MATHAÏOS 6:4 - KA BAIBL

⁴ ba kata ka jingai isynei jong me kan ïoh long ha kaba rieh: bad U Kpa jong me uba ïohi ha kaba rieh un ai nong ha me ha kaba paw.”

Khasi CL Bible (BSI)

⁴ Te kan long ka kam kaba rieh. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

MATHAÏOS 6:4 Mawu Ofanana

SALM 139:12

ka jingdum hi kam buhrieh na me, hynrei, ka miet ka tyngshaiñ kum mynsngi: ka jingdum bad ka jingshai ki ïalong kumjuh ïa me.

SALM 17:3

Me la tynjuh ïa ka dohnud jong nga; me la wan-i ïa nga mynmiet; me la tynjuh ïit ïa nga, te mem shem ei ei; nga la thmu khnang ba ka shyntur jong nga kan ym palat.

SALM 44:21

hato, U Blei un ym wad noh ïa kata? naba u tip ïa ki jingbuhrieh ka dohnud.

PROBERB 25:22

naba men kynton ïa ki rnga ding barhem halor ka khlieh jong u, bad U Trai un ai nong ïa me.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

JEREMAÏAH 23:24

U lah uno uno ban buhrieh ïa lade ha ki jaka barieh ba ngan ym ïohi ïa u?” ong U Trai. “Nga ngam dap ïa ka bneng bad ïa ka khyndew,” ong U Trai.

MATHAÏOS 10:42

Bad uno uno ruh u ban ai dih tang shi khuri ka um khriat ïa uwei na kine ki barit, ha ka kyrteng u synran, shisha nga ong ha phi, un ym duh shuh la ka nong.”

MATHAÏOS 6:18

ba kumta men ym pynpaw ha ki briew ba me shah jingit, hynrei, ha U Kpa jong me uba ha kaba rieh; bad U Kpa jong me uba ïohi ha kaba rieh un ai nong ha me ha kaba paw.”

MATHAÏOS 6:3

Hynrei, me, haba me da leh ka jingai isynei, wat ai ba ka kti kadiang jong me kan tip aïu ba ka leh ka kti kamon jong me;

MATHAÏOS 6:6

Hynrei, me, haba me duwai, to leit rung sha la ka pulit, bad haba me la khang ïa la ka jingkhang, to kyrpad ïa U Kpa jong me uba ha kaba rieh; te U Kpa jong me uba ïohi ha kaba rieh un ai nong ha me ha kaba paw.

LOUKAS 14:14

kumta men long uba suk; namar kim don ei ei ruh ban siew kylliang ïa me; naba yn siew kylliang ïa me ha ka jingmihpat jong ki bahok.”

LOUKAS 8:17

Naba ym don ei ei ba la buhrieh, ïa kaba yn ym pynpaw; lymne ei ei kaba rieh, ïa ka ban ym tip bad ka ban ym paw.

1 KORINTH 4:5

Kumta te, phi wat bishar ei ei ruh ha bym pat poi ka Ïa, tad ynda U Trai un wan, u ban pynshai ïa kiei kiei ba la buhrieh jong ka jingdum, bad u ban pynpaw ruh ïa ki jingthmu jong ki dohnud: ynda kumta, uwei pa uwei un ïoh la ka jingïaroh na U Blei.

HEBRU 4:13

Bad ym don ka jingthaw ba khlem paw ha khmat jong u; hynrei, kiei kiei baroh ki long lyngkhuit bad kiba paw pyrshah ha ki khmat jong u, bad uba ngi ïadonkam.

JUDAH 1:24

Te ha uta uba lah ban ri kyndong ïa phi ba khlem jynthut, bad ban pynïeng ïa phi ba khlem pop ha khmat ka burom jong u ha ka jingkmen bakhraw eh,

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.