MATHAÏOS 27:12 - KA BAIBL

¹² Hynrei, ha kaba mudui ïa U da kita ki rangbah lyngdoh bad kita ki tymmen basan, um shym ïathuh ei ei ruh em.

Khasi CL Bible (BSI)

¹² Hynrei um shym ong ei ei ha kaba jubab ïa ki jingmudui jong ki rangbah lyngdoh bad ki tymmen ki san.

MATHAÏOS 27:12 Mawu Ofanana

ISAÏAH 53:7

La banbeiñ ïa u, pynban, u la pynrit ïa lade bad um shym la ang la ka shyntur; kum i khun langbrot ba la ïalam sha ka jingpynïap, bad kum ka langbrot kaba sngap jar ha khmat ki nongot shñiuh jong ka; shisha, um shym ang la ka shyntur.

MATHAÏOS 26:63

Hynrei, U Jisu u la shu sngap. Te u rangbah lyngdoh u da ïathuh u la ong ha U, “Nga pynsmai ïa me ha U Blei U Ba-im, ba men ïathuh ha ngi, la me long uba U Khrist, U Khun U Blei!”

MATHAÏOS 27:13

Ynda kumta, u Pilat u la ong ha U, “Mem sngew ïa kaba katno kiei kiei ruh ba ki ïamudui ïa me?”

MATHAÏOS 27:14

Um shym la ïathuh te ha u wat kawei ka ktien ruh, kat ban pynkyndit ïa uta u lyngskor shikatdei eh.

LOUKAS 23:9

U la kylli te ïa U da ki shibun ki ktien; hynrei, um shym la ïathuh ei ei ruh em ha u.

KI KAM 8:32

Te ka jaka jong kata Ka Jingthoh kaba u la pule, ka la long kane: “Kum ka langbrot la ïalam noh ïa u sha ka jingpynïap, bad kum i khun langbrot ba sngap jar ha khmat u nongot shñiuh jong i, kumta um ang la ka shyntur.

1 PETROS 2:23

uba, haba la krenbeiñ ïa u, um ju krenbeiñ kylliang; haba u shah shitom, um ju byrngem; hynrei, u la ju aiti noh ha uta uba bishar hok: