MATHAÏOS 28:2 - KA BAIBL

² Ha khmih ruh, la khih jumai bakhraw; naba u angel U Trai u la lah hiar na bneng, bad haba u la wan u la pyntyllun noh ïa uta u mawkhang, bad u la shong halor jong u.

Khasi CL Bible (BSI)

² Kynsan kynsan la don ka jingkhih jumai kaba jur; u angel U Trai u la wan hiar na bneng, u la pyntyllun ïa u maw, bad u la shong halor jong u.

MATHAÏOS 28:2 Mawu Ofanana

MATHAÏOS 27:60

bad u la buh ïa ka ha ka jingtep thymmai jong u, ïa kaba u la tih ha u mawsiang; bad haba u la pyntyllun ïa u maw bakhraw ha ka jingkhang ka jingtep, u la leit noh.

MATHAÏOS 27:66

Ki la leit te, ki la pynskhem ïa ka jingtep, ki da shon shab ïa u maw, ki nongap ruh ki da don lem.

ÏOANNIS 20:1

Te ha ka sngi nyngkong jong ka taïew, ka Mari ka nong Magdala ka la leit mynstep haba ka dang dum, sha kata ka jingtep; bad ka la ïohi ba la rah noh ïa uta u maw na kata ka jingtep.

KI KAM 16:26

Te shisyndon la jia ka jingkhynñiuh jumai kaba khraw, kat ban pynkhynñiuh noh ïa ki nongrim jong kata ka ïing byndi; te kumne kumne ruh la plie wang ïa ki jingkhang baroh, bad ïa ki kynjri jong ki baroh la loit noh ruh.

KI KAM 5:19

Hynrei, mynmiet, u angel U Trai u la plie wang ïa ki jingkhang kata ka ïing byndi, bad haba u la ïalam noh ïa ki shabar, u la ong,

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.

JINGPYNPAW 11:19

Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.