MATHAÏOS 5:4 - KA BAIBL

⁴ “Suk ki basngewsih: naba yn pyntngen ïa ki.

Khasi CL Bible (BSI)

⁴ Suk kito kiba sngewsih; U Blei un pyntngen ïa ki!

MATHAÏOS 5:4 Mawu Ofanana

ISAÏAH 12:1

Te ha kata ka sngi men ong, “Ngan ainguh ïa me, A Trai; namar la me la sngewbitar ïa nga, ïa ka jingbitar jong me la pynphai noh, bad me pyntngen ïa nga.

ISAÏAH 25:8

U la nguid tylli ïa ka jingïap junom; te U Trai U Blei un ñiad noh ïa ki ummat na ki khmat baroh; bad ka jingkrenbeiñ ïa u paidlang jong u, un shim noh na ka khyndew baroh: namar U Trai u la kren ïa ka.

ISAÏAH 30:19

Namar u paidlang un shong ha Seïon ha Jerusalem: men ym ïam shuh; da shisha un leh sbun ïa me ha ka jingsawa ka jingkyang jong me; ynda u ïohsngew, un phai ktien ïa me.

ISAÏAH 35:10

te kiba la siewspah jong U Trai kin wan phai, bad kin wan lem bad ki jingrwai sha Seïon; ka jingkmen bymjukut ruh kan long halor ki khlieh jong ki: kin ïoh ka jingsngewbha bad ka jingkmen, ka jingsngewsih ruh bad ka jingud kin phet noh.

ISAÏAH 57:18

Nga la ïohi ïa ki lynti jong u, te ngan pynkhiah ïa u: ngan ïalam ruh ïa u, bad ngan ai pat ki jingtngen ha u, bad ha kiba ïambriew jong u.

ISAÏAH 66:10

“To shadkmen bad ka Jerusalem, bad to leh kmen namar jong ka, phi kiba ieit ïa ka baroh: to shadkmen bad ka namar kaba kmen, phi baroh kiba ïam na ka bynta jong ka:

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

ESEKIEL 7:16

Hynrei, kita kiba ïohlait na ki, kin ïohlait bad kin long halor ki lum kum ki lyngdkhur ki them, baroh ki ïaïambriew, uwei uwei na ka bynta la ka jingbymhok.

ESEKIEL 9:4

Bad U Trai u la ong ha u, “To ïaid lyngba kata ka nongbah, lyngba ka Jerusalem, bad to buh ka dak halor ki shyllangmat jong kita ki briew kiba ud bad kiba lynñiar namar ki jingijli baroh kiba la leh hapdeng jong ka.”

SEKHARAÏAH 12:10

“Te ngan theh buk buk halor ka ïing u Dabid, bad halor ki nong Jerusalem, ïa ka mynsiem ka jingaiei bad ka jingkyrpad; bad kin khmih ha nga ïa uba ki la sum; bad kin ïambriew ïa u, kumba uno uno u ïambriew ïa la u khun marwei, bad kin sngewkthang namar jong u, kumba uno uno u sngewkthang namar uba la kha nyngkong jong u.

LOUKAS 16:25

Te u Abraham u la ïathuh, ‘A khun, to kynmaw ba ma me katba me dang im, me la ïoh pdiang ïa kiei kiei ki babha ki jong me, kumjuh ruh u Lasaros ïa kiei kiei ki basniew; hynrei, mynta hangne ïa u la pyntngen, ïa me te la pynkordit.

LOUKAS 6:21

“Suk ma phi kiba shah thngan mynta; naba yn pynkdang ïa phi. Suk ma phi kiba ïam mynta; naba phin rkhie.

LOUKAS 6:25

“Kordit ïa phi, kiba la dap mynta! naba phin thngan. Kordit ïa phi, kiba rkhie mynta! naba phin sngewsih bad phin ïam de.

LOUKAS 7:38

haba ka la ïeng ruh hajan ki kjat jong U na shadien, ka da ïam, ka la sdang ban sait ïa ki kjat jong U da la ki jingjaw ummat, bad ka la ñiad da u 'ñiuh khlieh jong ka; bad ka la doh ïa ki kjat jong U, bad ka la pynsleh ïa ki da kata ka jingsleh.

LOUKAS 7:50

Te U la ong ha kata ka briew, “Ka jingngeit jong pha ka la pynim ïa pha; to khie leit ha kaba suk.”

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JINGPYNPAW 21:4

te U Blei un ñiad noh ïa ka jingjaw ummat baroh na ki khmat jong ki; bad ka jingïap kan ym long shuh, lymne ka jingsngewsih, lymne ka jingïam, lymne ka jingpang, kan ym long shuh: kita kiei kiei kiba mynshuwa ki la leit noh.”