MATHAÏOS 24:44 - KA BAIBL

⁴⁴ Naba kumta, phi ruh to long kiba la kloi; naba ha ka por ba phim mut, u wan U Khun u briew.

Khasi CL Bible (BSI)

⁴⁴ Kumta te, phi dei ban long kiba ïai pynkhreh, namar ba U Khun U Briew un wan ha ka kynta kaba phim shym khmih lynti ïa u.

MATHAÏOS 24:44 Mawu Ofanana

MATHAÏOS 24:27

Naba kumba ka mih noh ka leilieh na mihngi, bad ka shai haduh sepngi, kumta ruh kan long ha kata ka jingwan U Khun u briew.

MATHAÏOS 24:42

Namar kata, to sharai, naba phim tip ha kano ma ka sngi ba u wan U Trai jong phi.

MATHAÏOS 24:43

Ïa kane te phi tip, ba lada u trai ïing u la tip ha kano ka por ba un wan u nongtuh, un da la ap, bad un ym da shah ban prat ïa ka ïing jong u.

MATHAÏOS 25:10

Haba ki dang ïaleit ban thied te, u la wan uta u nongleit-kurim; te kita kiba la kloi ki la leit hapoh lem bad u sha ka jingkhawai shongkurim; te la khang ïa ka jingkhang.

MATHAÏOS 25:13

Namar kata, to sharai, naba phim tip lymne ïa ka sngi lymne ïa ka por ha kaba u wan U Khun u briew.

LOUKAS 12:39

Hynrei, ïa kane to tip, ba lada u trai ïing u la lah tip ha kano ka por ba wan u nongtuh, un da la ap, bad un ym da ieh ban prat ïa ka ïing jong u.

LOUKAS 12:40

Phi ruh to long kiba la kloi; naba ha ka por ba phim mut, ba u wan U Khun u briew.”

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

PHILIPPI 4:5

To ai ba ka jingïaishah jong phi kan paw ha ki briew baroh. U Trai u la jan.

JAKOB 5:9

To wat ïakren khñium paralok hi, ko parabangeit, ba yn ym pynrem ïa phi: ha khmih, uta U Nongbishar u ïeng keiñ ha khmat ka jingkhang.

JINGPYNPAW 19:7

To ngin ïakmen bad ngin ïashadkmen, bad to ngin ïa-ai ka burom ha u: naba ka jingshongkurim U Khun langbrot ka la jia, bad ka tnga jong u ka la pynkhreh ïa lade.