MATHAÏOS 6:13 - KA BAIBL

¹³ To wat ïalam ïa ngi sha ka jingpynshoi ruh, hynrei, sumar ïa ngi na ka basniew. Naba ka jong me long ka hima, bad ka bor, bad ka burom ruh, ha la ka rta: Amen.

Khasi CL Bible (BSI)

¹³ Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

MATHAÏOS 6:13 Mawu Ofanana

JENESIS 22:1

Bad ka la jia hadien kine kiei kiei ruh, ba U Blei u la tynjuh ïa u Abraham, bad u la ong ha u, “Ko Abraham”: bad u la ïathuh, “Ha khmih, ma nga.”

1 SYIEM 1:36

Te u Benaïah u khun u Jehoïada u la ïathuh ha u syiem, u da ong, “Amen: U Trai, U Blei jong u kynrad jong nga u syiem, un ong kumta.

1 KHRONIKL 16:36

To long ba la kyrkhu ïa U Trai, U Blei ki Israel, naduh bymjukut shaduh bymjukut.” Bad u paidbah baroh u la ong, “Amen,” bad ki la ïaroh ïa U Trai.

1 KHRONIKL 29:11

Ka jong me, A Trai, long ka jingkhraw, bad ka bor, bad ka burom, bad ka jinglah, bad ka jinglong syiem: naba baroh kaba don ha bneng bad ha ka khyndew ka long ka jong me; ka jong me long ka hima, A Trai, bad la kyntiew ïa me kum u khlieh halor baroh.

1 KHRONIKL 4:10

Bad u Jabes u la kyrpad ha U Blei u Israel, u da ong, “A ban da men kyrkhu ïa nga da shisha, bad ba men pynkylluid ïa ka pud jong nga, bad ba ka kti jong me kan long lem bad nga, bad ba men sumar ïa nga na ka basniew, ba kan ym long ka jingsngewsih ïa nga!” Bad U Blei u la ai ha u, ïa kata kaba u la pan.

SALM 10:16

U Trai u long syiem junom junom: ki jaid bynriew ki la ïap duh noh na ka ri jong u.

SALM 106:48

Long ba la kyrkhu ïa U Trai, U Blei ki Israel, naduh bymjukut haduh bymjukut. Bad to u paidbah baroh un ong, “Amen.” To ïaroh ïa U Trai.

SALM 22:28

Naba ka hima ka long ka jong U Trai: bad u long nongsynshar ma u halor ki jaid bynriew.

SALM 41:13

Long ba la kyrkhu ïa U Trai, U Blei ki Israel, naduh bymjukut haduh bymjukut, Amen, bad Amen.

SALM 47:2

Naba U Trai U Bahakhlieh Tam u long uba itieng; u long U Syiem bakhraw halor ka khyndew baroh.

SALM 47:7

Naba U Blei u long U Syiem ka khyndew baroh: to rwai ki jingïaroh da ka jingshemphang.

SALM 72:19

bad to long ba la kyrkhu ïa ka kyrteng ba-donburom jong u junom; bad to ai ban pyndap ïa ka khyndew baroh da ka burom jong u. Amen, bad Amen.

SALM 89:52

To long ba la kyrkhu ïa U Trai junom. Amen, bad Amen.

EKSODOS 15:18

U Trai un synshar ha la ka rta.”

PROBERB 30:8

to pynkynriah sha jngai na nga ïa ka jingthala bad ki jinglamler: wat ai ïa nga lymne ka jingkyrduh lymne ka spah; to bsa ïa nga da ka jingbam kat ban biang ïa nga:

JEREMAÏAH 15:21

“Bad ngan pyllait ïa me na ka kti jong ki bymman, bad ngan siewspah ïa me na ka kti jong kiba itriem.”

JEREMAÏAH 28:6

u Jeremaïah u nongïathuhlypa keiñ u la ong, “Amen! to U Trai un leh kumta; to U Trai un pyndep ïa kita ki ktien jong me kiba me la ïathuhlypa, kat ban wallam pat ïa ki khiew ki pliang ka ïing U Trai, bad ïa kita baroh kiba na ka jinglongmraw, na Babilon sha kane ka jaka.

DANIEL 4:25

ba yn beh noh ïa me na ki briew bad ka jaka shong jong me kan long ryngkat bad ki mrad khlaw, bad yn pynbam phlang ïa me kum ki masi dab, bad yn synreit ïa me da ka umjer bneng, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.

DANIEL 7:18

Hynrei, ki riewkhuid jong U Bahakhlieh Tam Eh kin ïoh ïa kata ka hima, bad kin shim ïa kata ka hima ha la ka rta, jin ha la ka rta, ha la ka rta hi.’

JINGKHEIÑ 5:22

to ai ruh ba kane ka um kaba pynlong ïa kata ka jingtim, kan leit hapoh ki snier jong pha, ïa ka ban pyn-at ïa ka kpoh jong pha, bad ïa ka ban pynpyut ïa ka lbong jong pha:’ To ai ruh ba kata ka briew kan ong, ‘Amen, Amen.’

MATHAÏOS 26:41

To sharai, to duwai ruh, ba phin ym leit shapoh ka jingpynshoi. Ka mynsiem shisha ka smat, hynrei, ka doh ka tlot.”

