MATHAÏOS 4:3 - KA BAIBL

³ Te haba uta u nongpynshoi u la wan ha U, u la ong, “Lada me long U Khun U Blei, to hukum ïa kine ki maw ba kin long ki kpu.”

Khasi CL Bible (BSI)

³ Te u Soitan u la wan ha U bad u la ong, “Lada me long U Khun U Blei, hukum ïa kine ki maw ban kylla kpu.”

MATHAÏOS 4:3 Mawu Ofanana

EKSODOS 16:3

bad ki khun Israel ki la ïa-ong ha ki, “A ban da ngi, ngi la ïap da ka kti U Trai ha ka ri Ijipt, mynba ngi la ïashong hajan ki khiew doh, mynba ngi la ïabam ïa u kpu ha ban da kdang; naba phi la wallam noh ïa ngi ha kane ka ri khlaw, ban pynïap ïa une u paidbah baroh da ka jingthngan.”

MATHAÏOS 14:33

Te kita kiba ha kata ka lieng ki la mane dem ïa u, ki ïa-ong, “Shisha me uba U Khun U Blei.”

MATHAÏOS 16:16

U Simon Petros u la ïathuh bad u la ong, “Me long U Khrist, U Khun U Blei ba-im.”

MATHAÏOS 26:63

Hynrei, U Jisu u la shu sngap. Te u rangbah lyngdoh u da ïathuh u la ong ha U, “Nga pynsmai ïa me ha U Blei U Ba-im, ba men ïathuh ha ngi, la me long uba U Khrist, U Khun U Blei!”

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

MARKOS 1:1

Kaba sdang ka gospel U Jisu Khrist, U Khun U Blei.

MARKOS 3:11

Ki mynsiem bymkhuid ruh, haba ki la ïohi ïa u, ki la dem khrup ha khmat jong u, bad ki la ïapyrta, ki da ong, “Me long U Khun U Blei!”

MARKOS 5:7

bad u la lynñiar da ka ktien bajam bad u la ong, “Me donkam aïu bad nga, ko Jisu, U Khun U Blei U Bahakhlieh Tam Eh? Nga pynsmai ïa me da U Blei, ba men ym pynshitom ïa nga.”

LOUKAS 1:35

Uta u angel te u da ïathuh u la ong ha ka, “U Mynsiem Bakhuid un wan ha pha, bad ka bor U Bahakhlieh Tam Eh kan kah halor jong pha; namar kata ruh, ïa ita i bakhuid ïa iba yn kha, yn khot ‘U Khun U Blei’;

LOUKAS 22:70

Te ki la ïa-ong baroh, “Haba kumta me long U Khun U Blei?” U te u la ïathuh ha ki, “Phi ong ba nga long.”

LOUKAS 4:3

U Soitan u la ong te ha U, “Lada me long U Khun U Blei, to ong ha une u maw ba un long kpu.”

LOUKAS 4:41

Ki ksuid ruh de ki la mih noh na kiba bun, ki da pyrta jam, ki da ong ruh, “Me long U Khrist U Khun U Blei.” Hynrei, haba u la sneng ïa ki, um shah ïa ki ban kren, naba ki la tip ba u long U Khrist.

LOUKAS 4:9

Te u la ïalam noh ïa U sha Jerusalem, bad u la pynïeng ïa U halor ka dong ka templ, bad u la ong ha U, “Lada me long U Khun U Blei, to pynnoh ïa lade nangne;

ÏOANNIS 1:34

Te nga la ïohi, bad nga la phla ba une U long U Khun U Blei.”

ÏOANNIS 1:49

U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!”

ÏOANNIS 20:31

hynrei, la thoh ïa kine kiei kiei ruh, ba phin ïoh ngeit ba U Jisu u long uta U Khrist, U Khun U Blei; bad ba haba da ngeit, phin ïoh ka jingim ha ka kyrteng jong u.

ÏOANNIS 9:35

U Jisu u la ïohsngew ba ki la shop noh ïa u shabar; haba U la shem te ïa u, U la ong ha u, “Me ngeit ha U Khun U Blei?”

KI KAM 9:20

Te kumne kumne ruh u la ïalap ïa U Khrist ha ki synagog, ba u long U Khun U Blei.

2 KORINTH 1:19

namar U Jisu Khrist U Khun U Blei, ïa uba la ïalap hapdeng jong phi da ngi, da nga bad da u Silbanos bad da u Timothi keiñ, um shym long “Ho-oid” bad “Em”, hynrei, ha u ka long kaba ho-oid.

GALATIA 2:20

La sahnarphna ïa nga lem bad U Khrist: pynban, nga im; hynrei, ym ma nga shuh, hynrei, U Khrist keiñ u im ha nga: bad kata kaba nga im mynta ha ka doh nga im da ka jingngeit keiñ kaba ha U Khun U Blei, uba la ieit ïa nga, bad uba la aiti noh ïa lade na ka bynta jong nga.

1 THESSALONI 3:5

Nga ruh na ka bynta kane, haba ngam lah shah shuh, nga la phah ïa ka ban tip ïa ka jingngeit jong phi, ïoh ba kumno kumno uta u nongpynshoi u la pynshoi ïa phi, bad kata ka jingtrei minot jong ngi kan long lehnohei.

HEBRU 12:16

ïoh ba don uno uno ruh uba klim, lane uba leh beiñ niam, kum u Iso, uba, namar kaba shi sien bam jingbam u la die noh ïa ka jinglong hynmen jong u hi.

HEBRU 4:14

Namar kata, haba ngi don U Rangbah lyngdoh Bakhraw uba la leit lyngba ïa ki bneng, U Jisu U Khun U Blei, to ngin ïabat skhem ïa la ka jingphla.

HEBRU 7:3

uba khlem kpa, uba khlem kmie, uba khlem jinghiar pateng, u bymdon ka jingsdang ki sngi, lymne ka jingkut ka jingim, hynrei, ïa uba la pynlong syriem ïa U Khun U Blei), u ïaisah u lyngdoh bymjukut.

1 ÏOANNIS 3:8

Jar uba ïai-leh ïa ka pop u long na u Soitan; naba uta u Soitan u ju leh pop naduh kaba mynnyngkong. Ïa kane khnang, la pynpaw ïa U Khun U Blei, ba un ïoh pynjot noh ïa ki jingleh jong uta u Soitan.

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.