PROBERB 1:7 - KA BAIBL

⁷ Ka jingsheptieng ïa U Trai ka long ka jingsdang ka jingtip: hynrei, ki babieit ki ñiewbeiñ ïa ka jingstad bad ka jinghikai.

Khasi CL Bible (BSI)

⁷ Ban ïoh ïa ka jingtip, nyngkong phi dei ban don ka jingtiengburom ïa U Trai. Ki briew kiba mutlop kim don ka jingñiewkor ïa ka jingstad bad ki kyntait ban shah hikai.

PROBERB 1:7 Mawu Ofanana

Ka Kitab U Job 28:28

Bad ha u briew u la ong, ‘Ha khmih, ka jingsheptieng ïa U Trai, kata kaba long ka jingstad; bad kaba kynriah na ka jingsniew ka long ka jingshemphang.’ ”

SALM 111:10

Ka jingsheptieng ïa U Trai long ka jingsdang ka jingstad; ka jingshemphang ka babha ki don kita baroh kiba leh ïa ki: ka jingïaroh jong u ka neh junom.

PROBERB 1:22

“Slem katno, phi ki babieit, phin ieit ïa ka jingbieit? bad ba ki nongkrenbeiñ kin ïasngewbha ha ka jingkrenbeiñ, bad ba ki babieit runar kin isih ïa ka jingtip?

PROBERB 15:32

Uba kyntait ïa ka jinghikai u ñiewbeiñ ïa la ka jong ka mynsiem: hynrei, uba sngap ïa ka jingsneng u ïoh ïa ka jingshemphang.

PROBERB 15:33

Ka jingsheptieng ïa U Trai ka long ka jinghikai ka jingstad; bad ha shuwa ka burom ka leit ka jingsngewrit.

PROBERB 15:5

U babieit u ñiewbeiñ ïa ka jinghikai u kpa jong u: hynrei, uba ñiewkor ïa ka jingsneng u ïoh ka jingsian.

PROBERB 18:2

U babieit um don jingsngewbha ha ka jingshemphang, hynrei, tang ba ka dohnud jong u kan pynpaw ïa lade.

PROBERB 2:5

kumta te men shemphang ïa ka jingsheptieng ïa U Trai, bad men shem ïa ka jingtip ïa U Blei.

PROBERB 23:9

Wat kren ha kaba ïohsngew u babieit; naba un ñiewbeiñ ïa ka jingstad ki ktien jong me.

PROBERB 9:10

Ka jingsheptieng ïa U Trai ka long ka jingsdang ka jingstad: bad ka jingtip ïa uta U Bakhuid long ka jingshemphang.

EKLESIASTIS 12:13

Kane ka long ka jingkyllum; ïa baroh la ïohsngew: sheptieng ïa U Blei, bad sumar ïa ki hukum jong u; namar kane baroh ka long ka kamram u briew.

Ka Shithi U Paul Sha Ki Nong Rom 1:28

Te kat kumba kim shym la treh ban bat ïa U Blei ha ka jingtip jong ki, kumta, U Blei u la iehnoh ïa ki ha ka jingmut bymsuidñiew, ban ïai-leh ïa kita kiei kiei ruh ki bymbit;

DEUTERONOMI 4:6

To sumar, namar kata, bad to leh ruh ïa ki; naba kane ka long ka jingstad, bad ka jingshemphang jong phi ha khmat kita ki jaid bynriew, ki ban ïohsngew ïa kine ki hukum baroh, bad kin ïa-ong, ‘Shisha kane ka jaid bynriew kaba khraw ka long u paidlang u bastad, bad u bashemphang.’