MATHAÏOS 7:21 - KA BAIBL

²¹ “Ym u briew baroh uba ong ha nga, ‘A Trai, A Trai’, u ban ïoh leit hapoh ka hima ki bneng; hynrei, uta keiñ uba leh ïa ka mon U Kpa jong nga uba ha bneng.

Khasi CL Bible (BSI)

²¹ “Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

MATHAÏOS 7:21 Mawu Ofanana

MATHAÏOS 12:50

Naba uno uno ruh u ban leh ïa ka mon U Kpa jong nga uba ha bneng, uta keiñ u long u para jong nga bad ka para bad ka kmie de.”

MATHAÏOS 16:17

U Jisu te u la ïathuh bad u la ong ha u, “Suk ma me, ko Simon u khun u Jonah, naba ka doh bad ka snam kam shym la pyni ïa kata ha me, hynrei, U Kpa jong nga uba ha bneng.

MATHAÏOS 18:10

“To sumar ba phin ym ibeiñ ïa iwei na kine ki barit; naba nga ong ha phi, ba ki angel jong ki ha bneng, ki ïohi ha la ka sngi ïa ka khmat U Kpa jong nga uba ha bneng.

MATHAÏOS 18:19

Pat nga ong ha phi, ba lada ar ngut na phi kin ïakut lem ha ka khyndew shaphang kaei kaei ruh ïa kaba kin ïapan, kan long ïa ki na U Kpa jong nga uba ha bneng.

MATHAÏOS 18:3

bad u la ong, “Shisha nga ong ha phi, lada phim kylla, bad phim long ruh kum ki khynnah, phin ym leit bsut ha ka hima ki bneng.

MATHAÏOS 18:35

Kumta ruh, U Kpa jong nga uba ha bneng un leh ïa phi, lada phin ym ïamap uwei pa uwei ïa la u para naduh la ki dohnud.”

MATHAÏOS 19:24

Pat ruh nga ong ha phi, ba ka kham jem ïa ka ut ban bsut lyngba ïa ka thliew thyrnia, ban ïa u riewspah ban bsut hapoh ka hima U Blei.”

MATHAÏOS 25:10

Haba ki dang ïaleit ban thied te, u la wan uta u nongleit-kurim; te kita kiba la kloi ki la leit hapoh lem bad u sha ka jingkhawai shongkurim; te la khang ïa ka jingkhang.

MATHAÏOS 25:21

Te u kynrad jong u, u la ong ha u, ‘Bha, me u shakri babha bad bangeit: me la minot ha kiba khyndiat, ngan buh ïa me halor kiba bun: to khie leit shapoh ka jingkmen u kynrad jong me.’

MATHAÏOS 26:39

Haba u la leit sha shuwa khyndiat, u la dem da pyllup bad u la duwai, u da ong, “Ko Kpa jong nga, lada don lad, to ai ba kane ka khuri kan ïohlait noh na nga. Pynban, ym kumba nga mon ma nga, hynrei, tang kumba me mon.”

MATHAÏOS 26:42

Te ha ka ba-ar sien pat u la leit noh, bad u la duwai, u da ong, “Ko Kpa jong nga, lada ym don lad ïa kane ka khuri ban lait noh na nga lymda nga dih ïa ka, to long ka mon jong me.”

MARKOS 3:35

naba uno uno ruh u ban leh ïa ka mon U Blei, uta keiñ, u long u para jong nga bad ka para jong nga, bad ka kmie de.”

MARKOS 9:47

Lada ka khmat jong me ruh ka pynthut ïa me, to khlaw noh ïa ka: ka bha ïa me ban leit bsut sha ka hima U Blei tang da kawei ka khmat, ban ïa kaba me don ar tylli ki khmat ba'n bred ïa me ha dujok ding,

LOUKAS 11:28

Hynrei u te u la ong, “Kham suk shisha kita kiba ïohsngew ïa ka ktien ka jong U Blei, bad kiba sumar ruh ïa ka.”

LOUKAS 13:25

Te haba shi sien ba u trai ïing u la ïeng, bad u la khang ïa ka jingkhang, bad ba phin sdang ban ïeng shabar bad ban tied ïa ka jingkhang, phi da ong, ‘A Trai, A Trai, to plie ïa ngi’; u te un ïathuh un ong ha phi, ‘Ïa phi ngam ithuh, phi nangno.’

LOUKAS 18:25

Naba ka long kham jem ïa ka ut ban bsut lyngba ïa ka thliew thyrnia, ban ïa u bariewspah ban bsut hapoh ka hima U Blei.”

LOUKAS 6:46

“Hynrei, balei ba phi khot ïa nga, ‘A Trai, A Trai’, bad phim leh pynban ïa kiei kiei ruh kiba nga ong?

ÏOANNIS 14:7

Lada phi la lah ithuh ïa nga, phin da ithuh ïa U Kpa jong nga ruh: hynrei, naduh mynta phi ithuh ïa u, bad phi la ïohi ïa u.”

