MATHAÏOS 24:11 - KA BAIBL

¹¹ Bun ki nongïathuhlypa lamler ruh kin mih, bad kin shukor ïa shibun.

Khasi CL Bible (BSI)

¹¹ Nangta shibun ki nongïathuhlypa lamler kin mih bad kin shukor ïa ki briew kiba bun.

MATHAÏOS 24:11 Mawu Ofanana

MATHAÏOS 24:12

Te namar ba ka pop kan man bun, ka jingieit kiba bun kan man khriat.

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

MATHAÏOS 24:5

Naba bun kin ïawan ha ka kyrteng jong nga, ki da ong, ‘Ma nga uba U Khrist’, bad kin shukor ïa shibun.

MATHAÏOS 7:15

“To sumar na ki nongïathuhlypa balamler, kiba ïawan ha phi ha ki jaiñkup snieh langbrot, hynrei, hapoh ki long ki suri bapynjot.

MARKOS 13:22

naba ki Khrist lamler bad ki nongïathuhlypa lamler kin mih, bad kin pyni ki dak bad ki jingphylla ïa ka ban shukor noh, lada lah, wat ïa kiba la jied.

KI KAM 20:30

bad napdeng jong phi hi ruh, ki rangbah kin ïamih kiba ïalap ïa kiei kiei ruh kiba bakla, ïa ka ban ring pah ïa ki synran hadien jong ki.

1 TIMOTHI 4:1

Hynrei, U Mynsiem u ong shai, ba ha ki Ïa ki bakhatduh, don ki ban hap noh na ka jingngeit; da kaba pynshahshkor ha ki mynsiem bashukor, bad ha ki jinghikai ki ksuid;

2 PETROS 2:1

Hynrei, ki la don ki nongïathuhlypa balamler ruh hapdeng uta u paidlang, kumba hapdeng jong phi ruh kin long ki nonghikai balamler, ki ban wallam tuh hapoh ïa ki jinghikai bakla bapynjot noh, bad haba ki len noh ïa uta U Kynrad uba la siewspah ïa ki, ki da pynwan kumta ha lade hi ïa ka jingpynjot kaba stet thir thir.

1 ÏOANNIS 2:18

Ko khun hep, ka long ka por bakhatduh: bad kumba phi la ïohsngew ba uta uba ïaleh pyrshah ïa U Khrist u wan, wat mynta ruh la mih noh shibun kiba ïaleh pyrshah ïa U Khrist; nangta keiñ ngi tip ba ka long ka por bakhatduh.

1 ÏOANNIS 2:26

Ïa kine kiei kiei ruh nga la thoh ha phi shaphang kita kiba ïalam bakla ïa phi.

1 ÏOANNIS 4:1

Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.

JUDAH 1:4

Namar don kino kino ruh ki briew kiba la par sian shapoh, ïa kiba la kynthoh lypa la mynslem khnang sha kane ka jingpynrem, ki briew ki bymriewblei, kiba pynkylla ïa ka jingaiei U Blei jong ngi sha ka jingleh jakhlia, bad kiba len noh ïa U Jisu Khrist, uba long tang ma u hi U Kynrad bad U Trai jong ngi.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.