MATHAÏOS 7:15 - KA BAIBL

¹⁵ “To sumar na ki nongïathuhlypa balamler, kiba ïawan ha phi ha ki jaiñkup snieh langbrot, hynrei, hapoh ki long ki suri bapynjot.

Khasi CL Bible (BSI)

¹⁵ “To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

MATHAÏOS 7:15 Mawu Ofanana

1 SYIEM 13:18

Te u la ong ha u, “Nga ruh nga long u nongïathuhlypa kumjuh kum me: bad u angel u la kren ha nga da ka ktien U Trai, u da ong, ‘To wallam ïa u pat bad me sha la ïing, ba un ïoh bam kpu bad dih um.’ ” Hynrei, u la lamler ïa u.

JEREMAÏAH 29:21

Kumne u ong U Trai ki paid, U Blei ki Israel, shaphang u Ahab u khun u Kolaïah, bad shaphang u Sedekaïah u khun u Maaseïah, kiba ïathuhlypa ïa ka lamler ha phi ha ka kyrteng jong nga: “Ha khmih, ngan ai noh ïa ki ha ka kti u Nebukhadressar u syiem ka Babilon; bad un pynïap ïa ki ha khmat jong phi;

JEREMAÏAH 29:32

namar kata, kumne u ong U Trai: “Ha khmih, ngan pynshitom ïa u Shemaïah u nong Nehelam bad ïa u symbai jong u; un ym ïoh ïa u briew ïa ka ban shong hapdeng une u paidbah, lymne un ym ïohi ïa kata ka babha kaba ngan leh ha u paidbah jong nga,” ong U Trai: “namar u la kren ïa ka jingïaleh pyrshah ïa U Trai.”

ESEKIEL 13:16

kata, ïa ki nongïathuhlypa ki Israel kiba ïathuhlypa shaphang ka Jerusalem, bad kiba ïohi ïa ki jingithuhpaw ka jingsuk ïa ka, bad ym don ka jingsuk,’ ” ong U Trai U Blei.

ESEKIEL 13:22

Namar da ki jinglamler phi la pynpang ïa ka dohnud u bahok, ïa uba ngam shym la pynsngewsih; bad phi la ai bor ïa ki kti u bymman, ba un ym phai noh na la ka lynti bymman, bad ba yn ri pynim ïa u;

ESEKIEL 22:25

Don ka jingïashet ki nongïathuhlypa jong ka hapdeng jong ka, kum u sing bakyrhuh uba tar la ka jinglute: ki la bam duh ïa ki mynsiem; ki knieh ïa ka jingkynshew bad ïa kiei kiei kiba kordor; ki la pynman bun ïa ki riewkynthei hapdeng jong ka.

ESEKIEL 22:27

Ki rangbah jong ka hapdeng jong ka ki long kum ki suri kiba tar la ka jinglute; ban pynmih ïa ka snam, bad ban pynjot ïa ki mynsiem, ba kin ïoh ïa ka nong bymhok.

DANIEL 11:34

Te haba kin hap, da kaba khyndiat ka jingïarap, yn ïarap ïa ki: hynrei, bun kin pynïasoh ïa lade bad ki, da kaba arsap.

MIKAH 3:11

Ki rangbah jong ka ki bishar ba kin ïohnong, bad ki lyngdoh jong ka ki hikai namar ka bainong, bad ki nongïathuhlypa jong ka ki khan ba kin ïoh tyngka: pynban, ki shan ha U Trai, bad ki ong, ‘Hato U Trai um don hapdeng jong ngi? kan ym jia ka basniew ïa ngi.’

SEKHARAÏAH 13:4

“Te kan jia ha kata ka sngi, ba ki nongïathuhlypa kin lehrain uwei uwei baroh ïa la ka jingithuhpaw, haba u ïathuhlypa; lymne kin ym phong ïa ka jaiñkup shñiuh ban shukor;

MATHAÏOS 10:17

Hynrei, to ïasumar na ki briew, naba kin ïa-ai noh ïa phi ha ki jingbishar, bad kin ïasympat ïa phi ha ki synagog jong ki;

MATHAÏOS 16:11

Kumno ba phim sngewthuh ba ngam shym ong ha phi shaphang u kpu? hynrei, ban sumar na uta u thiat ki Pharisi bad ki Saddusi.”

MATHAÏOS 16:6

U Jisu te u la ong ha ki, “To sumar, to kiar na u thiat ki Pharisi bad ki Saddusi.”

