MATHAÏOS 6:16 - KA BAIBL

¹⁶ “Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

Khasi CL Bible (BSI)

¹⁶ “Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:16 Mawu Ofanana

2 SAMUEL 12:16

U Dabid, namar kata, u la kyrpad ïa U Blei na ka bynta ita i khynnah; bad u Dabid u la shah jingit, bad u la leit, bad u la thiah ha khyndew baroh shi miet.

2 SAMUEL 12:21

Ynda kumta, ki shakri jong u ki la ong ha u, “Kaei kane ba me la leh? Katba i dang im i khynnah, me la shah jingit bad me la ïam na ka bynta jong i; hynrei, ynda i la ïap i khynnah, me la ïeng bad me la bam kpu.”

1 SYIEM 21:27

Te ynda u Ahab u la ïohsngew ïa kita ki ktien, u la kad ïa la ki jaiñ, bad u la kup jaiñ khain ha ka doh jong u, u la shah jingit ruh, bad u la thiah ha ka jaiñ khain, bad u la ïaid jar jar.

NEHEMAÏAH 1:4

Te haba nga la ïohsngew ïa kine ki ktien, nga la shong khop bad nga la ïam, bad nga la sngewsih bun sngi, bad nga la shah jingit, bad nga la duwai ha khmat U Blei ka bneng,

ESTHER 4:16

“Khie leit, ïalum lang ïa ki Jiw baroh kiba don ha Shushan, bad to ïashah jingit na ka bynta jong nga, bad wat bam lymne dih, lai sngi, mynmiet lane mynsngi: nga ruh bad ki 'thei samla jong nga ngin ïashah jingit kumjuh; bad kumta, ngan leit shapoh sha u syiem, ka bymlong katba kum ka aiñ: bad lada ngan ïap, ai ngan ïap.”

SALM 109:24

Ki khohsiew jong nga ki la sator da ka jingshah jingit; bad ka doh jong nga ka duh la ka khleiñ.

SALM 35:13

Hynrei, nga, mynba ki pang, ka jaiñkup jong nga ka la long da ka jaiñ khain: nga la pynshitom ïa la ka mynsiem da ka jingshah jingit; bad ka jingduwai jong nga ka wan phai noh sha la ka jong ka shadem.

SALM 69:10

Haba nga la ïam, bad nga la pynshitom ïa la ka mynsiem da ka jingshah jingit, kata ka la long ka jingkrenbeiñ ïa nga.

DANIEL 9:3

Bad nga la phai la ka khmat sha U Trai U Blei, ban wad da ka jingduwai bad ki jingkyrpad, lem bad kaba shah jingit, bad ka jaiñ byrni, bad ka dpei.

MALAKHI 3:14

Phi la ong, ‘Ka long kaba thala kaba shakri ïa U Blei: bad ka myntoi aïu ba ngi la sumar ïa ka hukum jong u, bad ba ngi la ïaid sngewsih ha khmat U Trai ki paid?

MATHAÏOS 6:1

“To sumar ban ym leh ïa ka babha jong phi ha khmat ki briew, khnang ba kin khmih ïa phi: lymda kumta, phim don nong ha U Kpa jong phi uba ha bneng.

MATHAÏOS 6:2

“Namar kata, haba me leh ka jingai isynei, wat put ka ronsing ha shuwa jong me, kumba leh ki nongarsap ha ki synagog bad ha ki lynti shnong, ba kin ïoh burom na ki briew. Shisha nga ong ha phi, ki la ïoh ïa la ka nong.

MATHAÏOS 6:5

“Haba me duwai ruh, wat long kum ki nongarsap: naba ki ieit ban ïeng kyrpad ha ki synagog bad ha ki dong ki lad, ba kin ïoh pynpaw ha ki briew. Shisha nga ong ha phi, ki la ïoh ïa la ka nong.

MARKOS 2:18

Te ki synran u Ïoannis bad ki jong ki Pharisi ki ïashah jingit: ki la wan te, bad ki la ong ha U, “Balei ba ki synran u Ïoannis bad ki jong ki Pharisi ki shah jingit, hynrei, ki synran jong me kim ïashah jingit?”

LOUKAS 18:12

Nga shah jingit ar sien shi taïew; nga ai kaba shiphew na kiei kiei baroh katba nga don.’

LOUKAS 2:37

Bad ka la sah riewkynthei jin phraphew saw snem), ka bym ju mih shuh na ka templ, hynrei da ki jingshah jingit bad ki jingduwai, ka da shakri ïa U Blei synñia sngi.

KI KAM 10:30

U Kornilios te u la ong, “Mynta la saw sngi haduh kane ka por, haba nga dang duwai ïa ka jingduwai kaba khyndai baje ha ka ïing jong nga, ha khmih, uwei u briew u la ïeng ha khmat jong nga ha ka jaiñkup baphyrnai,

KI KAM 14:23

Te ynda ki la thung ha ki, ki tymmen basan ha la ka balang balang baroh, bad ba ki la ïaduwai lem bad ka jingshah jingit, ki la ïa-aiti ïa ki ha U Trai ha uba ki la lah ngeit.

1 KORINTH 7:5

Wat ïashukor phi shi tnga lymda na kaba ïakut lem shi por, khnang ba phin ïoh aiti ïa lade ha kaba duwai, te to ïapoi lem pat hajuh, ba u Soitan un ym ïoh pynshoi ïa phi namar ka jingkwah awria jong phi.

2 KORINTH 11:27

ha ka jingtrei minot bad ka jingtrei shitom, ha ki jingbymïohthiah bunsien, ha ka jingthngan bad ka jingsliang, ha ki jingshah jingit bunsien, ha ka pjah bad ka jinglyngkhuit,

2 KORINTH 6:5

ha ki jingsympat, ha ki jingset byndi, ha ki jingkhihwin, ha ki jingtrei minot, ha ki jingbymïohthiah, ha ki jingshah jingit;