MATHAÏOS 24:43 - KA BAIBL

⁴³ Ïa kane te phi tip, ba lada u trai ïing u la tip ha kano ka por ba un wan u nongtuh, un da la ap, bad un ym da shah ban prat ïa ka ïing jong u.

Khasi CL Bible (BSI)

⁴³ Lada u trai ïing u la tip ïa ka por ba u nongtuh un wan, phi lah ban thikna ba un jin da la peitmat bad un ym shah ïa u nongtuh ban prong shapoh ka ïing jong u.

MATHAÏOS 24:43 Mawu Ofanana

Ka Kitab U Job 24:16

Ha ka ba-dum ki pynpei ïa ki ïing: ki rieh khop ïa lade mynsngi; kim tip ïa ka jingshai.

PROBERB 7:19

Naba u tnga jong nga um don ha ïing, u la leit jingleit sha jngai.

MATHAÏOS 14:25

Te ha ka jingap miet ka basaw U Jisu u la leit ha ki, u da ïaid halor ka duriaw.

MATHAÏOS 20:11

Haba ki la pdiang te, ki la ïakren khñium ïa uta u trai ïing,

MATHAÏOS 24:42

Namar kata, to sharai, naba phim tip ha kano ma ka sngi ba u wan U Trai jong phi.

MATHAÏOS 24:44

Naba kumta, phi ruh to long kiba la kloi; naba ha ka por ba phim mut, u wan U Khun u briew.

MATHAÏOS 25:10

Haba ki dang ïaleit ban thied te, u la wan uta u nongleit-kurim; te kita kiba la kloi ki la leit hapoh lem bad u sha ka jingkhawai shongkurim; te la khang ïa ka jingkhang.

MATHAÏOS 25:13

Namar kata, to sharai, naba phim tip lymne ïa ka sngi lymne ïa ka por ha kaba u wan U Khun u briew.

MARKOS 13:35

Namar kata, to sharai, naba phim tip lano uta u trai ka ïing u wan, ha kaba la janmiet, ne shiteng synñia, ne haba riew syiar, ne mynstep;

MARKOS 6:48

U la ïohi te ïa ki, ba ki shitom da kaba ki ïaking, naba ka lyer ka la beh pyrshah ïa ki: te hamar ka jingap miet ka basaw, u wan ha ki, u da ïaid halor duriaw; bad u la leh kum ban sa ïaid kiar ïa ki.

LOUKAS 12:38

Bad lada un wan ha ka ba-ar jingap miet, lane ha ka balai, bad un shem ruh ïa ki kumta, suk keiñ kita ki shakri.

LOUKAS 12:39

Hynrei, ïa kane to tip, ba lada u trai ïing u la lah tip ha kano ka por ba wan u nongtuh, un da la ap, bad un ym da ieh ban prat ïa ka ïing jong u.

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

JINGPYNPAW 16:15

(“Ha khmih, nga wan kum u nongtuh. Suk uta uba sharai, bad uba ri noh ïa la ki jaiñkup, ïoh ba un ïaid lyngkhuit, bad ba kin ïohi ïa ka jinglehrain jong u.”)

JINGPYNPAW 3:3

To kynmaw, namar kata, kumno pha la pdiang bad pha la ïohsngew, bad to ri skhem ïa ka, bad to kylla-ka-bamut. Namar kata, lada pham sharai, ngan wan kum u nongtuh keiñ, te phan ym ïoh tip ha kano ka por ngan wan ha pha.