MATHAÏOS 6:10 - KA BAIBL

¹⁰ Wan ka hima jong me. Long ka mon jong me ha ka khyndew, kumba ha bneng.

Khasi CL Bible (BSI)

¹⁰ ai ba ka Hima jong me kan wan; ai ba ka mon jong me yn leh ha ka khyndew kumba ka long ha bneng.

MATHAÏOS 6:10 Mawu Ofanana

NEHEMAÏAH 9:6

“Me long U Trai, tang ma me hi; me la thaw ïa ka bneng, ka bneng jong ki bneng, bad ki paidbah jong ki baroh, ïa ka khyndew bad kiei kiei baroh katba don ha ka, ïa ki duriaw bad baroh katba don ha ki, bad me kyrshan ïa ki baroh; bad u paidbah bneng u mane ïa me.

SALM 2:6

“Pynban, nga la thung ïa la u syiem halor ka Seïon, u lum bakyntang jong nga.”

SALM 40:8

Nga sngewbha ban leh ïa ka mon jong me, A U Blei jong nga; bad ka hukum jong me ka don ha ka dohnud jong nga.”

ISAÏAH 2:2

Te kan long ha ki sngi bakhatduh, ba yn pynskhem ïa u lum ka ïing U Trai ha kliar ki lum bah, bad yn pynkyntiew halor ki lum rit; bad ki jaid bynriew baroh kin tuid sha ka.

JEREMAÏAH 23:5

“Ha khmih, ki sngi kin wan,” ong U Trai, “ba ngan pynmih ha u Dabid ïa U Tnat u bahok, te un synshar kum u syiem bad un leh stad, bad un leh ïa ka jingbishar bad ïa ka hok ha ka ri.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 4:35

bad ïa ki briew baroh jong ka khyndew ym shym kheiñ ei ei: bad u leh katba u mon ha u paidbah jong ka bneng, bad hapdeng ki briew jong ka khyndew: bad ym don ba lah ban pynsangeh ïa ka kti jong u, lane ong ha u, ‘Me leh aïu?’

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

DANIEL 7:27

Te ïa kata ka hima bad ïa ka jingsynshar, bad ïa ka jingkhraw jong kita ki hima hapoh ka bneng baroh, yn aiti noh ha ki briew jong kita ki riewkhuid ki jong U Bahakhlieh Tam Eh: ka hima jong u ka long ka hima bymjukut, bad ki jingsynshar baroh kin shakri bad kin kohnguh ïa u.’

SEKHARAÏAH 9:9

“To leh kmen shikatdei, ko ka khun Seïon; to risa, ko ka khun Jerusalem: ha khmih, u syiem jong pha u wan ha pha: u long u bahok, bad uba don ka jingpynim; uba leh rit, bad uba shong halor u kadda, halor u khun kadda jong ka kadda keiñ.

MATHAÏOS 12:50

Naba uno uno ruh u ban leh ïa ka mon U Kpa jong nga uba ha bneng, uta keiñ u long u para jong nga bad ka para bad ka kmie de.”

MATHAÏOS 16:28

Shisha nga ong ha phi, don kiba ïeng hangne ki ban ym mad ïa ka jingïap, tad ynda ki la ïohi ïa U Khun u briew ba u wan ha ka hima jong u.”

MATHAÏOS 26:42

Te ha ka ba-ar sien pat u la leit noh, bad u la duwai, u da ong, “Ko Kpa jong nga, lada ym don lad ïa kane ka khuri ban lait noh na nga lymda nga dih ïa ka, to long ka mon jong me.”

MATHAÏOS 3:2

u da ong, “To kylla-ka-bamut; naba ka hima ki bneng ka la jan.”

MATHAÏOS 4:17

Naduh kata, U Jisu u la sdang ban ïalap, bad ban ong, “To kylla-ka-bamut; naba ka hima ki bneng ka la jan.”

MATHAÏOS 7:21

“Ym u briew baroh uba ong ha nga, ‘A Trai, A Trai’, u ban ïoh leit hapoh ka hima ki bneng; hynrei, uta keiñ uba leh ïa ka mon U Kpa jong nga uba ha bneng.

MARKOS 11:10

Long kaba la kyrkhu kata ka hima kaba wan, ka hima ka jong u Dabid u kpa jong ngi keiñ. Hosanna ha kiba jrong tam eh.”

MARKOS 3:35

naba uno uno ruh u ban leh ïa ka mon U Blei, uta keiñ, u long u para jong nga bad ka para jong nga, bad ka kmie de.”

LOUKAS 19:11

Te haba ki dang shahshkor ïa kine kiei kiei ruh, u la nang kren nang kren ïa ka pharshi, naba u la hajan Jerusalem, bad ba ki ïamut ba ka hima U Blei kan sa paw kumne kumne ruh.

LOUKAS 19:38

ki da ong, “Long ba la kyrkhu ïa U Syiem uba wan ha ka kyrteng U Trai! ka jingsuk ha bneng, bad ka burom ha kiba jrong tam eh.”

LOUKAS 22:42

u da ong, “Ko Kpa, lada me mon to pynphai noh ïa kane ka khuri na nga: hynrei, ym ïa ka mon jong nga, hynrei, ïa ka jong me, yn leh.”

