MATHAÏOS 28:5 - KA BAIBL

⁵ Hynrei, uta u angel u da ïathuh u la ong ha kita ki kynthei, “To wat sheptieng phi; naba nga tip ba phi ïawad ïa U Jisu ïa uba la sahnarphna:

Khasi CL Bible (BSI)

⁵ U angel u la kren ha ki kynthei. “Phim dei ban sheptieng,” u la ong. “Nga tip phi ïawad ïa U Jisu, uba la shah sahnarphna.

MATHAÏOS 28:5 Mawu Ofanana

ISAÏAH 35:4

To ong ha kita kiba ka dohnud ka sheptieng, “To long skhem, wat sheptieng: ha khmih, U Blei jong phi un wan lem bad ka jingpynhiar kput, lem bad ka jingleh kylliang U Blei; un wan bad un pynim ïa phi.”

ISAÏAH 41:10

to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 41:14

Wat sheptieng, me u Jakob uba kum u khñiang, bad phi ki rangbah Israel; nga ngan ïarap ïa me, ong U Trai, U Nongsiewspah jong me, uta U Bakhuid jong ki Israel.

DANIEL 10:12

Ynda kumta, u la ong ha nga, “To wat sheptieng, ko Daniel; namar naduh kata ka sngi ka banyngkong ha kaba me la buh ïa la ka dohnud ban sngewthuh, bad ban pyndem ïa lade ha khmat U Blei jong me, la sngew ïa ki ktien jong me: bad na ka bynta ki ktien jong me nga la wan.

DANIEL 10:19

Bad u la ong, “A u briew ïa uba la ieit eh, to wat sheptieng: to long ka jingsuk ïa me, to long uba khlaiñ, shisha, to long uba khlaiñ.” Te ynda u la kren ha nga, la pynkhlaiñ ïa nga, bad nga la ong, “To u kynrad jong nga un kren; namar me la pynkhlaiñ ïa nga.”

MATHAÏOS 14:27

Hynrei, U Jisu kumne kumne ruh u la kren ha ki, u da ong, “To sngewshlur; dei ma nga; to wat sheptieng.”

MATHAÏOS 28:10

Ynda kumta, U Jisu u la ong ha ki, “To wat sheptieng! to khie leit noh, to ïathuh ha ki para jong nga, ba kin leit sha Galilaïa, hangta ruh kin ïohi ïa nga.”

MATHAÏOS 28:4

Na kaba sheptieng te ïa u, kita ki nongap ki la kyiuh, bad ki la long kum ki baïap.

MARKOS 16:6

U te u la ong ha ki, “Wat sheptieng; phi wad ïa U Jisu uba na Nasaret, ïa uba la sahnarphna? U la mihpat, um don hangne: ha khmih ka jaka ha kaba ki la ïabuh ïa U.

LOUKAS 1:30

Uta u angel u la ong te ha ka, “To wat sheptieng, ko Mari; naba pha la shem ka jingaiei bad U Blei:

LOUKAS 24:5

Te katba ki la ïasheptieng, bad ba ki la ïa-pyndem la ki khmat sha khyndew, ki la ong ha ki, “Balei phi wad ïa u ba-im hapdeng ki baïap?

KI KAM 2:24

ïa uba U Blei u la pynmih pat, da kaba u la law noh ïa ki jingkhum ka jingïap; namar kam lah long ban bat ma ka, ïa u.

HEBRU 1:14

Hato kita baroh kim long ki mynsiem bashakri, ïa kiba la phah noh ïa ka ban shakri na ka bynta kita ki ban sa ïoh ïa ka jingpynim?