MATHAÏOS 24:21 - KA BAIBL

²¹ Naba hangta, ka kordit bah kan long, kat kaba ym pat ju long naduh myndanglong ka pyrthei haduh mynta, em, lymne kan ym long shuh ruh.

Khasi CL Bible (BSI)

²¹ Namar ka jingjynjar ha kata ka por kan kham shyrkhei ban ïa kano kano kaba la ju jia, naduh kaba sdang jong ka pyrthei haduh kane ka sngi. Lymne ba yn don pat kano kano kum kane.

MATHAÏOS 24:21 Mawu Ofanana

ESEKIEL 5:9

Bad ngan leh ha pha ïa kata kaba ngam pat ju leh, bad ïa kaba ngan ym leh shuh kaba kajuh, namar ki jingijli jong pha baroh.

DANIEL 12:1

“Te ha kata ka por, un ïeng u Meikhal, uta u rangbah bakhraw uba ïeng na ka bynta ki khun ki briew jong me: bad kan long ka por kaba jynjar, kat kata ym shym la don naduh ba la long ka jaid bynriew haduh kata ka por: bad ha kata ka por, yn pynim ïa ki briew jong me, ïa kat u ban shem ba la thoh ha kata ka kitab.

DANIEL 9:26

Te hadien kita ki hynriewphew ar taïew, ïa uta uba la sleh yn ot noh, bad un ym ïoh ei ei ruh: bad ki briew jong uta u syiem u ban wan, kin pynjot noh ïa kata ka nongbah bad ïa kata ka jaka kyntang; bad ka bakut jong u kan long da ka jingshlei, te haduh ka bakut keiñ kan long ka thma; la thmu ïa ki jingpynjot.

JOEL 1:2

“To sngap ïa kane, phi ki tymmen, bad to shahshkor, phi kiba shong ha ka ri. Kum kane ka la jia ha ki sngi jong phi, lane ha ki sngi ki kpa jong phi?

JOEL 2:2

ka sngi kaba dum bad baïong, ka sngi ki lyoh bad ka jingdum barben, kumba ka step phyrngab ka phriang halor ki lum; u paidbah u bakhraw bad u bakhlaiñ, ym shym don mynno mynno uba kat uta, lymne kan ym long shuh ruh hadien jong u, haduh ki snem pateng la pateng keiñ.

MALAKHI 4:1

“Naba, ha khmih, kata ka sngi ka wan, ka ing kum ka lawar ding; te kiba sarong baroh, bad baroh kiba leh bymman, kin long u skum: bad kata ka sngi kaba wan kan pyningkhong ïa ki,” ong U Trai ki paid, “kat ban ym pynsah ïa ki lymne u thied lymne ka tnat.

MATHAÏOS 24:20

Hynrei, phin duwai ba kata ka jingphet ïap noh jong phi kan ym long myntlang, lymne ha ka sngi Sabbaton.

MATHAÏOS 24:29

“Kumne kumne ruh, hadien ka jynjar kita ki sngi, ïa ka sngi yn pyndum, bad u bnai un ym ai la ka jingshai, bad ki khlur kin hap na bneng, bad yn pynkhynñiuh ïa ki bor ki bneng.

MARKOS 13:9

“Hynrei, to sumar ïa lade; naba kin ai noh ïa phi ha ki jingbishar, bad ha ki synagog yn sympat ïa phi, bad yn pynïeng ïa phi ha khmat ki lyngskor bad ki syiem na ka bynta ka kyrteng jong nga, ïa ka ban long ka jingphla ïa ki.

LOUKAS 21:24

Kin kyllon ruh da ka syrti waitlam, bad yn ïalam mraw ïa ki sha ki kynja bynriew baroh; bad kan long ba la ïuh top ïa ka Jerusalem da ki Jentil, tad ynda yn pyndep ïa ka Ïa ki Jentil.

1 THESSALONI 2:16

ki da khang ïa ngi ban ïalap ha ki Jentil ba yn ïoh pynim ïa ki; ïa ka ban pyndap noh ïa ki pop jong ki ha la ka sngi; hynrei, kata ka jingbitar ka la wan ha ki haduh ka bakut.

JINGPYNPAW 16:18

Te la don ki leilieh, bad ki jingsawa, bad ki pyrthat; bad la don ka jingkhynñiuh jumai bakhraw, kat kata kam ju la long naduh ba la long ki briew ha ka khyndew, ka jingkhynñiuh jumai bajur eh katta katta, bad kaba khraw katta katta.

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.