ka jingshemphang.

Khasi CL Bible (BSI)

¹³ Ki briew kiba stad ki kren da ka jingshemphang, hynrei ïa ki briew kiba mutlop donkam ban pynshitom.

PROBERB 10:13 Mawu Ofanana

SALM 32:9

Wat long kum u kulai, lane kum u khashor, ki bymdon ka jingsngewthuh: kiba ki jingriam jong ki, ki dei ban long u nar lakam bad u lakam ban synshar ïa ki, lym kumta, kim wan hajan jong me.

SALM 37:30

Ka shyntur u bahok ka kren ïa ka jingstad, bad u thylliej jong u, u kren ïa ka jingbishar.

EKSODOS 10:12

U Trai te u la ong ha u Moses, “To kner ïa la ka kti halor ka ri Ijipt ïa ka ban pynmih ïa ki puit, ba kin ïoh kiew halor ka ri Ijipt, bad ba kin ïoh bam duh ruh ïa u jhur jong kane ka ri baroh, ïa kaba sah baroh na kaba shoh u phria.”

PROBERB 10:21

Ki rmiang shyntur jong u bahok ki bsa ïa kiba bun: hynrei u babieit u ïap namar ba kyrduh jingshemphang.

PROBERB 10:31

Ka shyntur u bahok ka pynmih ïa ka jingstad: hynrei, ïa u thylliej uba mutlop yn ot noh.

PROBERB 15:23

U briew u ïoh ka jingkmen ha ka jubab ka shyntur jong u: bad ka ktien ha ka por kaba bit, katno ka babha ka long!

PROBERB 15:7

Ki rmiang shyntur jong u bastad ki pynphriang ïa ka jingtip: hynrei, ka dohnud u babieit kam leh kumta.

PROBERB 16:21

Ïa u bastad dohnud yn khot, “U basian:” bad ka jingthiang ki rmiang shyntur ka pynroi ïa ka jinghikai.

PROBERB 17:10

Ka jingsneng ka ngam kham jylliew ha uba don ka jingshemphang ban ïa shispah thri ha u babieit.

PROBERB 19:29

Ïa ki jingbishar la khreh ïa ki nongrkhiebeiñ, bad ïa ki jingjngem ïa ka ingdong ki babieit.

PROBERB 20:15

Don ka ksiar, bad kyrhai ki maw Rubi: hynrei, ki rmiang shyntur ka jingtip, ki long u mawlynnai bakordor.

PROBERB 26:3

Ka jingsympat ïa u kulai, u lakam ïa ka kadda, bad u thri ïa ka ingdong ki babieit.

PROBERB 27:22

La me dung ïa u bieit da u synrei ha u thlong hapdeng u Kew ba la lwet, ka jingbieit jong u kan ym kynriah na u.

PROBERB 6:32

Uta uba klim bad ka kynthei u long uba suda ka jingshemphang: u leh ïa kata ka ban pynjot ïa la ka jong ka mynsiem.

PROBERB 7:22

U bud ïa ka shisyndon, kumba leit u masi dab sha ka jingpynïap, lane kum ki nar pyndait ha ka jingpynshitom ïa kiba bieit;

ISAÏAH 50:4

U Trai U Blei u la ai ha nga u thylliej jong kiba la shah hikai, ba ngan tip kumno ban shan da ki ktien ïa uta uba thait: u pynkyndit man la ka step, u pynkyndit ïa ka shkor jong nga ban sngap kum kiba la shah hikai.

LOUKAS 4:22

Baroh ruh ki la ïaroh ïa u, bad ki la sngewkyndit namar kita ki ktien jali ja-um kiba la mih noh na ka shyntur jong u. Ki la ong ruh, “Une um long u khun u Joseph?”