MATHAÏOS 24:11

Bun ki nongïathuhlypa lamler ruh kin mih, bad kin shukor ïa shibun.

MATHAÏOS 7:14

Hynrei, A kaba khim kata ka khyrdop; A kaba wit ruh kata ka lynti kaba lam sha ka ban im! A ki long khyndiat ruh kiba shem ïa kata!

LOUKAS 12:15

U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.”

LOUKAS 6:26

“Kordit ïa phi, haba ki briew baroh kin kren bha ïa phi! naba kumjuh hi ki kpa jong ki, ki la leh ïa ki nongïathuhlypa balamler.”

ÏOANNIS 10:12

Hynrei, uba bylla, bad u bymlong u nongaplangbrot, ïa uba kita ki langbrot kim dei, u khmih ïa u suri ba u wan, te u iehnoh ïa kita ki langbrot, bad u phet ïap noh: te uta u suri u kem ñiat ïa ki, bad u pynsakma ïa ki.

KI KAM 13:40

Namar kata, to sumar ïoh kan jia ha phi, kata ïa kaba la kren ha Ki Nongïathuhlypa:

KI KAM 13:6

Te haba ki la lah ïa-ïaid lyngba ïa kata ka 'dewlynnong baroh kawei haduh Paphos, ki la shem ïa uwei u nongleh byrtong, u nongïathuhlypa balamler, u Jiw, uba kyrteng “u Bar-Jisu”;

GALATIA 2:4

Bad kata ruh, namar kita ki para kiba arsap ïa kiba la wallam sian hapoh, kiba la ïawan sian hapoh ïa ka ban syntiat ïa ka jinglaitluid jong ngi kaba ngi don ha U Khrist Jisu, khnang ba kin ïoh pynlong mraw ïa ngi:

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

EPHESOS 5:6

Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

PHILIPPI 3:2

To kiar noh na kita ki ksew, to kiar noh na kita ki nongleh basniew, to kiar noh na kata kaba otsher.

KOLOSSAI 2:8

To sumar phi, ïoh ban don uno uno uba rong lute ïa phi da la ka jingstad pyrthei bad da ka jingshukor bathala, katba kum ka rukom pateng jong ki briew, katba kum ki jinghikai jong ka pyrthei, te ym katba kum U Khrist.

2 TIMOTHI 3:13

Hynrei, ki briew basniew bad ki nongshukor kin nang sniew nang sniew, ki da shukor bad shah shukor.

2 TIMOTHI 4:3

Namar ka por kan jia, haba kin ym shahshkor ïa ka jinghikai bajanai; hynrei, haba ki don ki shkor ba-dait, kin ïakynton ha lade ïa ki nonghikai katba kum ki jingkwah brai jong ki hi;

2 PETROS 3:17

Namar kata, ma phi, ko hep ba-ieit, haba phi tip lypa ïa kine kiei kiei ruh, to da sumar noh, ïoh ba haba la rong noh lem ïa phi bad kata ka jingïaid sakma jong kita ki bymman, phin da hap noh na la ka jong ka jingneh skhem hi.

1 ÏOANNIS 4:1

Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.

JUDAH 1:4

Namar don kino kino ruh ki briew kiba la par sian shapoh, ïa kiba la kynthoh lypa la mynslem khnang sha kane ka jingpynrem, ki briew ki bymriewblei, kiba pynkylla ïa ka jingaiei U Blei jong ngi sha ka jingleh jakhlia, bad kiba len noh ïa U Jisu Khrist, uba long tang ma u hi U Kynrad bad U Trai jong ngi.

JINGPYNPAW 16:13

Bad nga la ïohi lai tylli ki mynsiem bymkhuid kum ki jakoid kiba mih na ka shyntur uta u ïakjakor, bad na ka shyntur uta u mrad khlaw, bad na ka shyntur uta u nongïathuhlypa balamler;

JINGPYNPAW 17:6

Bad nga la ïohi ïa kata ka briew ba ka buaid da ka snam jong kita ki riewkhuid, bad da ka snam kita ki nongphla ba shahïap jong U Jisu: Te haba nga la ïohi ïa ka, nga la sngewphylla da ka jingsngewphylla bakhraw.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.

JINGPYNPAW 20:10

Te ïa uta u Soitan uba shukor ïa ki la bred keiñ sha kata ka pung ka ding bad u kyndok, ha kaba ki don ruh uta u mrad khlaw bad uta u nongïathuhlypa balamler; bad yn pynkordit ïa ki, mynsngi bad mynmiet, sha ki bymjukut ki bymjukut.