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

MATHAÏOS 5:37

Hynrei, ka ktien jong phi to ai ba kan long kaba, ‘Ho-oid, Ho-oid’; kaba, ‘Em, Em’: naba, kaba tam na kita ka long na ka basniew.”

MATHAÏOS 6:10

Wan ka hima jong me. Long ka mon jong me ha ka khyndew, kumba ha bneng.

ÏOANNIS 17:15

Ngam duwai ba men shim noh ïa ki na kata ka pyrthei, hynrei, ba men sumar ïa ki na u bymman.

1 KORINTH 10:13

Ka jingtynjuh kam shym la ngat ha phi, hynrei, tang kaba u briew u lah ban shah; hynrei, U Blei u long uba lah ban shaniah, u ban ym shah ba yn tynjuh ïa phi tam ïa kata ïa kaba phi lah, hynrei, ryngkat bad kata ka jingtynjuh un thaw ruh bad ïa ka lad ban lait, khnang ba phi lah ban shah ïa ka.

1 KORINTH 14:16

Lym kumta, haba men nguh da ka mynsiem, hato kumno uta uba ïeng ha ka jaka u bymnang un ong “Amen” ha kata ka jingainguh jong me, haba um tip ïa kaei ba me ong?

2 KORINTH 1:20

Namar ki jingkular U Blei katba don, ki long ha u kaba ho-oid, bad ha u kaba Amen, ïa ka ban pyndonburom ïa U Blei da ngi.

GALATIA 1:4

uba la aiti noh ïa lade namar ki pop jong ngi, ba un ïoh pyllait noh ïa ngi na kane ka pyrthei basniew kaba mynta, katba kum ka mon U Blei bad U Kpa jong ngi:

DEUTERONOMI 8:16

uba la bsa ïa me ha kata ka ri khlaw da ka manna, ïa kaba ki kpa jong me kim ju tip; ba un ïoh pynrit ïa me, bad ba un ïoh tynjuh ïa me, khnang keiñ bad leh bha ïa me ha ka bakut jong me;

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

1 THESSALONI 1:10

bad ban khmih lynti ïa U Khun jong u na bneng, ïa uba u la pynmih pat na ki baïap, U Jisu keiñ, uba pyllait ïa ngi na kata ka jingbitar ka ban sa wan.

2 THESSALONI 3:3

Hynrei, U Trai u long uba ïaineh, u ban pynskhem ïa phi, bad u ban ri kyndong ïa phi na uta u bymman.

1 TIMOTHI 1:17

Te ha U Syiem Bymjukut, u bym ju ïap, u bym lah ïohi, uba U Blei tang ma u hi, to long ka burom bad ka jingpyndonburom ha la ka rta. Amen.

HEBRU 11:36

hynrei, kiwei pat ki la ïoh ka jingtynjuh da ki jingrkhiebeiñ sat bad ki jingsympat, shisha nalor kata, da ki jingkhum bad ka jingset byndi:

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

2 PETROS 2:9

U Trai u nang ban knieh kynthet noh ïa kiba riewblei na ka jingpynshoi, bad ban rakhe ïa ki bymhok ïa ka sngi ka jingbishar ban pynshitom ïa ki.

1 ÏOANNIS 3:8

Jar uba ïai-leh ïa ka pop u long na u Soitan; naba uta u Soitan u ju leh pop naduh kaba mynnyngkong. Ïa kane khnang, la pynpaw ïa U Khun U Blei, ba un ïoh pynjot noh ïa ki jingleh jong uta u Soitan.

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

JINGPYNPAW 19:1

Te hadien kine kiei kiei ruh, nga la ïohsngew kum ka ktien bajam u paidbah byllien ha bneng, ka da ong, “Halleluïa! Ka Jingpynim, bad ka burom, bad ka bor, ki long ki jong U Blei jong ngi!

JINGPYNPAW 19:4

Bad kita ki arphew saw ngut ki tymmen basan bad kita ki saw ki jingthaw ba-im ki la ïahap dem bad ki la ïamane ïa U Blei u bashong halor kata ka khet, ki da ïa-ong, “Amen; Halleluïa!”

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.

JINGPYNPAW 21:4

te U Blei un ñiad noh ïa ka jingjaw ummat baroh na ki khmat jong ki; bad ka jingïap kan ym long shuh, lymne ka jingsngewsih, lymne ka jingïam, lymne ka jingpang, kan ym long shuh: kita kiei kiei kiba mynshuwa ki la leit noh.”

JINGPYNPAW 3:10

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.

JINGPYNPAW 3:14

“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei:

JINGPYNPAW 5:13

Bad ïa ka jingthaw baroh kaba don ha bneng, bad halor ka khyndew, bad shapoh ka khyndew, bad ha ka duriaw, bad kiei kiei baroh kiba ha kita, nga la ïohsngew haba ki ong, “Ha uta uba shong halor kata ka khet, bad ha uta U Khun langbrot, to long ka jingkyrkhu, bad ka jingpyndonburom, bad ka burom, bad ka bor, sha ki bymjukut ki bymjukut!”