MATHAÏOS 6:25 - KA BAIBL

²⁵ “Namar kata, nga ong ha phi, wat khuslai ïa la ka jingim, kaei ba phin bam, lane kaei ba phin dih; lymne ïa ka met jong phi, kaei ba phin kup. Ka jingim kam long kaba kham kor ïa ka jingbam, ka met ruh ïa ka jaiñkup?

Khasi CL Bible (BSI)

²⁵ “Dei kane keiñ balei nga ong ïa phi ban ym khuslai shaphang ka jingbam bad ka jingdih kaba phi donkam ban im, lane shaphang ki jaiñ na ka bynta ka met jong phi. Nalor baroh, hato ka jingim kam kham kor shibun ban ïa ki jingbam? Hato ka met kam kham kor ban ïa ki jaiñ?

MATHAÏOS 6:25 Mawu Ofanana

SALM 55:22

To bred ïa la ka jingkit halor U Trai, te un shan ïa me: un ym shah ban pynkhih ïa u bahok lano lano ruh.

JEREMAÏAH 45:5

Te me wad ïa kiei kiei ki bakhraw na ka bynta ïa lade? wat wad ïa ki: namar ha khmih, ngan wallam ïa ka jingsniew halor ka doh baroh,’ ” ong U Trai: “hynrei, ïa ka jingim jong me ngan ai ha me kum ka jinglute ha ki jaka baroh kat sha kiba me leit.”

MATHAÏOS 10:19

Hynrei, ynda ki ïa-ai noh ïa phi, wat sngewkhuslai, kumno, lane kaei ba phin kren; naba yn ai ha phi ha kata ka por, ïa kaei ba phin kren.

MATHAÏOS 13:22

Uta te ïa uba la bet hapdeng ki dieng shiah, long uta uba ïohsngew ïa kata ka ktien; hynrei, ka jingkhuslai kane ka pyrthei, bad ka jingshukor ka spah, ki ïakjap ïa kata ka ktien, te kam sei soh shuh.

MATHAÏOS 6:31

Namar kata, wat khuslai, da kaba ong, ‘Kaei ba ngin bam?’ lane, ‘Kaei ba ngin dih?’ lane, ‘Kaei ba ngin kup?’

MATHAÏOS 6:34

“Namar kata, wat khuslai na ka bynta kaba lashai, naba kata kaba lashai kan khuslai na ka bynta la ka jong. Ïa ka sngi ka biang la ka jong ka basniew.”

MARKOS 13:11

Hynrei, ynda kin ïalam ïa phi bad kin ai noh ïa phi, wat sngewkhuslai lypa phi kaei ba phin kren, lymne wat puson lypa; hynrei, kaei kaei ruh ba yn ai ha phi ha kata ka por, ïa kata phin kren, naba phi phim long kiba kren, hynrei, U Mynsiem Bakhuid.

MARKOS 4:19

te ki jingkhuslai kane ka pyrthei, bad ka jingshukor ka spah, bad ki jingikwah eh shaphang kiwei kiwei de, haba ki ïaleit hapoh, ki ïakjap ïa kata ka ktien, te kam sei soh shuh.

LOUKAS 12:11

Te ynda kin ïalam ïa phi ha khmat ki synagog bad ki nongbishar bad ki nongsynshar, wat sngewkhuslai phi, kumno lane kaei ba phin ïasaid-da, lane kaei ba phin ong:

LOUKAS 8:14

Uta uba la hap hapdeng ki dieng Shiah te, long kita kiba ju ïohsngew, te katba ki nang pynleit la ki sngi ka rta, la kjap ïa ki da ki jingkhuslai bad ka spah, bad ki jingsngewbha kane ka jingim; te kim sei ki soh ki ba-ih bha.

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?

1 KORINTH 7:32

Te nga mon ba phin long kiba khlem jingkhuslai. Uta u bymshongkurim u ïaipynleit jingmut shaphang kita kiei kiei ruh ki jong U Trai, kumno un ïoh pynsngewbha ïa U Trai:

PHILIPPI 4:6

Wat khuslai ïa kaei kaei ruh; hynrei, ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ïa ki jingpan jong phi sha U Blei.

2 TIMOTHI 2:4

Ym don uba pynsuh sat ïa lade da kiei kiei ki jong kane ka jingim haba u leit ïaleh thma; khnang ba un ïoh pynsngewbha ïa uta uba la thung shipai ïa u.

1 PETROS 5:7

da kaba bred halor jong u ïa ka jingkhuslai jong phi baroh, naba u sumar sukher ma u shaphang jong phi.