ÏOANNIS 4:34

U Jisu u ong ha ki, “Ka jingbam jong nga, ka long ba ngan ïoh leh ïa ka mon ka jong uta uba la phah ïa nga, bad ba ngan ïoh pyndep ïa ka kam jong u.

ÏOANNIS 6:40

Namar kane ka long ka mon U Kpa jong nga, ba u briew baroh uba ïohi ïa U Khun bad uba ngeit ha U, un ïoh ka jingim bymjukut, bad ba ngan pynmih pat ïa u ha ka sngi ka bakhatduh.”

ÏOANNIS 7:17

lada uno uno ruh u mon ïa ka ban leh ïa ka mon jong u, un ïoh shemphang shaphang kata ka jinghikai, lada ka long na U Blei, lane nga, nga kren na lade:

KI KAM 13:22

Te ynda u la pynduh syiem ïa u, u la pynmih ïa u Dabid ban long u syiem jong ki, ïa uba u la phla ruh bad u la ong, ‘Nga la shem ïa u Dabid u khun u Jesse, u briew uba kum ka dohnud jong nga, u ban leh ïa ka mon jong nga baroh.’

KI KAM 21:14

Te haba um kohnguh, ngi la keiñ noh, da kaba ong, “Ïa ka mon U Trai yn leh.”

KI KAM 22:14

U la ong ruh, ‘U Blei ki kpa jong ngi u la thung ïa me ban tip ïa ka mon jong u, bad ban ïohi ïa uta U Bahok, bad ban ïohsngew ïa ka ktien na ka shyntur jong u.

Ka Shithi U Paul Sha Ki Nong Rom 12:2

Bad to wat pynsyriem ryngkat ïa lade bad kane ka pyrthei; hynrei, to pynkylla dur noh ïa lade keiñ da ka jingpynthymmai ïa ka jingmut jong phi, khnang ba phin ïoh tip kaba kumno ka long ka mon ka jong U Blei, ka babha, bad kaba pynsngewbha eh, bad ka bajanai de.

EPHESOS 6:6

ym da kaba shakri ha khmat, kum ki nongpynsngewbha ïa ki briew; hynrei, kum ki shakri U Khrist, da kaba leh ïa ka mon U Blei naduh ka mynsiem;

KOLOSSAI 1:13

uba la pyllait ïa ngi na ka bor jong ka jingdum, bad uba la pynkynriah noh ïa ngi sha ka hima jong U Khun ka jingieit jong u;

KOLOSSAI 1:9

Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh,

1 THESSALONI 4:3

Namar kane ka long ka mon U Blei, ka jingpynkhuid ïa phi keiñ, ba phi kyndiah noh na kaba klim;

1 THESSALONI 5:18

Ha kaei kaei baroh to phin ai ka jingnguh: namar kane keiñ, ka long ka mon U Blei ha U Khrist Jisu sha phi.

HEBRU 1:14

Hato kita baroh kim long ki mynsiem bashakri, ïa kiba la phah noh ïa ka ban shakri na ka bynta kita ki ban sa ïoh ïa ka jingpynim?

HEBRU 10:36

Namar phi donkam ïa ka jingïaishah, ba haba phi la ïoh leh ïa ka mon U Blei, phin ïoh pdiang ïa kata ka jingkular.

HEBRU 10:7

Ynda kumta, nga la ong: ‘Ha khmih, nga la wan (ha ka jingkhylliap ka kitab la thoh shaphang jong nga) ïa ka ban leh, A Blei, ïa ka mon jong me.’ ”

HEBRU 13:21

un pynjanai ïa phi ha ka jingleh babha baroh, ïa ka ban leh ïa ka mon jong u, da kaba trei ha phi ïa kata kaba pynsngewbha eh ha khmat jong u, da U Jisu Khrist; ha uba to long ka burom sha ki bymjukut ki bymjukut: Amen.

1 PETROS 2:15

Naba kumta keiñ, ka long ka mon ka jong U Blei, ba da kaba ïai-leh babha phin pynsngap noh jar ïa kata ka jingbymtip jong ki briew babieit;

1 PETROS 4:2

khnang ba ha kiba dang sah na ki sngi ka rta jong phi ha ka doh, phin ym im shuh ha ki jingkwah brai ki briew, hynrei, ha ka mon U Blei.

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

JINGPYNPAW 12:10

Bad nga la ïohsngew ïa ka ktien bajam ha bneng, kaba ong, “Mynta la wan jia kata ka jingpynim bad kata ka bor, bad kata ka hima U Blei jong ngi bad kata ka bor synshar uta U Khrist jong u: naba la shop noh arsut ïa uta u nongmudui ïa ki parabangeit jong ngi, uba shait mudui ïa ki ha khmat U Blei jong ngi mynsngi bad mynmiet.

JINGPYNPAW 19:6

Bad nga la ïohsngew kum ka jingsawa u paidbah byllien, bad kum ka jingsawa shibun ki um, bad kum ka jingsawa ki pyrthat bajam, ki da ong, “Halleluïa! naba U Trai uba U Blei jong ngi, U Badonbor Baroh, u la synshar.

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.