MATHAÏOS 7:14 - KA BAIBL

¹⁴ Hynrei, A kaba khim kata ka khyrdop; A kaba wit ruh kata ka lynti kaba lam sha ka ban im! A ki long khyndiat ruh kiba shem ïa kata!

Khasi CL Bible (BSI)

¹⁴ Hynrei ka khyrdop sha ka jingim ka long kaba khim bad ka lynti kaba ïalam sha ka, ka long kaba eh, bad don khyndiat ki briew kiba shem ïa ka.

MATHAÏOS 7:14 Mawu Ofanana

SALM 16:11

Men pyni ha nga ïa ka lynti ka jingim: ha khmat jong me ka jingdap ka jingkmen ka don; ha ka kti kamon jong me ki don ki jingsngewbha junom junom.

PROBERB 8:20

Nga ïaid ha ka lynti ka hok, hapdeng ki lynti ïaid ka jingbishar:

ISAÏAH 30:21

bad ki shkor jong me kin ïohsngew ïa ka ktien hadien jong me, ka da ong, “Kane ka long ka lynti, to ïaid phi ha ka;” haba phi phai sha kamon, bad haba phi phai sha kadiang.

ISAÏAH 35:8

Te ka lynti bah kan long hangta, bad ka lynti, yn khot ïa ka ruh “Ka lynti ka jingkhuid;” kiba tngit kin ym ïaid halor jong ka; hynrei, kan long ïa kito: ki nongleit jingleit, shisha keiñ ki babieit, kin ym bakla ha ka.

ISAÏAH 57:14

Bad un ong, “To ïakynton, to ïakynton, to khreh ka lynti, to weng noh ka jingjynthut na ka lynti u paidlang jong nga.”

JEREMAÏAH 6:16

Kumne u ong U Trai, “To ïeng phi ha ki lynti bad to khmih, bad kylli shaphang ki lynti ïaid ki barim, ha kaba don kata ka lynti babha, bad to ïaid ha ka, bad phin shem kaba jahthait ïa ki mynsiem jong phi: hynrei, ki la ong, ‘Ngin ym ïaid ha ka.’

MATHAÏOS 20:16

Kumta, ki bakhatduh kin long shuwa, bad ki bashuwa kin long khatduh keiñ. Naba ki long shibun ïa kiba la khot, hynrei, khyndiat ba la jied.”

MATHAÏOS 22:14

Naba bun ki long ba la khot, hynrei, khyndiat ba la jied.”

MATHAÏOS 7:13

“To bsut lyngba ïa ka khyrdop bakhim: naba ka kylluid ka khyrdop, kaba jlan ruh ka lynti, kaba lam sha ka ban jot; bun ruh kiba ïabsut na kata.

MATHAÏOS 7:15

“To sumar na ki nongïathuhlypa balamler, kiba ïawan ha phi ha ki jaiñkup snieh langbrot, hynrei, hapoh ki long ki suri bapynjot.

MARKOS 8:34

Te haba U la khot ha U ïa u paidbah lem bad ki synran jong u, u la ong ha ki, “Jar uba mon ban wan bud nadien jong nga, ai ba un len ïa lade, bad un bah ïa la ka diengphna, bad un bud ïa nga:

LOUKAS 12:32

“To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

ÏOANNIS 16:2

Kin kyntait noh ïa phi na ki synagog; shisha ka por ka jia, ba uno uno ruh uba pynïap noh ïa phi, un mut ba u ainguh ha U Blei.

ÏOANNIS 16:33

Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

Ka Shithi U Paul Sha Ki Nong Rom 12:2

Bad to wat pynsyriem ryngkat ïa lade bad kane ka pyrthei; hynrei, to pynkylla dur noh ïa lade keiñ da ka jingpynthymmai ïa ka jingmut jong phi, khnang ba phin ïoh tip kaba kumno ka long ka mon ka jong U Blei, ka babha, bad kaba pynsngewbha eh, bad ka bajanai de.

Ka Shithi U Paul Sha Ki Nong Rom 9:32

Na ka balei? Naba kim shym la beh ïa ka, da ka jingngeit, hynrei, kumba da ki jingleh. Namar ki la jynthut ha uta u “maw ka jingjynthut;”