MATHAÏOS 23:5 - KA BAIBL

⁵ Hynrei, ïa ki jingleh jong ki baroh, ki leh khnang ïa ka ban ïohi da ki briew: namar ki pynpyiar ïa la ki philakteri, bad ki pynkhraw ïa ki rmiang ki jaiñ jong ki,

Khasi CL Bible (BSI)

⁵ Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

MATHAÏOS 23:5 Mawu Ofanana

2 SYIEM 10:16

Bad u la ong, “To wan bad nga, bad to khmih ïa ka jingshitrhem jong nga na ka bynta U Trai.” Kumta, ki la pynshong ïa u ha ka kali jong u.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

PROBERB 3:3

Wat ai ba ka jingisynei bad ka jingshisha kin iehnoh noh ïa me: to teh ïa ki ha ka ryndang jong me; to thoh ïa ki ha u maw lyngkniap ka dohnud jong me:

LEBITIKOS 13:32

bad u lyngdoh un khmih-ïit ïa ka jingpang sniew ha ka bahynñiew sngi: bad ha khmih ruh, lada kata ka jingpang 'ñiangthohlieh kam shym la nang ïar, bad lada ym don u shñiuh bastem ha ka, bad kata ka jingpang 'thohlieh kam i long kham jylliew ïa ka snieh,

MATHAÏOS 9:20

Ha khmih ruh, ka briew kaba la pang mihsnam khat-ar snem, ka la wan hajan na shadien, bad ka la ktah ïa ka rmiang ka jaiñkup jong U;

LOUKAS 16:15

Te u la ong ïa ki, “Phi long kita kiba pynksan ïa lade ha khmat ki briew, hynrei, U Blei u ithuh ïa ki dohnud jong phi, naba kata ïa kaba la ñiewkor ha ki briew, ka long kaba ijli ha khmat U Blei.

LOUKAS 20:47

kiba bam duh ïa ki ïing ki riewkynthei, bad kiba duwai jlan ruh khnang ban tyllep; kine kin ïoh diang ïa ka jingshitom kaba kham khraw.”

ÏOANNIS 12:43

Naba ki la ïa-ieit ïa ka jingïaroh jong ki briew kham tam ban ïa ka jingïaroh ka jong U Blei.

ÏOANNIS 5:44

Kumno phi lah ban ngeit, phi kiba ïakhmih burom paralok hi, bad phim ïawad ïa kata ka burom kaba na U Blei uba tang ma u hi?

ÏOANNIS 7:18

jar uba kren na lade, u wad ïa la ka jong ka burom: hynrei, jar uba wad ïa ka burom jong uta uba la phah ïa u, uta u long uba shisha, bad ka jingbymhok kam don ha u.

DEUTERONOMI 11:18

“Namar kata, to buh khop ïa kine ki ktien jong nga ha ka dohnud jong phi, bad ha ka mynsiem jong phi, bad to teh ïa ki kum ka dak ha ka kti jong phi, bad kin long kum ki jingdeng shyllangmat hapdeng ki khmat jong phi.

DEUTERONOMI 22:12

“Men jyrthiaw ïa ki saw ki rmiang ka jaiñkup jong me, ïa kaba me kup.

DEUTERONOMI 6:8

Bad men teh ïa ki kum ka dak ha ka kti jong me, bad kin long kum ki jingteh shyllangmat hapdeng ki khmat jong me.

PHILIPPI 1:15

Don shisha keiñ kiba ïalap ïa U Khrist wat na kaba sngewpihuiñ bad kaba ïa-pyneh; don ruh kiba na ka mon sngewbha:

PHILIPPI 2:3

wat leh ei ei ruh da ka jingïapyneh lane da ka jingsarong; hynrei, da ka jingsngewrit da ñiew phi ïa ki paralok kiba kham bha ban ïa lade;

2 THESSALONI 2:4

uta uba ïaleh pyrshah bad uba pynsarong ïa lade pyrshah ïa baroh ba la khot “Blei” lane ba ju mane; kat haduh ba u shong ha ka templ U Blei, u da leh Blei ïa lade.