MATHAÏOS 27:51 - KA BAIBL

⁵¹ Ha khmih ruh, ka jingkah ha ka templ ka la kad ar bynta, naduh na jrong haduh ha tbian, bad ka khyndew ka la khynñiuh, bad ki mawsiang ki la pdang,

Khasi CL Bible (BSI)

⁵¹ Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

MATHAÏOS 27:51 Mawu Ofanana

2 KHRONIKL 3:14

Te u la thaw ïa ka jingkah na ka bajyrngam, bad ka basaw bthuh, bad ka basaw syng-iang, bad ka jaiñ linen bani, bad u la mutdur halor da ki Kherub.

SALM 18:15

Hangta ki tynrai jong ki um ki la paw, bad ïa ki nongrim jong ka pyrthei la pynlyngkhuit, ha ka jingsneng jong me, A Trai, ha kaba beh ka jingpyrsad ki thliew khmut jong me.

SALM 18:7

Ynda kumta, ka khyndew ka la khih bad ka la khynñiuh, ki nongrim ki lum ruh ki la win bad la pynkhih ïa ki, namar ba u la bitar.

EKSODOS 40:21

bad u la wallam ruh ïa kata ka synduk hapoh Ka Tabernakl, bad u la woh ïa kata ka jingkah pdeng, bad u la kah ïa ka synduk ka jingphla; kumba U Trai u la hukum ïa u Moses.

ISAÏAH 25:7

Te un pynjot ha une u lum ïa ka jingtap khmat ba la tap halor ki kynja bynriew baroh, bad ïa ka jingtap ba la phriang halor ki jaid bynriew baroh.

LEBITIKOS 16:2

bad U Trai u la ong ha u Moses, “To kren ha u Aaron u hynmen jong me, ba un ym wan ha la ka sngi ha ka jaka kyntang shapoh ka jingkah, ha khmat ka jingtap-isynei kaba halor ka synduk; ba un ym ïap noh: naba ngan mihpaw ma nga halor ka jingtap-isynei ha u lyoh.

LEBITIKOS 21:23

Tangba un ym ïoh leit bsut haduh ka jingkah, lymne leit hajan ïa ka duwan, namar ba u don ka jingsniewbriew ha u; wat ai ba un pyntngit ïa ki jaka kyntang jong nga: naba nga long U Trai uba pynkhuid ïa ki.’ ”

HABAKKUK 3:10

Ki lum ki la ïohi ïa me, bad ki la sheptieng; ka jingshlei ki um ka la ïaid lait noh: ka jingjylliew ka la pynmih la ka ktien, bad ka la rah sha jrong ïa la ki kti.

HABAKKUK 3:13

Me la mih noh khnang ïa ka jingpynim ki briew jong me, ïa ka jingpynim uba la sleh jong me; me la shoh noh ïa ka khlieh na ka ïing jong u bymman, me da pynlyngkhuit ïa ka nongrim jin haduh ka ryndang keiñ.

JINGKHEIÑ 4:5

te haba uta u paidlang un sa ïaid noh, u Aaron un wan, lem bad ki khun shynrang jong u, bad kin ïalaw noh ïa ka jingkah bapynïakhlad, bad kin ïatap noh da ka, ïa ka synduk ka jingphla:

MATHAÏOS 27:54

Te haba u rangbah shispah bad kita kiba bad u, kiba ïa-ap ïa U Jisu, ki la ïohi ïa ka jingkhynñiuh ka khyndew, bad ïa kiei kiei ruh kiba la long, ki la ïasheptieng shikatdei eh, ki ïa-ong, “Shisha une u la long U Khun U Blei.”

MATHAÏOS 28:2

Ha khmih ruh, la khih jumai bakhraw; naba u angel U Trai u la lah hiar na bneng, bad haba u la wan u la pyntyllun noh ïa uta u mawkhang, bad u la shong halor jong u.

MARKOS 15:38

Te ka jingkah ka jong ka templ ka la kad ar liang, naduh jrong haduh tbian.

LOUKAS 23:45

Te la pyndum ïa ka sngi, bad la pynkad ïa ka jingkah jong ka templ napdeng.

LOUKAS 23:47

Te haba u rangbah shispah u la ïohi ïa kaei ba la leh, u la ïaroh ïa U Blei, u da ong, “Da shisha une u briew u la long u bahok.”

HEBRU 6:19

ïa kaba ngi don kum ka angkor ïa ka mynsiem ba-neh den ruh bad baskhem, bad kaba leit bsut sha kata kaba hapoh ka jingkah;

HEBRU 9:3

Bad shadien ka jingkah ka ba-ar Ka Tabernakl ïa kaba la khot “ka Jaka kyntang tam”;

JINGPYNPAW 11:13

Bad ha kata kajuh ka por ka la long ka jingkhynñiuh jumai bakhraw, te kaba shiphew ka bynta na kata ka nongbah ka la kyllon khram; bad la pynïap noh ha kata ka jingkhynñiuh jumai hynñiew hajar ki briew: te kita kiba sah ki la ïasheptieng eh, bad ki la ïa-ai burom ha U Blei ka bneng.

JINGPYNPAW 11:19

Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.