ÏOANNIS 15:23

Uta uba shun ïa nga, u shun ïa U Kpa jong nga ruh.

ÏOANNIS 3:5

U Jisu u la ïathuh, “Shisha, shisha nga ong ha me, lymda kha ïa u briew na ka um bad na U Mynsiem, um lah ban leit hapoh ka hima U Blei:

ÏOANNIS 5:17

Hynrei, U Jisu u la ïathuh ha ki, “U Kpa jong nga u trei haduh mynta, nga ruh nga trei.”

ÏOANNIS 6:40

Namar kane ka long ka mon U Kpa jong nga, ba u briew baroh uba ïohi ïa U Khun bad uba ngeit ha U, un ïoh ka jingim bymjukut, bad ba ngan pynmih pat ïa u ha ka sngi ka bakhatduh.”

ÏOANNIS 7:17

lada uno uno ruh u mon ïa ka ban leh ïa ka mon jong u, un ïoh shemphang shaphang kata ka jinghikai, lada ka long na U Blei, lane nga, nga kren na lade:

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

Ka Shithi U Paul Sha Ki Nong Rom 12:2

Bad to wat pynsyriem ryngkat ïa lade bad kane ka pyrthei; hynrei, to pynkylla dur noh ïa lade keiñ da ka jingpynthymmai ïa ka jingmut jong phi, khnang ba phin ïoh tip kaba kumno ka long ka mon ka jong U Blei, ka babha, bad kaba pynsngewbha eh, bad ka bajanai de.

Ka Shithi U Paul Sha Ki Nong Rom 2:13

namar ym dei ki nongsngew ïa ka hukum kiba long ki bahok ha khmat U Blei, hynrei, ïa ki nongleh keiñ ïa kata ka hukum yn pynksan.

EPHESOS 6:6

ym da kaba shakri ha khmat, kum ki nongpynsngewbha ïa ki briew; hynrei, kum ki shakri U Khrist, da kaba leh ïa ka mon U Blei naduh ka mynsiem;

KOLOSSAI 4:12

U Epaphras, uba long uwei na phi, u shakri U Khrist Jisu, u ai khublei ïa phi, u da ïaleh ha la ka sngi na ka bynta jong phi ha ki jingduwai jong u, ba phin ïoh ïeng janai bad ba la pynskhem bha ha ka mon U Blei baroh.

1 THESSALONI 4:3

Namar kane ka long ka mon U Blei, ka jingpynkhuid ïa phi keiñ, ba phi kyndiah noh na kaba klim;

1 THESSALONI 5:18

Ha kaei kaei baroh to phin ai ka jingnguh: namar kane keiñ, ka long ka mon U Blei ha U Khrist Jisu sha phi.

TITOS 1:16

Ki phla ba ki tip ïa U Blei; hynrei, ha la ki kam ki len ïa u, ba ki long kiba ijli, bad ki bymkohnguh, bad ha ki jingleh babha baroh ki bymsuidñiew.

HEBRU 13:21

un pynjanai ïa phi ha ka jingleh babha baroh, ïa ka ban leh ïa ka mon jong u, da kaba trei ha phi ïa kata kaba pynsngewbha eh ha khmat jong u, da U Jisu Khrist; ha uba to long ka burom sha ki bymjukut ki bymjukut: Amen.

HEBRU 4:6

Namar kata, haba ïohi ba ka sah ba don kiba leit bsut ha ka, hynrei, ba kita ha kiba la ïalap ïa ka gospel mynshuwa kim lah ban leit bsut, namar ka jingbymngeit;

JAKOB 1:22

Te to long phi ki nongleh ïa ka ktien, bad ym tang ki nongsngew, da kaba shukor noh ïa lade hi.

1 PETROS 2:15

Naba kumta keiñ, ka long ka mon ka jong U Blei, ba da kaba ïai-leh babha phin pynsngap noh jar ïa kata ka jingbymtip jong ki briew babieit;

1 PETROS 4:2

khnang ba ha kiba dang sah na ki sngi ka rta jong phi ha ka doh, phin ym im shuh ha ki jingkwah brai ki briew, hynrei, ha ka mon U Blei.

JINGPYNPAW 2:27

bad un synshar ïa ki da u dieng synshar nar, kumba pynlwet jin ïa ki khiew jong u nongthaw khiew, kumba nga ruh nga la pdiang na U Kpa jong nga.

JINGPYNPAW 22:14

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.

JINGPYNPAW 3:5

Uta uba jop, ïa uta, yn pynkup kumta ha ki jaiñkup balieh; bad ngan ym pyndam noh da lei lei ïa ka kyrteng jong u na ka kitab ka jingim, bad ngan phla keiñ ïa ka kyrteng jong u ha khmat U Kpa jong nga, bad ha khmat ki angel jong u.