MATHAÏOS 26:39 - KA BAIBL

³⁹ Haba u la leit sha shuwa khyndiat, u la dem da pyllup bad u la duwai, u da ong, “Ko Kpa jong nga, lada don lad, to ai ba kane ka khuri kan ïohlait noh na nga. Pynban, ym kumba nga mon ma nga, hynrei, tang kumba me mon.”

Khasi CL Bible (BSI)

³⁹ U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

MATHAÏOS 26:39 Mawu Ofanana

JENESIS 17:3

Ynda kumta, u Abram u la nguh ngon haduh khyndew: U Blei te u la kren bad u, u da ong,

2 SAMUEL 15:26

hynrei, lada un ong kumne, ‘Ïa me ngam sngewbha shuh’; ha khmih, nga hangne, to un leh ïa nga katba u ibit ma u.”

1 KHRONIKL 21:16

Te u Dabid u la khmied ïa la ki khmat, bad u la ïohi ïa uta u angel U Trai ba u ïeng hapdeng ka khyndew bad ka bneng, uba bat ka waitlam ba la sei ha la ka kti ba la kner halor ka Jerusalem. Ynda kumta, u Dabid bad ki tymmen basan, kiba la kup da ki jaiñ byrni, ki la hap dem la ki khmat.

ISAÏAH 50:5

U Trai U Blei u la plie ïa ka shkor jong nga, te ngam shym leh kiat, lymne phai dien noh.

ISAÏAH 53:12

Namar kata, ngan ïasam bynta ha u bad ki bakhraw, bad un ïabynta ïa ka jinglute bad ki bakhlaiñ; namar u la theh noh ïa la ka mynsiem haduh kaba ïap, la ñiew ruh ïa u bad ki nongryngkang: pynban u la bah ïa ka pop jong kiba bun, bad u la ïasaid na ka bynta ki nongryngkang.

ESEKIEL 1:28

Kum ka jing-i ïa uta u simpyllieng uba long ha u lyoh ha ka sngi slap, kumta keiñ, ka la long ka jing-i jong kata ka jingthaba baroh sawdong. Kane ka la long ka jing-i ïa ka dur jong ka burom U Trai. Te haba nga la ïohi ïa ka, nga la hap dem da la ka khmat, bad nga la ïohsngew ïa ka jingsawa jong uwei uba la kren.

JINGKHEIÑ 14:5

Hynrei, u Moses bad u Aaron, ki la dem ngon la ki khmat ha khmat ka jingïaseng baroh u paidlang ki khun Israel.

JINGKHEIÑ 16:22

Te ki la hap dem la ki khmat, bad ki la ong, “A Blei, uba U Blei jong ki mynsiem ki doh baroh, tang uwei u briew uba la leh pop, te men bitar lep ïa u paidlang baroh?”

MATHAÏOS 20:22

U Jisu te u da ïathuh u la ong, “Phim tip ïa kaei ba phi pan. Phi lah ban dih na ka khuri na kaba nga ngan sa dih? bad ban pynbaptis ïa phi da kata ka jingbaptis da kaba la pynbaptis ïa nga?” Ki la ong ha u, “Ngi lah.”

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

MATHAÏOS 26:42

Te ha ka ba-ar sien pat u la leit noh, bad u la duwai, u da ong, “Ko Kpa jong nga, lada ym don lad ïa kane ka khuri ban lait noh na nga lymda nga dih ïa ka, to long ka mon jong me.”

MARKOS 13:22

naba ki Khrist lamler bad ki nongïathuhlypa lamler kin mih, bad kin pyni ki dak bad ki jingphylla ïa ka ban shukor noh, lada lah, wat ïa kiba la jied.

LOUKAS 17:16

bad u la dem khrup ha ki kjat jong U, u da nguh ïa U; une te u la long u nong Samaria.

ÏOANNIS 11:41

Ynda kumta, ki la ïakhyllie noh ïa uta u mawkhang, uba la don ha kaba la buh ïa uta uba la ïap. U Jisu te u la khmied la ki khmat, bad u la ong, “Ko Kpa, nga nguh ïa me ba me ju sngew ïa nga.

ÏOANNIS 14:31

hynrei, ba kata ka pyrthei kan ïoh tip, ba nga ieit ïa uta U Kpa, bad kat kumba uta U Kpa u la hukum ïa nga, kumta nga leh. To ïeng, ngin ïaleit noh nangne.

ÏOANNIS 18:11

Ynda kumta, U Jisu u la ong ha u Petros, “To suh noh ïa kato ka waitlam jong me ha ka jingsop: ïa ka khuri kaba la ai U Kpa ha nga, ngan ym dih ïa ka?”

ÏOANNIS 5:19

Ynda kumta, U Jisu u la ïathuh bad u la ong ha ki, “Shisha, shisha nga ong ha phi, U Khun um lah ban leh ei ei ruh em na lade, hynrei, tang ïa kaba u ïohi ba U Kpa u leh: namar ïa kiei kiei ruh kiba u leh ma u, ïa kita ruh uta U Khun kumjuh u leh.

ÏOANNIS 5:30

“Nga ngam lah ban leh ei ei ruh em na lade hi; kumba nga ïohsngew, nga bishar: bad kata ka jingbishar jong nga ka long ka bahok; naba ngam wad ïa ka mon ka jong nga hi, hynrei, ïa ka mon U Kpa uba la phah ïa nga.

ÏOANNIS 6:38

Naba nga la wan hiar na bneng, ym ba ngan ïoh leh ïa ka mon ka jong nga hi, hynrei, ïa ka mon ka jong uta uba la phah ïa nga.

KI KAM 10:25

Te ka la jia katba u Petros u dang rung, ba u Kornilios u la leit tan ïa u, bad u la dem khrup ha ki kjat jong u, bad u la mane ïa u.

PHILIPPI 2:8

te haba la shem ïa u ha ka rukom kum u briew, u la leh rit ïa lade, haba u la jia long uba kohnguh wat haduh ka jingïap, ho-oid, ka jingïap ka diengphna keiñ.

HEBRU 5:7

Uba ha ki sngi ka doh jong u, haba u la ainguh ïa ki jingduwai bad ki jingkyrpad, lem bad ka jingkyang kaba khraw bad ki ummat, ha uta uba lah ban pyllait ïa u na ka jingïap, bad haba la ïohsngew ïa u namar ka jingtieng riewblei jong u,

JINGPYNPAW 19:10

Te nga la hap dem ha khmat ki kjat jong u ban mane dem ha u. Te u ong ha nga, “To sumar me, wat leh ïa kata! nga long u para shakri jong me bad jong kita ki parabangeit jong me kiba bat ïa ka jingphla U Jisu. To mane dem ïa U Blei” (namar kata ka jingphla U Jisu ka long ka mynsiem ka jingïathuhlypa).